Танзила Норбоева: Ош тузи деб техник туз солинаётган ҳолатлар бор "Йод танқислиги кўплаб мамлакатларда бўлгани каби биз учун ҳам ўта долзарб ҳисобланади. Табиий-иқлим шароитимиз мазкур масалага тизимли ёндашиб, мунтазам чора-тадбирлар кўриб боришни тақозо этади. Бироқ, таҳлиллар ушбу йўналишда эътиборни кучайтириш зарур бўлган жиҳатлар борлигини кўрсатмоқда. Эътибор қилинг, ўтган йилнинг тўққиз ойи натижаларига кўра, биргина ош тузи бўйича ўтказилган 263 намунадан 65 тасида ёки чорак қисмида, савдо ва умумий овқатланиш жойлари ҳамда мактаб ва боғчалардан олинган намуналарнинг эса ўрта ҳисобда ҳар учтадан биттасида – йод миқдори белгиланган талабга жавоб бермаслиги аниқланган. Қадоқларга йодланган ош тузи деб, аслида йодланмаган техник туз солинаётган ҳолатлар ҳам бор" дейди Сенат раиси. 👉@bahodirahmedoff👈