🌺 تایپ کننده و ویرایش کننده از : جناب آقای بهروز
کریمی 🌺#راه_شام#کریمی_مراغه_ایزبانحال خانم لیلا_س به رأس خونین حضرت علی اکبر ع
چکور عشقون آناوی، دشت و بیابانه علی
بولمورم سنده بو حالی بولوسن یا نه علی
عشقیده کیم یئتشوب من یئتیشن مرحلیه
یرمی دورد ساعت گوز یاشی عذاره الیه
دوشه آهو کیمی، معشوق دالیجا ملیه
نوش ایده جامِ محبّت گزه مستانه علی
نه گونوزلر گونه، نه نیمه شب آیه باخارام
آی گونوم، سن سن اوغول، نوک جِدایه باخارام
گه گیدوب گاهی دونوب کرب بلایه باخارام
بیر سلام ایلرم اول پیکرِ عریانه علی
گلشنِ دلده اوغول عشق نَهالین اَکَنم
بیر اوزون مدّت علی شوقیله نازون چَکَنم
داریوب زلفوی، رخساریوه تل تل توکَنم
ایندی ال چاتمور ایدم کاکلیوی شانه اوغول
کاروان گر گئجه یول گئتسه، گونوز راحت اولی
گر گونوز گئتسه گئجه دینجلی، یوخ چاره یولی
گئجه گوندوز گئدیروخ لیک مگر یول قوتولی
راهِ عشقوندی مگر یئتموری پایانه علی
ساربانیم ایله بی رحمیدی باخماز سوزومه
باشیوی ویرمز اوپم بیر قویام آغلار گوزومه
باری سن آچ او قرا گوزلریوی، باخ یوزومه
بسدی ناز ایلمه باغریم دونوری قانه علی
عالم عشقیده طیهویه سمندر دئمرم
آتشِ عشقیده گر سالماسا شهپر دئمرم
اوره گیم یانماسا هر سوز باشی اکبر دئمرم
سنون عشقوندی ایدن لیلینی دیوانه علی
تارِ زلفون آناوین گَردنینه سلسله دی
مرغِ روحیم قفسِ تَنده مگر بِسمله دی
عمریمون رشته سی پیوند او قرا کاکله دی
شمعِ رخساریوه ائتدون منی پروانه علی
آنانین ئولسه جوان اوغلی، بودور رسم و قرار
بالا نَعشیندن اونی لطفیله ایلله کنار
آغلورام من، باشیما قمچی وورور قومِ شرار
بو سینق محمل اولوبدور منه غم خانه علی
ئولنین اولسا اگر عکسی، لباسی، اثری
گوتورر گوز قباقیندان عَموسی، عمّه لری
آنا نئیلر بالانین باشینه دوشسه نظری
نجه باش! قرمزی گل تک بویانا قانه علی
اهلِ تحقیق اگر باشیوه سالسا نظری
قانلی باشونده گورر آیتِ شقّ القمری
بو یارانی وورانین کاش یانِیدی جگری
یاندیروب قلبیمی بیر آتشِ سوزانه علی
بسلمیشدیم او باشی، سینه ده من عزّتیله
ایندی شام اهلی ووروب نیزیه بو ذلّتیله
یانارام قلبیده باخدوقجا سنه حسرتیله
اولدی زحمتلریمون آخری افسانه علی
آچ گوزون بیر نظر ائت لیلیه، قربان گوزیوه
کوسموسن مندن اوغول یا که دولوب قان گوزیوه؟
یا یل اسدوقجا دولور خارِ مغیلان گوزیوه
باخموسان یا ندور علّت منِ نالانه علی
من دییَردیم آناوام، من ئولرم، سن قالاسان
آغلیوب چیگنوه تابوتیمی، اکبر آلاسان
یُولا تابوتیمی حسرتله اوغول سن سالاسان
باش آچوب اگلشه سن شامِ غریبانه علی
گاه گاهی نظریم بو یارالی باشه دوشر
ملرم چوللرین آهولری منن ملشر
نئیلیوم؟ نه اگوسن باشیوی، نه ال یئتشر
تا وورام شانه او گیسوی پریشانه علی
اوچ یاشیندا باجویوین حالینه بیر ایله نظر
دولانار سایه به سایه باشون آردینجا گزر
نجه بیر خیردا اوشاق گور بو قدر ظلمه دوزر
قمچی دگدوقجا باشیندان، گلور افغانه علی
حیف، صد حیف او خوش خال و خط و قدّ رسا
یاخشی اولدون بو الیمه قوجا وقتیمده عصا
سنه بیر عمر
#کریمی یازاجاق مدح و رثا
ایده جاق عالمی شعریله عزاخانه علی.
جناب آقای میرزا حسین
کریمی مراغه ایالتماس دعای فرج
https://telegram.me/ganjine5