View in Telegram
Forwarded from Аликул Бобо
ТЎНҒИЗ ИШИ
Хокисор қуш чекиб кўп заҳмат,
Ўрмон ичра уя қурарди.
Шохлар билан безаб бағоят,
Модасини чорлаб турарди.
Ердан бошлаб юксалди кўркам,
Бир уяки, йўқ эди ғубор.
Пайдо бўлиб бир тўнғиз шу дам,
Ер титарди тумшуқ-ла ғаддор.
Беэътибор ҳайвон "ҳур-ҳур" лаб,
Шул уяни кавлаб ташлади.
Бечора қуш озори ўрлаб,
Нола чекиб, сайрай бошлади.
Қизиқтирмас дайдини асло,
Биров чеккан тенгсиз машаққат.
Унинг нафси ўзгага жафо,
Тўнғиз қавми билмагай шафқат.
Санғийверар ёғсада қарғиш,
Уларга ёт қурмоқ ва тузмоқ.
Жафокашга орттириб ташвиш,
Тўнғиз иши кавламоқ, бузмоқ!
Алиқул Мўминов,
Кўкдала.
25.01.2025 йил.
Love Center - Dating, Friends & Matches, NY, LA, Dubai, Global
Find friends or serious relationships easily