الناشر غيث اللآمي(للقصائد المنبريه)

#فزاعيات



حسين گوم وعوف خويه النومة هاي
الغربه تنطي ابروحها وما تنطي ماي
خويه شنهي جا خلص وكت الدلال
شنهي رايك اني ماضل عندي راي

تمشون وي زينب بعد
لو ايس من اخواني

حسين خويه الدنيه راح اتصير ليل
واني ما اندل ولا واحد دليل
خافن امشي واسحگ الما ادري بيه
كلشي ماشوف واخاف عللكفيل

عباس متطشر وذر
والحومه هندس صارت

خويه كمت اشتم عطر منانه جاي
بي سوالف جربه ما متروسه ماي
يمكن بهاذه الكتر نهر الفرات
واضن هاذه العطر من عباس جاي

وجفين ماعنده الگمر
سلم عَلي بزنوده

هاذه عون بلايه راس شجابه جاي
وليش عايف خاله ويدور افياي
كوم يمه الزلمه بالكلفه يبان
وكوم تچي الخالك ونسّي الماي

وشو گوم ياعون انتهض
خالگ يدور عونه

هسه انه بيا كتر لاوين اروح
خاف ادوس الكله عورات وجروح
اركض واوكف وافكر واستريح
وانهض ولحسين بچفوفي الوح

يحسين زينب ندهتك
توميلك بذرعانها




الخادم ✍️ عــــلــي مـــيـــران

#فزاعيات.  أربعين مولاتنا زينب (عليها السلام)

أجه يوم أربعيني وماهم أخواني
لا مـنهم خـبـر لا نـاعـي يـنعـانـي
لو مدفونه يمهم چا غربتي تهون
بيـن أگبورهم لـو صـاير أمچاني

(بالشام السباني.. أندفن تاليها)

يل بـاريت ظـعـني ردت تـبرالي
أجـه يـوم أربعيني ومـاهـو كفالي
لا رايه الترف لا جاني أخوي حسبن
مـن ياخـذ أبـثاري الـشام كـتالي

(غربه وبس شماته.. الشام والبيها)

صعبه ياهلي وماتنحچي الصعبه
مـحـد عـالغريـبه يـنـكسر گـلبه
بگلبي أكثر جرح يلچمني حد اليوم
لسه ياهلي وما خلصت الغربه

(ألما يمها أهلها ...الغربه تاذيها)

أنه وميته وسمعهم حچو عني
الشماته بموتتي وما بطلو مني
ما وياها رايه أسمعهم يگولون
حتى وبعد موتي الشام هاظمني

(شو محد أجاها ..وين أهاليها)

بالغربه أربيعني ويكسر الخاطر
تمنيت وي اخوتي الموته بالعاشر
بگبري وحن دليلي وگلت هلبت عاد
وي زواري أشوف من اخوتي زاير

(كون أظعوني تجبل.. ويه واليها)

✍️حسين حمدان الدلفي

#فزاعيات. أربعين مولاتنا زينب (عليها السلام)

أجه يوم أربعيني وماهم أخواني
لا مـنهم خـبـر لا نـاعـي يـنعـانـي
لو مدفونه يمهم چا غربتي تهون
بيـن أگبورهم لـو صـاير أمچاني

(بالشام السباني.. أندفن تاليها)

يل بـاريت ظـعـني ردت تـبرالي
أجـه يـوم أربعيني ومـاهـو كفالي
لا رايه الترف لا جاني أخوي حسبن
مـن ياخـذ أبـثاري الـشام كـتالي

(غربه وبس شماته.. الشام والبيها)

صعبه ياهلي وماتنحچي الصعبه
مـحـد عـالغريـبه يـنـكسر گـلبه
بگلبي أكثر جرح يلچمني حد اليوم
لسه ياهلي وما خلصت الغربه

(ألما يمها أهلها ...الغربه تاذيها)

أنه وميته وسمعهم حچو عني
الشماته بموتتي وما بطلو مني
ما وياها رايه أسمعهم يگولون
حتى وبعد موتي الشام هاظمني

(شو محد أجاها ..وين أهاليها)

بالغربه أربيعني ويكسر الخاطر
تمنيت وي اخوتي الموته بالعاشر
بگبري وحن دليلي وگلت هلبت عاد
وي زواري أشوف من اخوتي زاير

(كون أظعوني تجبل.. ويه واليها)

✍️حسين حمدان الدلفي

#فزاعيات

أستشهاد مولاتي الزهراء صلوات الله عليها



حامي الدار ينضر حرمته تطيح
و من گد ما ولوها توگع بريح
كام ينود حيدر يخنگ الشوف
كام و طاح كلما حرمته تصيح

﴿ هدلن متونه حيدر مات حيله ﴾

..

حيدر يا هضيمه سال الدموع
گام يدگ ضلوعه بكسر الضلوع
بلحجره و سمع صوت أم الحسين
صوت ضلوعها بلحجره مسموع

﴿ دگهن ضلوعه حيدر من سمعها ﴾
..

گام يون هظيمه حيدر الحيد
شاف الدم عليها و تارس الأيد
ما راعوا حرمته الناس الاجناب
بيت جواد طبوا موش أجاويد

﴿ الچان يرعاهم حرگوا باب داره ﴾

..

كل الديره سمعت حيدر ينوح
اول مره حاله يتعب الروح
انجرحت غيرته و بأيدة بس شوف
بس بگلبه هاجن كل الجروح

﴿ سالت دموعه دموعه تطيح حمره ﴾

..

تمنه بهاذا حاله تموت العيون
راد يكوم بس الحيل مدفون
خانه الحيل حيدر طاح علگاع
حمل هاي المصيبه يهد المتون

﴿ بعصره الزهرة عصرو گلب حيدر ﴾




علي حسين الخفاجي

#فزاعيات شور

[يعلويات هاشم… ذبحوا السادة]
[يعلويات هاشم… ذبحوا السادة]
______
ضل بس العليل الحالچن يبرة
وهوة علته كلما مشة أتعثرة
خل يشد گفاه بعمامتة الخضرة
وخل يشيل عوچيتة ويگف برة

[خيل الشر أجت… عالخيم هدادة]
[يعلويات هاشم… ذبحوا السادة]

أجت الخيل تركض صاكة أرحيهة
لو حرگوا خيمچن ياهو يطفيهة
اركضن والتگع كلچن سند ليهة
بدربهة الخيل خافن تسحگ اعليهة

[عنچن يالحرم …مابقت نشادة]
[يعلويات هاشم… ذبحوا السادة]

يعلويات خلصت بعد مامنهة
وين متونچن لسوط حضرنهة-
من وحدة أعلة وحدة العبي شدنهة
حتى اليعثروهة أنتن تعيننهة

[الضعنچن مابقة… حارس ولا قادة]
[يعلويات هاشم… ذبحوا السادة]

شدن حيلچن والشدة مگظية
وعلوية يكون تباري علوية
أول تالي زينب تمشي مسبية
ناگتهة هزيلة وماهي مرجية

[تحضرن للسبي… وهالحان ميعادة]
[يعلويات هاشم …ذبحوا السادة]

موش أولامچن هذا الدرب تمشن
وطول الليل سهرانات ما تغفن
على سوگ الشماتة شلون لو فتن
يويلي بمستحاچن بالمشي أتعثرن

[وعليچن چم نذل… بالسوط يتمادة]
[يعلويات هاشم… ذبحوا السادة ]

أمن السوگ القصرهم فرجة سووچن
وأنواع الشتم والحچي سمعوچن
والذيچ الخرابة أنوب ودوچن
يوم أگشر صدگ بالشام راووچن

[ياهو الماسمع… حادي الضعن نادة]
[يعلويات هاشم… ذبحوا السادة]

على رماح الهظيمة الروس مو منظر
ضايع لونهن من گد سموم البر
بكل خطوة أحس جرح النحر يكبر
يهز بالروس وأگبال الضعن يفتر

[راس حسين وي.. أخوانة وولادة]
[يعلويات هاشم… ذبحوا السادة]
________
✍::️حسين حمدان الدلفي

#قصائد_محرم_
#محرم_الليلة_العاشرة_💔

#فزاعيات_
يوم العاشر بعد ان دنت الخيالة من جسم الحسين (ص)تنضر مولاتي زينب (ص) على جسم اخوها الحسين وتگلة......


گوم احسين لا تگرب الخيالة

______________________________

شمس ضهرية مو مالت ابد نومة
والهضمتني اكثر ماهن اهدومة
لم روحك يخوية ومشي بلحومة

انتة اهواي صاير طولك اوشالة
گوم احسين لا تگرب الخيالة

______________________________

شمرت اعيوني يمك شلي بعيوني
شفتك منذبح وانة انخطف لوني
تعبوني يخوية اهواي تعبوني

الحافر موش (خير) خير گبالة
گوم احسين لا تگرب الخيالة

______________________________

نبض گلبي وكف من شفت ذباحك
سكتة بكيفة يذبح وانتة بصياحك
حنين انتة يخوية يكتل انياحك

موت گلبي ضل يتلوع ابحالة
گوم حسين لا تگرب الخيالة


______________________________

اصعدت عل تلة لاكن خوية ماشفتك
مشيت ابلا شعور ورحت دورتك
اول تالي صارت ماتشوف اختك


لگيت احسين كلها مگطعة اوصالة
گوم احسين لا تگرب الخيالة

______________________________

خلص ياضهر لو تاخذ الروح
منين اندار هوة حسين مذبوح
عليه الخيل كامت تلفي وتروح


نايم عل تراب وعايف اعيالة
گوم حسين لا تگرب الخيالة


______________________________
#محرم_1443هـ_

خادم الزهراء ص

✍️محسن الباوي

______________________________
https://t.center/muhseen0

#فزاعيات

من شال الضعن ياهو النشد بيهه
ظـلت حـايــره ومنـتـظره واليهه

من شال الضعن هيه اعله الحاله
اتـفكــر بالـحسين ونـوبـه بعياله
لـمثلـهـه وگفـت البـيـبان جـتـاله

بس افراگ ابو السجاد سابيهه

ابـاب الدار كلفه تـوگف الحرمه
وهيه الواگفه بالضوه وبالظلمه
مـشتاگـه لحـسين يگـلهه يايمه

بهاي الحسره ظلت حيل تاذيهه

ابـدرب اضـعونهم يوميه تـتعنه
الـمـفارگ امـــام اشـلـون يتهنه ؟
تاخذ بيهه حسره اتجيبهه الونه

وگد ما تانته ورمت رجليهه

كــل مـاضعن يجبل تـوگف وتـعثر
وعلى شوفة احسين هواي تتحسر
ست اشهر گضن واتگول شو مامر

حسبه اتجيبهه وحسبه التوديهه

ابـيـوم مـن الايام وسمعـت الـصيحه
طلعت لكـن بكــل خطوه الف طيحه
هلبت اجه احسين وضيمهه ايزيحه

وللجاب البشاره الروح تنطيهه

لـن بـشـر ابـن حـذلـم واگـف وينـعـه
يصيح احسين واهله عالترب صرعه
والـعــبـاس يــم عـبـاس شـيـرجـعـه

كل احجايه منه بسهم يرميهه

ألا يا أهل يثرب شيلو مـن يثربَ
شيخ الطايفه ابن الزهره متسلب
وعقيلة بني هاشم عالهزل تندب

ما ضل والي عدهه وغرب تحديهه

المتانيته ضــل فــوگ المســنايه
ومن جف ابو فاضل سلبو الرايه
الـنـاس ابـلا حميـه داسـو الثايه

وزينب فـاجده ومحد يواسيهه

هــاي ام الـبنـيـن وهــاي حـالـتـهه
عگب احـسيـن نوح ولطم گضتهه
حـن حته العدو من شاف دمعتهه

بجت عدوانها ابكثرة نواعيهه


.............................

ابو حميدة الشويلي

الاثـنـيـن ٢٠٢١/١/٢٥

جمادى الآخرة ١٤٤٢ هـ