قصيده للسيده زينب عليها السلام الوزن تجليبه **** لو ردتو چفن للفاگده اخوتها جيبو عمامة العباس هيبتها جيبو عمامة العباس واليها اخوها الچان كافلها ومحاميها بلكت من تشم ريحة اخو بيها ترتاح وتعن واطيب نومتها ام مرتضى الخفاجيه ━━━━▣♦️▣━━━━ عمامة كافل الخدر المعروفه جفنها عمامته وتتوسد اچفوفه تمنت بالحلم لو يحظر تشوفه چا ما گربت ساعة منيتها العلويه ام مرتضى الموسوي ━━━━▣♦️▣━━━━ لحد اخر نفس تترجه يحضرها وهيه اعزيزته الماكسر خاطرها تمنت يوم اجلها كون ينظرها شبحت عينها واتسيل دمعتها ام مرتضى الخفاجيه ━━━━▣♦️▣━━━━ ماتت والعيون امعلگه لدربه بكل صبح ومسه لعباس تتربه سنه ونص ماهدت لابطلت عتبه ومن تذكر مصابه تزيد شوغتها العلويه ام مرتضى الموسوي ━━━━▣♦️▣━━━━ بلكت من تشم اعمامته تگدر بطلاع الروح اجه العباس تصور دهرها اعله الاخو خلاها تتحسر مر افراگ اهلها وزاد لوعتها ام مرتضى الخفاجيه ━━━━▣♦️▣━━━━ مر كلش افراگ الما تفاركهم بوكت الموت والخوان رادتهم يشيلون الجنازه وهاي عازتهم على اجتاف النشامه شمحله شيلتها العلويه ام مرتضى الموسوي ━━━━▣♦️▣━━━━ تمت باقلام شاعرات بين الباب والخيام. العلويه ام مرتضى الموسوي وام مرتضى الخفاجيه لانجيز ❌❌❌حذف الاسماء والتلاعب بالكلمات https://t.center/azm20001982