🎈 У Літве выявілі чарговыя метэазонды з буйной партыяй цыгарэтаў Літоўскія памежнікі перахапілі 14 метэаралагічных аэрастатаў з 25цю тысячамі пачкаў кантрабандных цыгарэтаў з Беларусі. Затрыманыя пяць чалавек, якія падазраюцца ў дачыненні да транспартавання нелегальных цыгарэтаў. Распачатае дасудовае расследаванне і некалькі адміністратыўных справаў. 🎈 Кантрабандысты сталі часцей звяртацца да такога метаду. Усяго сёлета ў Літву з Беларусі быў скіраваны 351 метэаралагічны шар, а колькасць перахопленых склала 138.