@ganjine5#در_حالات_حضرت_باب_الحوائج_علی_اصغر_ع #ساقي_ميخانه_بزم_الست ايسته دي ائتسون هامي مخموري مست
باغلادي پيمان آچا ميخانه نی
باده دن سرشار ائده پيمانه نی
سسلدي يانقين قلندر لر هاني
باديه عطشان دلاور لر هاني
سالدی شورش عالمه بوالصلا
عالم اولدي عرصه گاه ابتلا
الصلاصوتين كيم ائتدي استماع
ايلدي
باب بلاده اجتماع
وقت او وقت اولدي وفا جوش ايلسون
اوليا جام بلانوش ايلسون
فتح
باب اولدي بلا ميخانه سي
دوشدي دوره ابتلاپيمانه سي
ساقي بزم محبت بير به بير
ائتدي عشاقي كمندينده اسير
جمله سين مست ايلدي بير جامدن
كيمسه نوميداولمادي انعامدن
لطفيني مشمول اصحاب ايلدي
بير به بير اول جمعي سيراب ايلدي
بير نفسده مي پرست اولدي هامي
باده عشقيله مست اولدي هامي
ساقي بزم وفا سالدي نظر
گوردي اصحاب محبت سر به سر
غرق اولوبلار جمله قان درياسينه
باش قويوبلار كربلا صحراسينه
سرگران مي دن دوشوب فرزانه لر
شعله شمعه يانان پروانه لر
گوردي ساقي وار قالان اول جمعدن
چون اوزاق پروانه دوشمز شمعدن
سسلدي وار جمعدن عطشان قالان
آخرين پيمانه ني مندن آلان
كيمدي قويسون مرد مردانه قدم
عرصه عشقه، قدين ائتسون علم
كيم قالير بو مجمع هشياردن
ايچمه ميش بو ساغر سرشاردن
باده كپ لرده تلاطمدن داشور
سانكي دريا موج ائدور باشدان آشور
دوردن مي دوشمميش تعجيل ائده
رندليق نقصانيني تكميل ائده
باده قينردن دوشر كن صاف اولوب
جامه توكجاق عين و شين و قاف اولوب
بو مي ين اود دور ازل كيفيتي
ايچمسين يوخ هر كيمين ظرفيتي
بير ايچيم هر كيم بو صهبادن ايچوب
اولين پيمانه ده باشدان گئچوب
ايندي بو ميخانه بو ساغر بو مي
ائتموشم شرطين سيزه اولده طي
كيمدي بسم الله بو مي بو ميكده
طاقتي گر واردي چكسون عربده
اوز حضورين فورا اعلام ايلسون
ساغر الده عزم پيمان ايلسون
باشليوب درياي وحدت جزر و مد
نقش اولوب ديللرده ذكر يا احد
هر كسه وار باده اوز اندازه سي
محو اولار بيرنشعه ده خميازه سي
ناگهان اول جمع آتش پاره دن
آتدي بير مخمور اوزون گهواره دن
سوز صهبا اود سالوب دور جانينه
شعله دور باخسان لب عطشانينه
سلب ائدوب آراميني رنج خمار
اشتياق باده ايلوب بي قرار
طلعت ساقي آلوب آراميني
تلخ كام ايلوبدي هجران كاميني
عاشق اكبر دي ،
اصغر آدي وار
اكبره بنزر چوخ استعدادي وار
صورت ظاهرده بير طفل صغير
عالم معناده بير فرزانه پير
غنچيه بنزير سولان گل صورتي
صورتيندن بلليدير كيفيتي
ادامه دارد
👇👇#مرحوم_شبخیز@ganjine5 👈