‍ ✅بڵاوبوونەوەی یەکەمین ژمارەی دوو-وەرزنامەی ڕەخنەی ئەدەبی منداڵ و مێرمنداڵ ✅یەکەمین ژمارەی «دوو-وەرزنامەی ڕەخنەی ئەدەبی منداڵ و مێرمنداڵان بە دوو زمانی کوردی و فارسی بڵاو کرایەوە. ✅لەم ژمارەیەدا، دکتۆر نەسرین عەلی ئەکبەری، ئەندامی لێژنەی زانستیی بەشی زمان و وێژەی فارسیی زانکۆی کوردستان، بە توێژینەوەیەک بە ناونیشانی «ئەدەبی منداڵ و قۆناغی منداڵی» بەرەو پیریی ئەم ژمارەیە چووە. ✅جەبار شافێعی‌زاده و عەتا وەلەدی لە توێژینەوەیەکدا لە ژێر ناوی « نەریتی فەرهەنگنووسی بۆ منداڵان» ڕەوتی فەرهەنگنووسیی بۆ منداڵانیان لە نیسابولسیبیانی ئەبوونەسری فەراهییەوە تا نووبەهارا بچووکانی ئەحمەدی خانی لێکداوەتەوە. ✅لە توێژینەوەیەکی دیکەدا لە لایەن سەردار قادرەوە بە ناونیشانی «ڕەنگدانەوەی ئەدەبی منداڵان لە ڕوانگەی گەورەساڵانەوە» توێژەر پەرژاوەتە سەر ڕەنگدانەوەی ئەدەبی منداڵان لە بەرهەمی گەورەساڵاندا. ✅ئەرسەلان حەسەن لە توێژینەوەیەکدا بە ناونیشانی «شێوازێکی نوێی شێعرنووسین بۆ منداڵان لە شێعرەکانی زارا ئەحمەددا» یەکێک لە شێعرەکانی زارا ئەحمەدی بۆ منداڵان لێکداوەتەوە. ✅جەبار شافێعی‌زاده لە وتووێژی لەگەڵ موحەممەد هادی موحەممەدیدا، پەرژاوەتە سەر «ئەدەبی پەراوێز و منداڵانی لە پەراوێزدا». ✅دوو-وەرزنامەی ڕەخنەی ئەدەبی منداڵ و مێرمنداڵان لە یەکەمین ژمارەی خۆیدا بەرەو پیریی پڕۆژەی «یەکەم هاوڕێکان، پڕۆژەیەک بۆ پاراستنی زمانی دایکیی منداڵانی کورد»چووە و ڕاپۆرتێکی لەسەر چالاکی و دەستپێکی پڕۆژەکەیان ئامادە کردووە. ✅ناساندنی بڵاوکراوە نوێیەکانی کتێبی منداڵان لە بڵاو کراوەکانی وەشانگەی مانگ. ✅ئێوە دەتوانن لە ڕێگای بەستەری خوارەوە، یەکەمین ژمارەی دوو-وەرزنامە بە شێوازی ئەلکترۆنی، لە ماڵپەڕی تاقچەوە دابگرن. 💢بەستەری تاقچە https://taaghche.com/book/214858 💢بۆ کڕینی نوسخەی چاپیی دوو-وەرزنامە لەگەڵ ئایدیی خوارەوەدا لە پەیوەندیدا بن. 🆔 @ccljournal https://t.center/Kurdish_childrens_literature