علكَ عالوجه ضحكة وامل بالروح
بزوايا العين كافي شچم حزن راكن!
و فك باب القفص خلي الاحلام تطير
و انت من الطفولة شچم حلم ساجن
وخرها الستارة الشمس خلي تفوت
و لتخلي الجروح تبين الباطن
كلها تموت صفرة الموت هم بي لون
عاجبني الكطن للموت ميهادن
ولتضم فرحتك طلعها مامرخوص
ولو هذا الزمان الفرحتك فاطن
وسرك لا تودعه البير مايخفيه
الدلو لو مر عليه يطلع شدافن
اشتري وبيع بحياتك اخسر ولتخاف
المهم سوي التريده جازف وراهن
