🌺🌼🌸🌺🌼🌸🌺🌼🌸🌺@lafoormycountry#سوادکوههَنو سِوادکوهِه شو تیرِه تاره
هَنو هوژَبرِه قِرنِه بَندا بارِه
هَنو بِلِن مَردیِّه گَپا گُفتِ
هَنو اِلاشت رِضا رِ یادِگارِه
چِکِلِه یالِه گِردِنِه که شونی
بِلِن اَرفِع کوهِه سینِه که شونی
اونجه ای کِه وِرِسکِه پِل سِواره
تِلار سَربَندِه روخِنِه دیّارِه
کمین دِل نِخانِه اونجِه نَمیره
کِمین مِنزِل لِه اوپِرنِه نَهیرِه
کمین چِشِه نِشِنِه مِلکِ لار رِه
کِمین سوزِه سِوادکوه نوج نیارِه
دِل خانِه کِه سِوادکوه خو بَهیرِم
چِکِلِ یالِ سَر تو تو بَهیرِم
بورِم سِه خَط طِلائِه سَر هِنیشِم
شورابِ چِشمِه سَر اَفتو بَهیرِم
مازِرون هَسّا ماز رونا سِوادکوه
مازِرونا هِزارون چِشمِه یِ او
مازِرونا کوها دَشتا کَمینِه
مازِرونا دِماوَند هَسّا دِریو
مِه دِل ماز رونا دِلخِنِه سِوادکوه
رامسَر تا بِه گَدوک اِنِه سِوادکوه
گَلوگاه تا بِه اونجِه مازِرونِه
نِگینِ مازِرونِ مِه سِوادکوه
✍ #حسن_رجبی@lafoormycountry🌟💥🌟💥🌟💥🌟💥🌟