#غزل_تبری#سلام_بهار وا اِنه آ دار دار سـَــــر شَنـْـدِنه گل پِریک پِریک
ســوز قِــوا کنّه شِه تَــن، زرد کَئی، سِرخِ وَلیک
وا اِنه جــانِ مارِ جـــور، ویشــهی زلفه چَم دِنه
آسمـــونِ میـــای جا، روش کَشِنـه سنـگ تِریک
قَـــد کَشِنه باغِ میـــون، گـــوجهی لـَم گِلِم گِلِم
روش کَشِنه پَرچیم سَر،کَتْ کَتِ پِه کَئی چِلیک
بلبـــل خـــونّش دَر اِنــه گِل گِلِ بـِن، دارْ دارِ تِک
پَـر کَشِنه دشتِ کنار، دارکـوتن و پِِشْـتِل و زیک
تا همه کـم کـم بَوینن خنّه ره شِه سفــرهیِ سَـر
آش پَجِنــه جــان نِنــــا، وَرْنه مَلــه پِریک پِریک
ِ
هـول و ولا دارْنـــه خَلــِـه، رِز رزِ بِرمه سـَـر دنِــه
شَنْدِنه اَیْ مِه جان مار،شه اسری ره زِریک زِریک
نا وِنِه دلّــه ســــو دَره نا وِنِه چشّــه خــو، فقط
دَروِنِ لــو نیشْته تِنار، نارْنه قـــرار، زَنده مِجیک
تی خنّه ره عکسِ دِله، سفــرهیِ سَــر قاب بَزونه
قَــدّهِ چنــار داشتِـمـه آ بَیْمـه اِســا، زردا کِچیک
چلّهیِ سَر گلام، گلام، مَحْله میون، سِلام، سِلام
خَسّه و بیقرارمه، غِــرصــه مه جا هسّه شَریک
#برگردان باد میآید و روی درختان کم کم گل میریزد
قبای سبز برتن میپوشد کدوی زرد و زالزالک قرمز
باد مانند ماذر عزیزم، زلف بیشه را مرتب میکند
از ابر آسمان، باران درشت و تند حرکت میکند
در باغ، بوتهی گوجه دسته دسته قد میکشد
روی چپر و کنار دیوارها کدوی سبز رشد میکند
زیر بوتهها و بالای درختان آواز بلبل میآید
دردشت دارکوب، پشتل و سینه سرخ پرواز میکنند
برای همه خنده را روی سفرهی خود ببینند
مادرم آش میپزد و کم کم به اهالی محل میدهد
ترس زیاد دارد، آرام آرام گریه را سر میدهد
دوباره مادرم ازچشمش اشک را قطره قطره میریزد
نه دلش روش و نه چشمش خواب دارد، فقط
تنها برایوان نشسته بیقرار مژه برهم میزند
روی سفره خندهات را در عکس قاب گرفتهاند
قدم مانند چنار بود از غم تو حالا زرد و لاغر شدم
روی شاخه بوتهها و توی محلّه
سلام و
سلاماما من خسته و بیقرارم شریک من غم است
جناب
#ذبیحالله_ذبیحی_زیراب@lafoormycountry❄️☃❄️☃❄️☃❄️☃❄️