قصيده للزهراء ع لسان حال السيده زينب ع يمه النزل موحش مفاركته الافراح كلما اطب والتفت منه الضوه راح اكعد واتاني مدري شجاني منه الضوه راح / منه الضوه راح ━━━━▣◤◢▣━━━━ انادي يم حسن وينج ييمه ادور بالمجان الكيها ظلمه اطلع بالهدم كلساع اشمه تطشر ياشملنه وماكو لمه بمحرابج اتخيلج واكفه تصلين اشبك بالخيال واون ها يم الحسين اه يازماني مدري شجاني منه الضوه راح/ منه الضوه راح ━━━━▣◤◢▣━━━━ اشتاك اعله شوفك يلحنينه واصرخ بلكي لن امي تجينه ابنج ينتحب زايد ونينه حسافه شلون طولج ضيعينه اتمنى بس اغفه ا بحظنج تناغين خليتي كلبي يضل يجهر بالونين همج لفاني مدري شجاني منه الضوه راح / منه الضوه راح ━━━━▣◤◢▣━━━━ تعبانه النفس مخنوك بيه راحت مني الزهره الزجيه ابقى باليتم وشلون بيه عكب الوالده منهو اليه عكبج تره دنيتي ماتسوه اعيشن من رحتي عني بعجل وجروحي يدن ضليت اعاني مدري شجاني منه الضوه راح / منه الضوه راح ━━━━▣◤◢▣━━━━ مليان الكلب من بعدج الالام سهرانه عيوني وبعد متنام حرموني منج ليش ظلام عليج ابقى عمري كله محتام رحتي وتركتي النزل يون اعله شوفج واحنه ييمه تره مانكدر نعوفج الحسن واني مدري شجاني منه الضوه راح /منه الضوه راح ━━━━▣◤◢▣━━━━ تركتينه ورحلتي بعيد عنه من بعد الحنينه ضاع املنه اكضيه العمر ونه اعله ونه عكب الوالده بالعمر شلنه ردتج بيوم الذي اتروح اخوتي اشهك وادور اضل واتمنى موتي الطف لواني مدري شجاني منه الضوه راح / منه الضوه راح ━━━━▣◤◢▣━━━ تمت بعون الله تعالى بقلمي انا *✍ام علي البابلي* لااجيز حذف الاسم او التلاعب بالقصيده https://t.center/DmoaaAlhwraa