مولود للسيدة زينب "عليها السلام" فرحتنه هاشمية لمتنه فاطمية وارواحنه هدية الزينب الحورية ------------------------------------------------- نهني الليلةالمرتضى وي فاطمة الجليلة ضي الگمر ليهم بزغ من بتهم العقيلة احتار ابوصفها اهل العلم هالطاهرة الاصيلة يامنبع السعادة بيها نهني السادة يعلن الشيعي انشاده ويبارك النبيه الزينب الحورية ------------------------------------------------- تشبة محاسن فاطمة الباري رفع قدرها عجّزت كل اهل الشعر اقلام جف حبرها ماتگدر تخط الوصف عن زينب وسترها نور الگمر كماله الأبد ماكو مثاله منها رسم جماله يا طاهرة وقدسية الزينب الحورية ------------------------------------------------- ياطاهره وبيها المثل ينضرب من خدرها لمن تهزها فاطمه تشمها ويشع عطرها خصها الاله بمنزله تعجب المله بامرها ياعالمه ومتعلمه ام الخدر تتسمه نسل النبي ودمه حيدر اجته بنيه الزينب الحوريه ------------------------------------------------- مبروك زينب من اجت فرحت الزهره ابتها نزلت املاك من العرش بگماطها لفتها نور ويشع بيت الوصي كل الملك هنتها نور ويشع بطيبه يازينب الحبيبه للجرح هي الطيبه فرحنه الها سويه الزينب الحوريه ------------------------------------------------- نزلت املاك من السمه للمصطفى يهنونه ياهلا وياميــــــة هلا بدرة علي المصونه فرحو يشيعة حيدره وبجية الخاتونه وللمرتضــــــى گولوله بخامس جمادي الاولى حــــــــياها المــــدلوله يانور شع أبضيه الزينب الحوريه ------------------------------------------------- حياچ خنسوي حفل نعجن الليله الحنه نعلك الزينــــــه والورد  ونبارك لسيدنه كل سنه وبهذا الشهر ونجدده موعدنه نطلب بجاه الحره يعجل بابن الزهره الشيعي.نافذ صبره من عدها هالمرجيه الزينب الحوريه ------------------------------------------------- 🖇تـمــت بتـــوفيــــق الله بـٲنـامـل خـادمـات ٲهـل البيت "عليهم السلام" 🖋️زينــب الـواسطي 🖋️ام وليد الموسوي 🖋️ام علـي البـابلـي غير مبري الذمة من يحذف الأسماء 💬نسال الله التوفيق والقبول 🙏 نسٲلكم الدعاء 🙏 https://t.center/DmoaaAlhwraa