🌺 تایپ کننده و ویرایش کننده از : جناب آقای کربلایی مجتبی' نقوی
🌺#مرحوم_استاد_عابد #راه_شام#رأس_علی_اکبر_ع#حضرت_علی_اکبر_ع زبانحال حضرت لیلا سلام الله علیها
بخش ۱
علی زلفِ سیاهون کیم باشون قانیله الواندور
آنان لیلا بولر هر رشته سی مین رشته ی جاندور
جمالون صفحه سینده آیتِ خلّاقِ اکبر وار
سبیل ایتسن لبونده سلسبیل و آبِ کوثر وار
سنون حُسنونده ای طاهایه بنزر ایله منظر وار
که نقّاشِ قضا اوز یازدیقی صورتده حیراندور
خمیده قاشلارین اهلِ دله محرابِ طاعتدی
بیاضِ صبح صادقدن جبینون نوری آیتدی
سپیده باش ویروب لیلایه هنگامِ عبادتدی
جمالون سِیری تسبیحِ جلالِ حیّ سبحاندور
خطوطِ عارضون تشریحِ آیات وفا ایلر
لبِ خاموش حقِّ صحبتِ عشقی ادا ایلر
فروغِ طلعتون تفسیرِ فصلِ و والضّحی' ایلر
سوادِ کاکلون واللّیله روشن شرح و تبیاندور
هوالحق سرّینی اعلان ایدر باشون جدا اوسته
مبرهندور فروغِ طور سینا بو سِنا اوسته
مطّبق، لایزالی جلوه انوارِ هُدا اوسته
جِدا، یا چشمِ دلده نخله ی ایمن نمایاندور
نهانگاهِ دل غمدیده نورِ حقّه مشعلدی
سرِ زلفون حدیثی لیلِ لیلا تک مطوّلدی
وفا یوخدور منیم عمرومده بو صحبت مفصّلدی
بو جبری بیر سکوته اقتصارِ وقت، برهاندور
باتار، سِیریندن امّا آفتابِ خاور آیریلماز
غروب ایلر، فَلکدن لیک ماهِ انور آیریلماز
اولار گوزدن نهان بُرجیندن امّا اختر آیریلماز
جداده باش، بدن توپراقدا بولمم بو نه عنواندور
خطِ ریحانه بنزر تارِ مژگان ساتکین اوسته
بهاری چم سالوبدور سایه یا آهوی چین اوسته
توکوب یا بیدِ مجنون شاخه سین ماه معین اوسته
یمانی نجم یا عقد پَرَن چترینده پنهاندور
سنیله همرهم بو راه اولا هر چند طولانی
حریر ایلر جمالِ کعبه شوقی ریگِ صحرانی
دولانّام سایه تک هر سمتیده سنله علی جانی
که تن جانه ملازمدور آنان تن جاذبَن جاندور
انیسم گه باشونلا گه نسیمِ صبحگاهیله
بیانِ راز ایدر دل گاه مِهر و گاه ماهیله
یتر گونلر باشا بو سوز و سازِ گاهگاهیله
نه چاره ایلیوم ایّامِ غم، دورانِ هجراندور
گُلِ شادابیدن سوزِ عطش گر چه صفا آلمیش
شرارِ دل عقیقِ نابیدن رنگ و جلا آلمیش
گینه سندن بها باغِ جنان آبِ بقا آلمیش
که عالملرجه ذوق و لطف، حُسنونده نمایاندور
عمودِ نور ساچمیش گر چه حسنون سبز ایوانه
سالوب سِیرینده باشون سایه امّا خاکِ سوزانه
اولوب منظر اگر خاکِ مسیرون چشمِ گریانه
پناهیمدور بو سایه، گوزده نورِ عکسِ عرفاندور
غم و محنتدی ره پیما منِ صحرانوردیله
انیسم اشکِ سرخیله ملازم روی زردیله
امیدیم گلشنی تاراجه گیتدی بادِ سردیله
بهارِ عمر طیّ اولدی داخی فصلِ زمستاندور
غبارِ راه اوتورموش خوشه خوشه سنبل اوستونده
قویوب گون تابشی تأثیر اوراقِ گل اوستونده
اسَنده یل اَسر بیر رشته زلفون کاکل اوستونده
او رشته رشته ی جاندور، منه عنوانِ امکاندور
علی انصافیدور بو طرّه ی طرّار اولا خونین؟
علی انصافیدور بو عارضِ گلنار اولا رنگین؟
علی انصافیدور دوشسون ایاقدان قدّ سرو آیین؟
نه، باللّهی بولار آثارِ ظلمِ قومِ عدواندور
آلوب لطف و صفا گلبرگ تَر هر بیر گلستاندان
خجلدور چشمه ی حیوان صفاسی لعلِ عطشاندان
دُرِ دندان اولوبدور لعلگون باشدان آخان قاندان
دییرسن حقّه ی یاقوتیده بیر شَدّه مرجاندور
دوشوب زولفون یوزه توأم ایدوب نوری ظلامیله
گورن یوخ تا جهان وار باهم اولسون صبح شامیله
فروغِ عارضون ظلماتِ زلفِ مشگ فامیله
شب و روز آیتی برهانِ صنعِ ذاتِ یزداندور
لبالب ایلیوبدور لعلِ خون پیمانه ی چشمی
ایدوب گلرنگ چون غمخانه ی دل خانه ی چشمی
گورن بو حالتیله منظرِ کاشانه ی چشمی
بولر بو حال، ایجابِ وفای عهدِ جاناندور
سنه سرجوشِ خُمدن ویردی ساقی جامِ اِشراقی
فنا فی الله اودور ایتدی سنی بو باده ی ساقی
او مِیدن سرگران هشیار، اولار مستِ رخِ ساقی
ایله مخموره ترکِ جان رهِ جاناندا آساندور
تجلّی ایتدی تا حُسنِ رخِ دلدار بی پرده
سنی محو ایلدی بالمرّه انواری او منظرده
گوررسن جلوه سین آئینه ی صافیّ ساغرده
او جلوه ایندیده آب و جلای لعلِ عطشاندور
ادامه دارد
🔽🔽🔽@ganjine5