View in Telegram
Bahodir Bahrom (Баҳодир Баҳром)
Tavallud ayyomingiz bilan tabriklayman, aka! Umringiz ziyoda bo‘lsin! 👇👇👇 https://t.center/eng_suluv_armon
ЭНГ ГЎЗАЛ ШЕЪР!
Акам, математика ўқитувчиси Бурхон Ҳалимовга!
“Энг гўзал шеър математикадир. Ер юзида ҳозиргача “икки карра икки тўрт”дан ҳам гўзал мисра ёзилмаган”.
Азиз НЕСИН
Энг гўзал шеър математика,
Икки карра икки тўртдайин,
– Энг мукаммал мисра йўқ, ака,
Айтиб кетган Азизбей Несин.
Ҳақиқатда қатор ва қатор,
Қофиядек сафланиб яна
Ғолиб аскар каби рақамлар,
Катакларда қилар тантана.
Экс, игрик, синус, косинус,
Чексизликдан чексизликкача.
Плюс жойда минус қўйди у,
Ўнгланмади ҳаёти пича.
Экук, экуб жадваллар тузиб,
Рақамларни дўстдай тизганда.
Тоқни жуфтга, жуфтни тоққа ва
Қоидаларнинг сафин бузганда,
Шошма дея сиз пайдо доим,
Сақлаш шартдир мувозанатни.
Манфий хато қилган лаҳзада,
Ҳозирлайсиз дарров мусбатни.
Ечилади жумбоқлар тезда,
Ҳаёт рақам, мамот ҳам рақам.
Кўрсатади аълони худо,
Адолати устувор ҳакам.
Лекин шеърлар ёзганим билан
Уқувсизроқ бўлдим мен ака.
Ечолмадим тенгламаларни,
Одамларга бўлдим калака.
Рақамлардай тизилди сўзлар,
Вазну туроқ, бармоқ жойида.
Икки карра икки тўртлигин
Билолмасдан қолдим гоҳида.
Сизку тартиб, таомил билан
Ҳаётини шеърдай тизган зот.
Асли шоир укангизга лек,
Шафқат қилмай қўйди бу ҳаёт.
Қачон англаб етаман, билмам,
Бу руҳимнинг нозик-мўртлигин.
Ака сўнгги бора ўргатинг,
Икки карра икки тўртлигин.
07.12.2024
👇👇👇
https://t.center/eng_suluv_armon
Telegram
Bahodir Bahrom (Баҳодир Баҳром)
Angladim, hayratning umri boqiydir!
Love Center - Dating, Friends & Matches, NY, LA, Dubai, Global
Find friends or serious relationships easily