@ganjine5#احوالات_شب_عاشورادئیوم احكام قرانی قالان قالسین گئدن گئتسین
بیلون اوضاع فردانی، قالان قالسین گئدن گئتسین
دوتوب تصمیم سعد اوغلی سحر بو چولده جنگ ائتسون
چكیب شمشیرینی چوخلار، مقام و منصبه یئتسون
گوتوردوم بیعتی منده آچیقدیر یول گیدن گئتسون
تانیتدیم كفر و ایمانی قالان قالسین گئدن گئتسین
بو چٶل ده بلا ایچره، جدال حق و باطل دور
ایده دینه حمایت كیم، رضای حقه شامل دور
بو آز جمعییته اما، نچه مینگلر مقابل دور
قالا هر كیم اخار قانی، قالان قالسین گئدن گئتسین
منه آیدین دی بو لشگرده قورتارماز عداوت وار،
سحر بو چولده قان دریاسی اوضاع قیامت وار،
شه شعبه اوخ قلنج عطشان دوداقیله شهادت وار،
بویاللار قانه مهمانی، قالان قالسین گئدن گئتسین
اولون اگه سحر رحم، ایلمز بو قوم بد طینت
جفاده نقص قویمازلار، جهانی دولدورار وحشت
باتار قانه مجاهدلر یانار، خیمه اولار غارت
سویالار صوا طفلانی، قالان قالسین گئدن گئتسین
امیر دین اولان هركیم، جسارتله فساد ائتمز
عمل احكام قرانه، یزید بد نهاد ائتمز
تقیه آدینه ایمدی، او كسلر كی جهاد ائتمز
ائده ر مظلوم قرآنی، قالان قالسین گئدن گئتسین
ایده لر حقی ناحق قویمارام، تا كی شهادت وار
اگم باش ذلته حاشا، علیدن بیزده غیر
وار
بو قانلی خطین اوستونده، ایكی عالمده عزت وار
گرگ بذل ایلیم جانی، قالان قالسین گئدن گئتسین
حقیقت عرصه گاهینده، قوی بیر لشگریم واردیر
شبیه حضرت طاها، علی اكبریم واردیر
بیان حق ائده دیلسیز، علی اضغریم واردیر
گوزتلیر قانلی پیكانی، قالان قالسین گئدن گئتسین
حریفیم چوخ قوی پنجه، گلیب بیرحم و ناكسدی
گیدن اولسا بئله فیكر، ایتمسون بو شاه بیكسدی
منیله صبحه جك قالسا، علی اصغریم بسدی
قورودار اشكی دریانی، قالان قالسین گئدن گئتسین
منیله قالسا هر كیمسه گرگ، عشقه سفیر اولسون
تانیسون باطل و حقی، اموراته بصیر اولسون
اوزی اوز اختیارینده شهید، اولسون اسیر اولسون
گرگ آتسین بو دونیانی، قالان قالسین گئدن گئتسین
اله جان رشته سین عشاق آلیب عالی مرام اوسته
حساب اوسته كتاب اوسته حلال اوسته حرام اوسته
گلر بیر گون قیام ایلر بالام مهدی قیام اوسته
قصاص ایلر بو دونانی قالان قالسین گئدن گئتسین
منه خاطیر گلیبدی كوفه و شاماتیدن لشگر
سیزیله ایشلری یوخدور گیدون بو دشتیدن یكسر
بوراجان راضییم سیزدن رضا سیزدن اولا داور
سوزومون اولدی پایانی قالان قالسین گئدن گئتسین
عیار عشقیدن كامل چیخیب مردان آزاده
خلوصیله هامی بزم وصاله اولدی اماده
اوركلر دولدی عشقیله گلوب عشق اهلی فریاده
قبول ایتدوق بو پیمانی قالان قالسین گئدن گئتسین