🌺 تایپ کننده و ویرایش کننده از : جناب آقای بهروز کریمی
🌺زبانحال
#حضرت_رباب_س در مدینه
#ورود_به_مدینه#مرحوم_اعظمی (حاج بیوک
اعظمی تبریزی)
یارب الیمدن آلدی فلک شیرخواره می
آرتوردی داغلی دلده بو محنت، شراره می
غنچه زمانی سولدی منی ائتدی قاره پوش
باشیمدان آچمارام من ئُولونجه بو قاره می
گونلر قباقینی ائدرم مسکن، آغلارام
اشگیم یازار بیر بیر یوزه غم شماره می
گه کربلا دوشر یادیما حالیمی پوزار
ظلمیله اوردا باغلادیلار راهِ چاره می
گاهی گلر خیاله گونوم دوندی ظلمته
سالدی محاقه قانلی بولودلار ستاره می
گه یانه یانه حرمله نی نفرین ایلرم
قول باغلی اوخلادی او دنی ماهپاره می
ساللام گهی یئره بالامون قانلی اُونّوگون
قویّام اُو اُونّوگ اوسته دلِ پاره پاره می
گه ایلرم اشاره یانان داغلی سینمه
اوغلی ئُولن گر اولسا بولر بو اشاره می
گورّم گئجه بو سینمه صود گلدی، یاتمارام
دورّام دولانّام آختارارام شیرخواره می
بعضی گئجه گلر یوخوما سینه مون گُلی
وصلیله سُووندورر بو اورکده شراره می
آللام قوجاقیمه اُوپرم قانلی لب لرین
دیندیرّم اُول خموش اولونان بیر هَزاره می
سُویلر او گونده محسنه گئتدیم آنا قوناق
زهرا گلوبدی باغلادی جنّتده یاره می
من "اَعظمیِّ" چاره سیزم ای خانم رباب
شش ماهه اصغروندن اُوزون ایسته چاره می.
#اعظمی_تبریزی_رهالتماس دعای فرج
https://telegram.me/ganjine5