قصيده للسيده زينب عليها السلام فزاعيه جنوبي تقرء بعدة اطوار ((الوزن ميمر)) زينب تون// چاوينها العياله بين الغرب// ودموعها هماله زينب تون وعينها مشبوحه تريد الحنين الظاهداته جروحه العابد عليها زاد ونه ونوحه منگب عليل حسين يبچي شحاله ((ويگلها //شلون تعوفيني)) ام مرتضى الخفاجيه --------💠-------- عافوها بديار الغرب حزنانه والوانها من الهضم ذبلانه تريد الحنين الگطعو ذرعانه وتريد اخوها الصوبو دلاله ((خل يگعد لاخته//البي غيره)) ام مرتضى الخفاجيه --------💠-------- تون وتريد اخوانها يحظروها بهل حاله ورادتهم ينظرونها يطيبولها خاطرها ويجبرونها ينشدون عنها وينظرون الحاله ((وبوكت الموت//يداروها )) العلويه ام مرتضى الموسوي -------💠------- زينب تون والهضم زاد عليها محد سمعها خاطر يحاچيها والحره لوصاحت نهض واليها الگضت عمرها بالحزن تنعاله ((حنت وتريد//اهل الشيمه)) ام مرتضى الخفاجيه -------💠------ رادت اليعدل بيده وسادتها وينگط الماي ويحس دمعتها يقرأ العديله لوجت. امنيتها وتضل دمعته عالوجن سياله ((ويلطم عالراس// لفرگاها)) العلويه ام مرتضى الموسوي --------💠------- عباس لويسمع بچي المحجوبه چا مابطه والشام يطوي دروبه اتعالج اوتنطر جيته المهيوبه ترجه الحنين الزاچيات افعاله ((ومايرضه//اخته تضل بريبه )) ام مرتضى الخفاجيه ___________ تمت باقلام شاعرات بين الباب والخيام. ام مرتضى الخفاجيه والعلويه ام مرتضى الموسوي لانجيز ❌❌❌حذف الاسماء والتلاعب بالكلمات https://t.center/azm20001982