📜قصيدة لمولاتنا الزهراء "عليها السلام" كإني بلسان حال أولادها اليوم ام المحنه...للـهـم ودعــتــــنـــه حنّينه الحجيها....ونومتنه اعله اديها روحتها عـمتنه....للــهــم ودعــتــنــه ➖➖➖➖➖➖➖➖➖ يــگبر أوصيك بامي...لــتـخـرب رســــمـها مــهــجة گلب ابونا...واسم الله اعله اسمها يــعـــثـر گلبي بل آه...مـن أذكــر ألــــــمـها شگول الروحي متهيد...تـنــوح تـــريد لمها لا تمــــشين عنّي...احجاياتچ عمنّي هنا گمنه وكعدنه...للـهــم ودعتــــنه ➖➖➖➖➖➖➖➖➖ يخسر عمره والله...اليفگد صوت الحنين يخلص يومه آلام...وفـوگ آلامـه الـونين مايحلاله لا عيش...لا لـــذتــــها الــسنين يضل أيعد بالايام...ينــطــر جـيت البــين يموتي عجل ابساع...أبدون امي العمر ضاع اتعــــايشنه ابحزنّه...للــــهــــم ودعــــتـنـــــه ✍🏻زينب الواسطي ➖➖➖➖➖➖➖➖➖ شسوي بالعمـــر دون...خيــمتنه الچبيره كل مغرب على الباب...الناظر الها اديره واعاتب ياهوى الهاب...ياحيرة الحيره ردي ياضوه العين...تـــره زينب زغيره           مــحتاچه لحنانچ...شـــــو خالي مكانچ يــاحظن اليلمنه...للــهــم ودعــــتـنـــه ➖➖➖➖➖➖➖➖➖ تــدفــيـنــي الـسوالف...وگعـداتي بكترها امــن اصد البيت خالي...يــادمعه الادرها نامــت امي بالگاع...عمــــــر ورده عمرها والتفــــگد دفوها... شيـــجبـــره كسرها وحشتچ ترست الدار...يكون اعليچ نندار بــالــغرفة انـجـمـعنه...للـهـم ودعــــتـنــه ✍🏻ام علي البابلي ➖➖➖➖➖➖➖➖➖ عمتنه الشالت بليل...ونـــــطتنه گفـاها اثر من امنـه عالباب...لايـــذ مستـحاها أدور وچهچ الضاع...روحي الهم گظاها حلم ريته حلم كون...الگــلب ماودعاها شلون تغمض العيون...نضل أبّيتچ شلون يـــريت وياچ متــنــه...للــهـم ودعــنــنه ➖➖➖➖➖➖➖➖➖ مجالس خدمة حسين...ما ننـساها ساعة بكل حرف الكتبنــاه...نريد احنه الشفاعه خدمـتك خلــهه للـه...تنـول اكبر بضـــاعة حب الزهرة وحسين...شربنه من الرضاعه الحد يوم القيامة...ماننسه الخدامة عــلْمــونـه اهـلنه... للــهـم ودعــتنه ام وليــ✍🏻ـد الموسوي ➖➖➖➖➖➖➖➖➖ تمت بعون الله وتوفيقه بأقلام الخادمات ✍🏻ام علــــي البابلي ✍🏻ام وليد الموسوي ✍🏻زينـــب الواسطي لا نُجيز حذف الأسماء نسألكم الدعاء https://t.center/DmoaaAlhwraa