منهاج محرم الحرام ١٤٤٦ هـ
#امنيات_العليله-ع
كون السنه حسين يرجعلي سالم
ويـرجع قميصه تشمه الفواطم
___
كون السنه ماينطعن ويردلي ابوي بحيلة
وماينـكسر ظهـر الابو ومـاواحد يتجيله ويرد شمل بيت النبي واشبع عطر من حسين
كون السنه ماكو رمح كدام عمتي يشيلهاسمع يكولون يسلبونه وادم
ويرجع قميصه تشمه الفواطم
____
كون السنه ماكو ذبح ويرد علي الاكبر شاب
وتردلي عماتي البچن لو مر هوى اعليهن هاب
ويرد عبد ماكو سهم وانطيه بدياته الماي
بجّيت هلي ماكو مرض جرح البعد بيه طاب
بالمعركه هناك تنصره الهواشم
ويرجع قميصه تشمه الفواطم
_
يرجع عليل بكشخته نتشابگ بلهفه وشوگ
وترجع رقيه وي الظعن برجليهه ماطب الشوك
كون الحجيته مو حلم يطلع صـدك ياربي
عماتي ماطـبن قصـر ولا مـرن بـذاك السوك
يرجع شمرهم عد اهلي خادم
ويرجع قميصه تشمه الفواطم
_
فزيت ثاريني بحلم كمت وطـحت اتهطر
عكب الغوالي الي مشو كل مابجيت اتفطر
مرسالي وديته بهوى تعبانه ارحموا بحالي
كالولي مذبوح الولي ويشهك تُراب المنحر
كالولي مذبوح من تعبه نايم
ويرجع قميصه تشمه الفواطم
___
#تمت #عباس_القلعاوي