منذ عده سنوات زوجتي صحيت الساعه ١ صباحا علي الم شديد في فم المعده استمر حتي الفجر. أنا صحيت وأعطيتها حقنه فولتارين. تاني يوم راح الالم ولم يتكرر ثانيه ولكن حدث ارتفاع في الحراره الي ٣٨ اخذت مخفض ومضاد حيوي واستمرت يوم واحد وراحت الحراره عملت لها سونار طلع فيها حصاوي في المراره . ذهبنا للجراح. طلب تحاليل ورسم قلب طلعت سليمه الجراح قال عمليه فورا. أنا قلت له أنا مش عارف سبب الحراره اللي جاءت لها. بالتأكيد ليست Acute cholecystitis إلا تحب ان نؤجّل العمليه. رد علي بكل ثقه. دي حاجه مش مهمه. تحضر غدا لعمل العمليه الجراح عاده يكون عنده ثقه في نفسه زياده عن اللزوم. المشرط يعطيه نوع من الغطرسه والتعالي علي الباطني. لذا لم أناقشه. دخلت زوجتي تعمل العمليه. انتظرت في الحجره ٣ ساعات ولم تخرج. بعد ٦ ساعات خرجت من العمليات استدعيت نائب الجراحه وقلت له ايه اللي حصل جوه. قال لما دخلنا فوجئنا بالتصاقات. قعد يشتغل فيها. واخذ قرار عده مرات ان يحولها From laparoscopic cholecystectomy into open cholecystectomy ولكنه كان يتراجع الحمد لله أن ربنا سلم ولم يخبط حاجه. هذا درس لكل واحد لا يحترم الجانب العلمي. احنا عندنا قواعد لازم نمشي عليها. لو كان اجل العمليه شويه كانت الامور تمشي اسهل مما حدث فيه قواعد نمشي عليها ونحترمها. الطب ليس فيه أنا رايي كده. أو أنا مقتنع أن كده هو الصحه. د. أحمد جادو