نعي للسيده زينب عليها السلام ((قرب وفاتها)) اليوم الگلب مدري شعنده ذاچر هله وذيج الموده ويريدله احباب التنشده اليوم گلبي ابعازت احباب يرديد اليوسدني بالتراب نام وشمر حملي عللاجناب حگه يون الگلب لهله بعازت حنين يشيل حمله ونته كلفه وموش سهله ام مرتضى الخفاجيه ━━━━▣♦️▣━━━━ حن الگلب ويريد ليهم مشتاگ للگعده وحجيهم ينشدني كل ساعه عليهم ينشد على العافوه ينشد ويريد اله البالعوز يسند وبحروفهم حن ويردد ردو يهلنه انعاب گلبي ومن البچي ماشوف دربي يادمعتي دم حمر صبي العلويه ام مرتضى الموسوي ━━━━▣♦️▣━━━━ حن الگلب للذاب حملي شلي بحياتي خلافه شلي شنهي الچاره من يگلي اليوم دلالي وجعني حاچيته لاكن ماسمعني والبين ياصدعه صدعني ━━━━▣♦️▣━━━━ فراگ اهلي هدم حيلي،، وسلني ومحد ناشد اشبيه،، وسلني هجرت النوم والراحه،، وسنه لي اون ومارجع واحد عليه ام مرتضى الخفاجيه ━━━━▣♦️▣━━━━ تشب النار بضلوعي،، سنلها وسچاچين الهجر روحي،،سنلها عيني ماهدت لحظه ،،سنه لها من يوم الطفوف لهل مسيه العلويه ام مرتضى الموسوي ___________ تمت باقلام شاعرات بين الباب والخيام. ام مرتضى الموسوي وام مرتضى الخفاجيه لانجيز ❌❌❌حذف الاسماء والتلاعب بالكلمات https://t.center/azm20001982