إِرْشَاد🎓

هذا التعب اللي تحس فيه نهاية كل يوم كل ما تحط راسك ع المخدة. بعد الله،
هو اللي راح يوصلك لليلة اللي ماراح تقدر تنام فيها من كثر الفرح وأنت شايف اخيرًا نتائج سعيك ومُحاولاتك.

من الامور اللي هالسنة نلاحظها ان الحياة رغم كل ثقلها وضغوطها وصعوباتها تمر، وحرفيا الوقت يمر بشكل سريع ما نتخيله، اصعب الأوقات واثقلها تمر والمشاعر والأيام اللي نقول ماراح تعدي عدت، التعب ينتسي وما يبقى لنا غير النتائج وحصاد جهدنا وتعبنا والاشياء اللي انجزناها.

"‏نميل للكسل، لذلك العمل يحتاج إلى جهد.نميل للتحيّز المعرفي، لذلك التفكير النقدي يحتاج إلى جهد. نميل للتفكير في المستقبل، لذلك العيش في اللحظة يحتاج إلى جهد. نميل لتكرار أنماط الطفولة، لذلك خلق أنماط جديدة يحتاج إلى جهد. نميل للفكرة السلبية، لذلك الفكرة الإيجابية تحتاج إلى جهد🤍."

صح فيه تعب لما نتحرك ونسعى
بس صدقوني تعب الوقوف بنفس المكان أصصعب!

ماراح اطلب تكون سنة حلوة يارب
ولا راح اطلب منك تحقق لي اشياء كثيرة فيها، اطلب شي واحد بس يا ربي سنة تكون أنت موجود معاي فيها.

تذكير اليوم :
لا تخاف بأكثر المرات الفوضى تكون موجودة بعقولنا، بس هي عند الله منظمة ومرتبة.

أن نصل رُغمَ طول الطريق لما نريد!
أن يكتب في نهاية سطورنا
أننا نِلنا ما صبرنا لأجله، ربّنا.

اللي يفكر بالاسباب الدنيوية الواقعية لحل مشاكله راح يصيبه اليأس بالنهاية، لأنو الإنسان دائمًا سبحان الله نظرته قصيره وما يشوف الفرج القريب ولا الحكمة من الاحداث والامور، عشان كذا فكر دائمًا ان كل هالخطوات الصعبة والايام اللي ماتنحمل شايفها رحيم مقتدر على كل شي وراح يجبر قلبك بالنهاية، فكر برحمة الله الواسعة والشاملة وبالابواب اللي ممكن تنفتح بسبب إيمانك هذا.

حلمك مو سهل، بس على الاقل مو مستحيل .. لا تبطل محاولة عشانه.

مو الباقي على الله؟؟
لا،
هوَ كله من البداية للنهاية مخليتها على الله وبأمانته.
حتى مع جهدي وتعبي واجتهادي كلللل شي اسويه مو كافييي من غير توفيييقك يا ربب وحتّى لحظات خوفي وافكاري إن اللي اقدمه مو كافي .. كله مسلمته لله وحاشااااك سبحانك تضيع شي تعبنا فيهه🤍

الخوف يقلك انك وحدك وجهدك قليل وماراح يكفي ومستقبلك ضايع!
بس الحقيقة؟
رب العالمين ورحمته وتوفيقه معاك خطوة خطوة!.

سويت اللي تقدر عليه اليوم؟؟
عادي إذا كانت هالجملة ماتنطبق عليك!
فعندك بكرا حاول تخليها تنطبق عليك♥️.

تبقى ٤ أيام على نهاية هذا العام وبداية العام الجديد ٢٠٢٥
و قبل لا تبدي تقنع نفسك انها ماسوت شي كبير وحلو مثل غيرك وانت تشوف الناس يتكلمون بأنجازاتهم لهذي السنة
ابغاك تتذكر كم مرة حاولت حتى لما الدنيا ما عطتك مجال تحاول! كم مرة قلت لنفسك تهوون بالوقت اللي كان صعب عليك انك تقولها!
تذكر كم مرة واسيت احد زعلان؟ وكم مرة ابتسمت لشخص غريب بالطريق؟
وكم مرة جبرت بقلب شخص يحبك؟

والأهم تتذكر انك وصلت لنهاية هذه السنة
وانت محافظ على نفسك وعلى قلبك من كل شي مؤذي♥️.

فيه مثل يقول ‏" الدنَيا مهُود وسهُود "
‏بمعنَى
‏لا تضيّق الوسيعه عليك يا إِنسااان
‏كل شيء محَلول ومنتهي.

الحياة الصعبة ما تدوم وكل لحظة تعب تمر عليك ترا وراها فرج وتيسير الأيام الحزينة ما هي إلا جزء بسيط من رحلتك ولازم تصدق إنه بعد كل ضيقة فيه فرحة وبعد كل ظلام فيه نور لا تيأس ولا تخلي الهموم توقفك عن حلمك ولا تفكر إنك عالق لأن كل شيء يتغير الزمن كفيل إنه يداوي جروحك ويغير حالك من حزن لفرح السعادة جاية حتى لو تأخرت والضحكة اللي غايبة عنك اليوم بتكون أقوى بكرا لما تستوعب إنك صمدت وتجاوزت واللحظات اللي خذلتك اليوم بتكون مجرد ذكرى تعلمت منها أهم شي خليك قوي وخليك واثق بالله وبنفسك..

بالرغم من كل العوائق و الحدود اللي رسموها لنا، بالرغم من الطريق والوجهة الصعبة اللي نوينا نمشي فيها، وبالرغم من الايادي القليلة اللي واثقة فينا و واقفة معانا،
بالرغم من صوت الخوف،
جسمنا التعبان،
و الشوية الباقي من ارواحنا ..
راح نقدر.

مُنجّيك أمس، بيُنجيك اليوم وكل يوم♥️.

عندك مُهمة كبيرة اليوم:

اليوم مراح تخلي خيبات الباب المسدود بوجهك ينسيك انو العالم واسع وفسيح ويتسع لمية باب ثاني.

"وأن ليس للإنسان الا ما سعى"
"وما يُلقاها الا الذين صبروا"
" انما يوفى الصابرون اجرهم بغير حساب"
" وقل اعملوا فسيرى الله ورسوله .. فينبئكم بما كنتم تعملون"

الله سبحانه يدري ان الصبر شي مو سهل
يدري بطبيعة الإنسان العجولة ،
صعوبة تقبله المرض، صبره على
تأخير شي يتمناه، صبره على
سعيه ومحاولاته بدون نتيجة ترضيه
ويعرف مو الكل قد هذي المسؤولية
فتشوف بكل آيات الصبر ثناء ومواساة
للصابرين وتبشير دائم بنهاية ترضيه
فأصبروا وابشروا بالخييييير إن شاء الله ♥️