*** Ёш эдинг, тақдирнинг жилоларига Алдандинг, кечдингу кетдинг, оппоғим! Унутмай эҳтирос ҳаяжонини Сочларинг дардини куйлар бармоғим. Минг битта толада минг битта соғинч, Ҳорғин нигоҳларда қойим қиёмат. Қарийб йигирма йиллик армонлар ҳаққи, Сенга тилаб келдим иқбол ва омад. Зимистон ичида нур излар руҳим, Шаъбистони ичра излайди бир гул. Умримиз мазмуни гар муҳаббатдир, Демак яшаб бўлмас унутиб буткул. Субҳидам япроқдай титрар юрагим, Заифлаштиради бандини йиллар. Наҳот бир-бирига интизору жим, Умиддай узилиб бормоқда диллар?! Ишқдан ловуллайди вужудим ҳамон, Фақат олов бўлди севиб кўрганим. Майли куйиб ўтай бутун умр мен, Истагим: сен қолма зинҳор ўртаниб. 05.01.2025 👇👇👇 https://t.center/eng_suluv_armon