محاضرات بلاغية

الكلمة الطيبة كشجرة طيبة اصلها ثابت وفرعها في السماء تؤتي اكلها كل حين
ثمارها باي وقت ما بيه وقت محدد ، 📍علي أبن أبي طالب ص ، مر برجل يتكلم بفضول ،انتي شايف البعض شلون يدخل نفسه بأشياء ما عنده معرفة ولا معلومة عنه مثلاً اكو تشوفه بالمسائل الشرعية يحددلك هذا حلال وهذا حرام بكيفه ،يعني هسه واحد يريد يعالج بدنه يروح للطبيب، واحد يريد يعالجله خَشَبة يروح للنجار ؛ واحد يريد معلومات يروح للمعلم ،كل واحد حسب اختصاصه هاي سيرة عقلاء " بس من توصل الشغلة للمسائل الدينية الكل يصير فقيه ومفتي ! ف امير المؤمنين ع وقف عله هذا كله ياهذا انك تملي حافظيك يعني ملائكتك جاي تسجل كتاباً الى ربك ،فتكلم ما يعنيك ودع ما لا يعنيك ، ف شاهد الحديث المسألة الي ما اعرفه ليش اتكلم عنه ما ءاجوز بكيفي الحديث يقول : من أفتى بغير علم لعنته ملائكة الرحمة وملائكة العذاب مو بس هاي ويلحكه وزر من عمل بفتياه ! اذن كون الانسان يوزنه هل كلمة قبل ما تطلع مثل ما يكولون ،يشوف هل لكلام مناسب أوغير مناسب

👈خل ارويلج هل الرواية

📍بعهد احد الملوك ،الدولة خلت إعلان الي يكول كلمة طيبة اله جائزة ٤٠٠ دينار ، يوم من الأيام الملك يتمشى ويه حاشيته شاف فلاح عجوز يغرس شجرة زيتون "كاله الملك ،انت ليش تغرس هل شجرة وهي تحتاج عشرين سنة يله تثمر ،وانت رجل كبير ودنى اجلك ، رد عليه الفلاح كاله السابقون زرعوا واحنه حصدنه واحنه هم نزرع ولناس تحصد ،الملك انعجب ب كلامه كاله احسنت هاي كلمة طيبة " أمر حاشيته يصرفوله الجائزة ،اخذه الفلاح وابتسم ،كاله الملك ها ابتسمت ! الفلاح كله شجرة الزيتون تثمر بعد عشرين سنة وشجرتي اثمرت الآن، كاله الملك احسنت اعطوة ٤٠٠ بعد ، الفلاح
اخذه وابتسم كاله الملك هم ابتسمت كاله اي شجرة الزيتون تثمر مرة بالسنة وشجرتي مرتين ،هم صرفله ٤٠٠ بعد ،ومشه الملك ،كاله رئيس الجنود ليش اتحركت بسرعة !كاله الملك اذا كعدت للصباح خزائن اموالي كله تنتهي وكلمات هذا العجوز لا تنتهي ..

💎* اذن الكلمة الطيبة العمل الصالح هو هذا ارجوج يعني اشكد العمر هنه اشكم يوم يكَظيه الإنسان ويروح الى تلك الدار يحصد الي زرعه ، وبالتالي هو متأذي ومأذي لناس وياه كون هل الاشياء إيبدله" المسلم عنده نُبل عنده شهامه عنده اشياء جيدة .
🔮يروئ... معاوية لمّا زحف لحرب الإمام علي أبن أبي طالب عليه السلام استولى على الماء اعتبر ذلك أوّل الظفر، فمن اجه الإمام ويه جيشه لكه حوض الفرت محتلّته جيوش معاوية، طلب منهم يسمحون لجيشه يتزوّدون من الماء، فقالوا له: لا والله ولا قطرة حته تموت ظمأً مثل ما مات ابن عفّان، الامام علي ع من شافهم هيج امر جيشه باحتلال الفرات، فاحتلّته قوّاته ولماء صار تحت سيطرتهم ، أصحاب معاوية مشوا بالبيداء ما عدهم ماء ، أصحاب الإمام شاروا عله الإمام " كالوله إمنعهم من الماء يا أمير المؤمنين مثل ما منعوك، ولا تسقهم منه قطرة وحدة، واقتلهم بسيوف العطش، وخِذهم قبضاً بالأيدي، فلا حاجة لك في الحرب،كالهم عليه السلام «لا والله لا أكافئهم بمثل فعلهم، أفسحوا لهم عن الشّريعة ففي حدّ السّيف ما يغني عن ذلك» نعم هاي هي الروح هذا أمير المؤمنين
💥✨ رسول الله ص: يقول لو اجتمعت الناس على حب علي أبن أبي طالب لما خلق الله النار
بئس للظالمين من بدل ، هي هاي روح أمير المؤمنين ع ومواقفه ومعاملاته شوف شلون مع اعدائه ولهذا تشوف البعض ما اتحمل هل روح هاي ،الى ان جعلوا لعن علي سنة ينشأ عليه الصغير ويهلك عليه الكبير
سبعين الف منبر يلعن عليها علي أبن أبي طالب ولناس في سبات، ام سلمة رضوان الله عليها اعترضت ، يكول دخلوا عليه جماعة فكالت لشبيب بن ربعي ...يسب رسول الله ص في ناديكم؟! كاله وانى ذلك !؟ كالتله وعلي بن ابي طالب؟ سمعت رسول الله (صلى الله عليه وآله) يقول من سب علياً فقد سبني ...؟ الى ان وصل بيهم الحقد والغل الى قتله وهو يصلي في المحراب وكمن له عبد الرحمن بن ملجم لعنة الله عليه وهو ساجد فقال امير المؤمنين ع فزت ورب الكعبة.


أنتهى ...نسألكم الدعاء

#ام فاطمة الشويلي

فراجعت عده اطباء بلا جدوى بعض الاطباء قال لا يوجد دواء لهذا المرض و بعضهم كالو نحاول ربما يشفى مضه فترة وزاد الورم في عيني؛ حته سواد العين شبه راح و تضاعفت الآلام
لم أستطع انام؛ وبهل الاثناء بين الالم واليأس من الشفاء اجه احد الاصدقاء يزورني كان يريد يذهب لزيارة كربلاء واجه يودعني فخطر في بالي لشوكت ابقه اتحمل الام لماذا لا اذهب الى الطبيب الحقيقي اروح للامام الحسين عليه السلام فذهبت استشاريت الطبيب كتله اكدر اسافر كال لا السفر يضرك واذا ذهبت ستعمى كليا قبل ما توصل لكربلاء لم التفت لكلامه حته الاصدقاء والمعارف ألحو عليه حتى اتراجع عن السفر كتلهم ان كان لا بد من موتي فالافضل ان الموت في طريق الحسين عليه السلام مسافر العلامه مع القافلة وازدات ألم يكول مشت السيارة قليلا
*" البعض طلبوا مني ارجع قبل لا نبتعد لكن كان واحد من بينهم يشجعني يكلي احسنت الشفاء الحقيقي في كربلاء يكلي اني كنت مصاب بمرض القلب تسع سنوات وبالنهاية حصلا على الشفاء من قبرالامام الحسين عليه السلام يكول:

مشينه مسافه فزاد الالم اكثر وما كدرت انام للصبح بقيت اتألم والوجع ماخذني....

💎لكن الفجر خف الألم حسيت براحه بهدوء فجأه فنمت من دون ما اشعر فرأيت السيدة زينب بالحلم مسحت بطرف حجابها على عيني كعدت من النوم الوجع رايح ما إله اي اثر يكول اجيت خبرت اصدقائي محد صدكني كان اكو فرد ضماد عله عيني بالبدايه خفت اشيله بعدين شلته واذا بيه اشوف العالم منور فصرخت ووصحت للناس شافوني عيني ما بيه اي ورم فعرفوا قد تم الشفاء ببركه الامام الحسين عليه السلام واخته العقيلة نعم هؤلاء اهل الكرم والجود .....

....انتهى نسالكم الدعاء .....

#لا_اجيز_شرعا_حذف_الاسم_
#تمت_بفضل_الله_بقلم_ خادمة_أهل_البيت_
#ام_فاطمة_الشويلي.


الحمد لله رب العالمين والصلاة والسلام على محمد وآل محمد.


محاضرات نسوية بلاغية

https://t.center/fatame00

🔗فاحنه نكول للمراة خل تحاول شويه تتقبله زوجهه وتحاول تتعايش وياه وكذلك الرجل
حته لا نصل لطريق مسدود لا سامح الله.

🔖*- هاي يذكر النه التاريخ ..يكول اكو جماعة " الله انعم عليهم نعم كثيرة من زرع وثمار ومياه عذبة جارية " يعني بلادهم صارت مثل الجنة - فذولة اخذهم الترف جرفهم التيار نسوا اكو بطون جائعة ' نسوا اكو ناس معوزة " فڰاموا يغيرون نعمة الله باشياء ما يقتضية لا العقل ولا الدين


🔰- فالناس المومنة صاحت بيهم يابه هذا فعلكم حرام ما يجوز اتعظوا " خافوا الله ما اتعظوا ” الى ان ابتلائهم الله اخذ منهم النعمة بلاهم بالعوز ’ رجعوا عله ذاك الخبز يمسحونه وياكلون ..لا حول ولا قوة الا بالله

القناعة والشكر مهمة حته ادوم هاي النعمة ..وان شكرتم لازيدنكم
بتعبير اخر
يعني الانسان يشتغل عند الله ..شلون مثل سالفة الاخذ والعطاء. هاي معادلة تشكر نطيك اكثر - تتبطر تدفع نعمتك بايدك ...كلما تزيد انزيد توفيقاتك / توفيقات اولادك " ومو بس هاي ... لحد ما نرضيك ..
ولسوف يعطيك ربك حتى ترضى✔️

🔸- يعني نبقه نطيك لحد ما نرضيك خو الانسان مو بسهولة يرضه
لكن مع هذا اذا عرف وقدر نعمت الله وشكره عليه " لا راح تنفتحله ابواب الرحمة والرزق



الله اوحۍ الى نبيه داود : اشكرني حق شكري
كاله اللهي كيف اشكرك حق شكرك
وشكري اياك نعمة منك
فقال : الان شكرتني حق شكري.


🔗 يكول نبي الله موسى سال ربه
يدليه عله اعبد اهل الارض
فارشده الله كاله: تروح للمكان الفلاني
هناك تشوف اعبد عبادي

فاجه موسى وياه جبرائيل عليه السلام
يكول مالكه بس رجل (ابرص واجذم
وحاله مدري شلونه) ...فسال موسى جبرائيل؟ كاله : اين ذلك الرجل؟

كاله جبرائيل" هو هذا يا نبي الله
كاله موسى ” كنت احب اشوفه صايم قائم

هنا جاوبه جبرائيل ..كاله اني مامور
باخذ عينه شوف شنو راح يكول؟

📌*- فاشار جبرائيل لعينيه فسالتا عله خديه
فاخذ الرجل يقول لربه " ياربي منعتني بهما حيث شئت ‘ وسلبتني حيث شئت
وابقيت لي فيك طول الامل

يكول تعجب موسى من تسليم الرجل

كاله: عبد الله انا رجل مجاب الدعوة يعني نبي ودعوتي مستجابة اذا شئت ادعولك بالشفاء
كاله الرجل ‘ لا اني راضي برضى الله شنو يختارلي موافق
كاله موسى : سمعتك تكول يابار يا وصول
كاله :نعم هو البار بيه وهو الي يوصلني حيث ماكو بالقرية غيري يعبده ..


🔗-- بالنتيجة هاي المنزلة الي وصل اله عبد الله منزلة عظيمة لانه راضي ومسلم اموره لله مو متعافي
اخذ عيونه وهو يشكر الله ..



انــتــﻬــى

#تمت بقلم خـادمـة العتــرة
#ام فاطمة الشويلي
لا اجيــز حــذف الاسم
كمـا لا اجيــز نســب الكلام لاي شخص.



#اســالكم- الدعــاء- كثــيرا.

ـــــــــۨـــــــــــــــــــــ

📚المصــادر ✍
الموعظة الحسنة للشيخ علي حيدر .
📚ارشاد القلوب للدليمي ج1ص122.


ومــن الله الــتوفــيق.

🏷فــذوله كانوا مشهورين بالبلاغة والفصاحة فمن اجه النبي وشافوا فصاحته وبلاغته تفوق فصاحتهم يعني قوته بالكلام ولباقته بالحديث ما اتحملوا وقرروا قتله

*"- كالوا شنو هل الغلام اصغر سننا واحنه عصبة في الواقع هل الامر مو بعيد هواي
اخوة يوسف النبي نفس الامر شلون يوسف يطلع علينه ولهذا رموه في البئر تلك الرمية ودبروله تلك المكيدة
لو لا ان انجاه الله منها

★- ذوله اليهود نفس الامر كلنه صاروا يخططون لقتل النبي صلۍ الله عليه واله

جلسات وكعدات
الى ان انتهـت بمعركة خيبر ومثل ما معروف انتصر المسلمون بوقته ابفضل شجاعة علي عليه السلام

🔗ـ لهذا صممت احد النساء اليهوديات عله قتل النبي كالتلهم اني اتوله قتل محمد شنو سوت هل المراة ؟

طبعا نعوذ بالله من خبث النفس كارثة
يكول هاي ذبحت خروف وطبخته وخلت السم بداخله وجابته للنبي صل الله عليه واله
لكن الله تعالى قال «لاغلبن انا ورسلي»

🔖 فانطق الله سبحانه ذلك الخروف المطبوخ
كاله احذر يا رسول الله فانا مسموم
فامتنع النبي واصحابه عن الاكل
فوصل الخبر الهاي اليهوديه " يكول خافت
وسقطت عله الارض من شدت الموقف طبعا هنا النبي امر اصحابه كلهم تركوهه لحد ياذيه
فالحسود احذر منه لــيش ؟
لان هواي اشياء تطلع منه
احتمال تطلع اشياء تضر الانسان ' نصف اهل القبور بسبب الحسد بالرواية


📜يعني الحسود' انت حاول تضهر اله المحبه
«فاذا الذي بينك وبينه عداوة كانه ولي حميم» شسوي اتكفه شره وثاني شي
لا اطلعه عله امورك احتفظ بخصوصياتك
لا تسولف هنا وهناك عن امورك الشخصية

🔗 بالنتيجة اليوم نشوف البعض عبر التواصل الاجتماعي يسولف ادق تفاصيل اموره
مثل سافرت مع العائلة الى المكان الفلاني واذا تشوف جميع تفاصيل الرحلة
العدو قبل الصديق يعرف بيه ومن هاي الامور

🔗 *- يعني اريد اعرف انت شنو استفاديت؟!
ترة هل الامر ما يجلبلك بس الحسرة تجيك العين
طلعت مشيت سافرت اكلت و
كله عل التواصل

📯" يعني بعض الاسر ما مرتاحه اذا تاكل عل التواصل الحقيقة هل الامر اخذ اكثر من مساحته وكل امر يتجاوز حده يجلب مضرة لصاحبه
يعني كل شي اله ضوابط فــ شلون ما تجيك العين
وانت مصوره وقت راحتك وونستك
واكلتك ؟!

📩" ارجوكم احتفظوا باسراركم واموركم لا تخليه للملا لان كلنه اكو ناس تحفر وراك اكو حاسد ما يتمنالك الخير فخليك فطن.





انتهــى

تمت بقلــم خـادمة العترة
#ام فاطمة الشويــلي
#لا اجيـز شـرعا حـذف الاسم ولا نسب الكلام لاي شخص مشكــوله ذمـته.


ـــــــــــــــــــــ

المــصادر ✍📚


الكافي ج 2 ص 327, حديث الامام الصادق عن الحسد.



روايه اولاد النبي ادم عليه السلام
الاخلاق الاسلامية المجلد الاول
لــ عبد الله الهاشمي
ص 197 .

رواية المراة اليهودية .
قصص وعبر ل كشكول دستغيب ص٧٤ .

فراجعت عده اطباء بلا جدوى بعض الاطباء قال لا يوجد دواء لهذا المرض و بعضهم كالو نحاول ربما يشفى مضه فترة وزاد الورم في عيني؛ حته سواد العين شبه راح و تضاعفت الآلام
لم أستطع انام؛ وبهل الاثناء بين الالم واليأس من الشفاء اجه احد الاصدقاء يزورني كان يريد يذهب لزيارة كربلاء واجه يودعني فخطر في بالي لشوكت ابقه اتحمل الام لماذا لا اذهب الى الطبيب الحقيقي اروح للامام الحسين عليه السلام فذهبت استشاريت الطبيب كتله اكدر اسافر كال لا السفر يضرك واذا ذهبت ستعمى كليا قبل ما توصل لكربلاء لم التفت لكلامه حته الاصدقاء والمعارف ألحو عليه حتى اتراجع عن السفر كتلهم ان كان لا بد من موتي فالافضل ان الموت في طريق الحسين عليه السلام مسافر العلامه مع القافلة وازدات ألم يكول مشت السيارة قليلا
*" البعض طلبوا مني ارجع قبل لا نبتعد لكن كان واحد من بينهم يشجعني يكلي احسنت الشفاء الحقيقي في كربلاء يكلي اني كنت مصاب بمرض القلب تسع سنوات وبالنهاية حصلا على الشفاء من قبرالامام الحسين عليه السلام يكول:

مشينه مسافه فزاد الالم اكثر وما كدرت انام للصبح بقيت اتألم والوجع ماخذني....

💎لكن الفجر خف الألم حسيت براحه بهدوء فجأه فنمت من دون ما اشعر فرأيت السيدة زينب بالحلم مسحت بطرف حجابها على عيني كعدت من النوم الوجع رايح ما إله اي اثر يكول اجيت خبرت اصدقائي محد صدكني كان اكو فرد ضماد عله عيني بالبدايه خفت اشيله بعدين شلته واذا بيه اشوف العالم منور فصرخت ووصحت للناس شافوني عيني ما بيه اي ورم فعرفوا قد تم الشفاء ببركه الامام الحسين عليه السلام واخته العقيلة نعم هؤلاء اهل الكرم والجود .....

....انتهى نسالكم الدعاء .....

#لا_اجيز_شرعا_حذف_الاسم_
#تمت_بفضل_الله_بقلم_ خادمة_أهل_البيت_
#ام_فاطمة_الشويلي.


الحمد لله رب العالمين والصلاة والسلام على محمد وآل محمد.


محاضرات نسوية بلاغية

https://t.center/fatame00




تكملت المجلس من اعداد الشاعرة أم باقر الشويلي 👇👇
تابعوا⤵️

اللهم صل على محمد وال محمد



بسم الله الرحمن الرحيم


((أُولَٰئِكَ هُمُ الْمُؤْمِنُونَ حَقًّا ۚ لَّهُم مَّغْفِرَةٌ وَرِزْقٌ كَرِيمٌ ))
🔸 الحياة قائمة علُى موازين، مثلا ميزان الايمان والكفر، ميزان العلم والجهل، افرض العلم والخرافة، ميزان الحق والباطل... آحٍـنْہ نْعرفَ آنْه يَعنْيَ مجيئ الاسلام الى الحياة شكل نقله من مجتمع الجاهلية الى مجتمع جديد لانه تعتبر هل الحالة نقطة فاصلة، يعني المجتمع الجاهلي انتقاله الى مجتمع مسلم يعتبر نقطة فاصلة، نْگدر نْگۆلُ آنْ ذيَگ دنْيَآ آسبْلُ علُيَہآ ستٌآر ۆآنْفَتٌح بْآبْ آلُى دنْيَآ جٍديَدةّ ، بْطًبْيَعةّ آلُحآلُ آلُآنْسآنْ دآئمآ عنْدہ موآزيَنْ يَڒٍنْ بْيَہ آلُآشُيَآء حٍـتٌہ يَعرفَ ۆيَنْ هذآ مگآنْةّ ،ۆيَنْ هذآ مۆضٍعہ ،فَگۆنْ آلُآنْسآنْ يَلُتٌڒٍم بہآيَ آلُمۆآزيَنْ حٍـتٌہ يَعرفَ شُلُۆنْ يَتٌعآملُ مع هآيَ آلُحٍـآدثْةّ ،شُلُۆنْ يَتٌعآملُ مع هلُ مۆضٍۆع .


طًيَبْ .. منْ بْعد هل مقَدمةّ نْجٍيَ نْشُۆفَ آلُآيَہ



🔻اؤلئك هم المؤمنون حقا لهم درجات عند ربهم ومغفرة ورزق كريم،


🔸لو نسال انفسنا شنو ثمرة الايمان؟
ثمرة الايمان احنه نعرف ثمرة الايمان العمل الصالح، العمل الصالح طبعا وضعتله الشريعة ضوابط ،والانسان يمشي على هل ضوابط هاي
🔸عدنه مثلا المرأة عده ضوابط بالاسرة. المتزوجة عده الزوج مراعاته تربية الاولاد عده اشياء بالاسرة ۆآگۆ آشُيَآء آخـرى گذلك اجت بيه،يعني اكو موازنة الشريعة اجت وازنت بين الرجل والمراة، بين الرجل والمراة الاسلام ما رئى تفضيل لا، الاسلام اجه صنف تصنيف، لذلك بعض كتاب الغرب لما يمر بالمراة المسلمة ذولة شسيوون يجي يخدعوها للمراة المسلمة، !! ليش لان يعتبروها هاي ركن الاسرة وكالوا احنه اذا نهدم هذا الركن هدمنه الاسرة الاسلامية، اذن كون تحذر المراة المسلمة من بعض الكتاب الغربيين، من بعض القنوات، من بعض الاشياء الي همه بالواقع يردون يخربون المسلمة ... ف الاسلام مثل ما كلنه ما اجه فضل** زين، ،، الرجل مثلا ما عنده ثدي يرضع الولد، ما عنده رحم يحمل، المراة ذني عده، اذن هاي اشياء تخص الفطرة، فطرة الرجل وفطرة المراة، وبالعكس الرجل عليه ذمة مالية، والمراة كذلك عليه ذمة مالية، الرجل عليه الصلاة واجبة، المراة عليه صلاة واجبة، الرجل عليه حج،المراة كذلك عليه حج، اذن الاسلام ما اجه فضل
لكن اجه صنف يعني كل واحد ينطية دورة بالحياة، هاي المراة مثل ما الرجل اله دور، المراة اله دور وثنينهم يلعبون هل دور هذا، من خلال الايمان من خلال العمل هذا الي هو ثمرة الايمان




خل ارويلج هل رواية
🔸 هاي اسماء بنت يزيد اجت للنبي ص وكان جالس،مع اصحابة، كالتله اني اليوم اريد احجي باسم جميع النساء،لان كلهن مثل رأيي ، كالتله ان الله بعثك للرجال والنساء،وامنا بك، بعدين كالتله احنه النسوان محصورات مقسورات، يعني مسؤليات المراة هوايه، البيت وتربية الاطفال والزوج، ومع هذا كله انتم معاشر،الرجال،فضلتم علينا! فضلتم علينا بالجمعة والجماعات بالحج والجهاد في سبيل،الله ووالخ، التفت النبي ص الى اصحابه وقال: سمعتم شنو تريد هل المراة هاي ، شلون تسال بامور دينها -
ثم التفت النبي،ص وكاله، انصرفي،ايتها المراة وبلغي النساء الباقيات، ان حسن احداكن لزوجها وطلبها مرضاته واتباعها لموافقته يعد ذلك كله ، من الجهاد والجماعات ووو .. فراحت اسماء،وهي تهلل وتكبر استبشارا * فالمراة لما تكون زوجة ناجحة، لما تكون أم مربية فاضلة ،
يعني لما تخرج الى اعلاء كلمة الحق ، ومبلغة لرسالة الدين وتتعاون مع المجتمع بالامر بالمعروف والنهي عن المنكر
تكون احرزت كلا الحسنيين، هو هذا اؤلئك هم المؤمنون حقا لهم درجات عند ربهم ومغفرة ورزق كريم، الاية كأنه تريد تكلي ماكو تفضيل لا، اكرمكم عند الله اتقاكم، ف المسلم بالعمل الصالح يستحق الدرجات العالية،

💧،فلو نظرنا الى موقف مولاتنا العقيلة زينب ع. عندما وقفت على جسد أخيها الحسين ( ع ) قالت : اللهم تقبل منا هذا القليل من القربان.
فقارنت أمها في الكرامات والصبر في النوائب بحيث حرقت العادات ولحقت بالمعجزات ،: فهذه الكلمات من هذه الحرة الطاهرة ، في تلك الوقفة التي رأت بها أخاها العزيز بتلك الحالة المفجعة ، التي كانت فيها تكشف لنا قوة إيمانها ورسوخ عقيدتها وفنائها في جنب الله تعالى .






الحمد لله رب العالمين والصلاة والسلام على اشرف الانبياء والمرسلين ابا القاسم محمد واله الطاهرين


تمت بقلم خادمتكم #ام_فاطمة_ الشويلي_
#لا اجيز حذف الاسم