قصيده للسيده زينب عليها السلام عن لسان الموالي يخاطب الامام السجاد عليه السلام الوزن موشح **** وين يالسجاد تنصب فاتحه لعَّمتك بديار غربه رايحه وين يالسجاد تنصب مأتمك وموت زينب بين غربه ألمك الدهر بيد الشماته سلمك زاد هضمك والنوايب جارحه ام مرتضى الخفاجيه ━━━━▣♦️▣━━━━ زاد همك والنوايب غطتك شكَال كَلبك يوم ماتت عمتك هاي جانتلك حزام وسندتك يوم بيه الزلم چانت شاحه العلويه ام مرتضى الموسوي ━━━━▣♦️▣━━━━ يوم شحت بيه اهل المرجله چانت وياك العقيله اموجله تنعه ابوك وصحبته والعايله وبانت عليها المآسي وواضحه ام مرتضى الخفاجيه ━━━━▣♦️▣━━━━ ايعينك الله وين ناصب جادرك بالفلا ومحد من اهلك حاظرك مايسر خاطر يعابد منظرك دمعتك عالوجن ضلت طايحه العلويه ام مرتضى الموسوي ━━━━▣♦️▣━━━━ طاحت دموعك على الماعدها اخو بين نار افراگها ونار الابو شضام دهرك بعد كل هذا وشكو نايحه تروح وتجي شچم نايحه ام مرتضى الخفاجيه ━━━━▣♦️▣━━━━ يالعليل اشجابكم لرض الغرب ايعينك الله اشلون گطعيت الدرب وذكريات الماضي والشام الصعب موش چنه العام چنه البارحه العلويه ام مرتضى الموسوي ___________ تمت باقلام شاعرات بين الباب والخيام. ام مرتضى الموسوي وام مرتضى الخفاجيه لانجيز ❌❌❌حذف الاسماء والتلاعب بالكلمات https://t.center/azm20001982