View in Telegram
مرض النهارده من أمراض القلب الخطيرة والمهلكة لصاحبها
هو مرض حب الشهرة والصيت
يعني شايف نفسه بعلمه أو بعبادته أو بزهده أو بقوته وشجاعته أو بكرمه او بجدعنته او بغناه أو جمال شكلة أو اي حاجة هو مميز بها فيجب يزاع صيته وينتشر بالصفة ديه
ومرض حب الجاه والشهرة والصيت العالي ده مهلك لصاحبه وخطر على دينه ودنياهم
إلا اللي شهره ربنا سبحانه لخدمة دينه من غير ما يطلب العلم والشهرة فده مفهوش مشكلة
علشان كده ورد في القرآن الكريم ذم اللي بيطلب الشهرة
تلكَ الدارُ الآخرةُ نَجعلُها للذين لا يُريدون عُلُواً في الأرضِ ولا فسادا والعاقبةُ للمتقين ) القصص 83
وحب الشهرة والصيت .....ده من اللذات الدنيوية لكنها لذة مذمومة
علشان كده قال لنا رسول الله صلى الله علية وسلم " حبُ المال والجاه ينبتان النفاق في القلب كما ينبت الماءُ البقلَ "
وسيدنا علي ابن ابي طالب قال كلمة حلوة اوي
تبذل( اختفي ولا تظهر نفسك) ولا تشتهر، ولا ترفع شخصك لتُذكر، وتَعَلم واكتم ، واصمت تَسلم
تسر الأبرار وتغيظُ الفجار"
لان اللي قلبه مركز مع الناس وعايز يتعرف بسمت حلو أمامهم هيكون شغوف أنه يتودد إليهم
علشان كده اياك تصاحب شخص مشهور ليقال انك تعرف المشاهير
اياك تستخدم اقوال أو كلمات أجنبية معينة ليقال ثقافتك اجنبي .....
تجيب عربية معينه ومتشتريش عربية معينه علشان تكون خايف أنهم يقولو عنك ....
او تشتري شالية في المنطقة الفلانية وتبعد عن المنطقة العلانية علشان يتقال عنك ....
أو تلبس ماركة معينه وتبعد عن لبس من غير ماركة حتى لو كان حلو علشان بس يتقال عنك بتلبس من ماركة
كذا .....
أو طول ما انت قاعد تتكلم عن قراءات غريبة عن اسماع الناس مش علشان تعلمهم بس علشان يتقال عنك انك عالم بالقراءات العشرة .....
أو تنتقد شيخ معين في قول معين بس علشان تبين علمك وفهمك وانك احسن منهم في كذا وكذا......
عرفت ليه مرض حب الجاه أو الصيت أو الشهرة ده خطر وان الرسول صلى الله عليه وسلم قال إنه يفسد الدين
أو تشبيه الرسول بأن حب الجاه والشهرة ينبت النفاق في القلب كما ينبت البقل في الماء لأن وقتها هيصدر منك سلوك في الظاهر مخالف الباطن في القول والعمل وده هو النفاق
وبالرغم من حب الجاه يؤدي في الغالب إلى التنافس وإلى الشجار والخصومات لكنه يؤثر في النية فيحبط العمل
🍃 لكن 🍃
((بعض الجاه ضروري))
وهذا ماسنتعرف عليه المرة المقبلة
Love Center - Dating, Friends & Matches, NY, LA, Dubai, Global
Find friends or serious relationships easily