Xato Kuzatmoq vajida kelarman har kun Oʻzimni yangi bor azoblash uchun... Yoʻqotgan baxtimga qayta boqarman Yarador yuragim bir tirnash uchun Imkon berildi-ya, nega yoʻqotdim! Yolgʻon havaslarga nega ham uchdim... Ozgina qolganda soʻnggida qaytib. Nafsimga aldanib, men ahmoq kechdim. Endi u yoʻq! Men esa tubsiz darddaman... Qani vaqtim qaytsa ortga! puch umiddaman Har kun bagʻrim tigʻlar alam, dilim burdaman... Nafsimga aldanib niyatdan kechdim Goʻzal niyat ila boshlangandi ish Goʻzal kechgan edi, bir necha tashvish Lekin soʻnggi qadam...qaytdiku xohish... Nafsimga aldanib, niyatdan kechdim Masalai dunyo boʻlsa, qilmasdim parvo Axir bu Robbim uchun edi musaffo! Men esa azmimga qilmayin vafo... Nafsimga aldanib, niyatdan kechdim Bilarman, taqdirdir boshda bari ish Barida xayr bor, kerakmas tashvish Lekin aybing sabab boʻlsa yoʻqotish Oʻzingni kechirmoq qiyin boʻlarkan... Endi bunday imkonni qaydan topayin!... Koʻpchilikka bu hatto orzu boʻlmayin Men esa neʼmatga shukr qilmayin... Noyob imkonimdan men ahmoq kechdim Har xursandlik yetganda eslarman uni Har gʻamginlik kelganda qoʻmsarman uni Allohim, bu darddan qutqargin meni! Xatoim yuvmoqqa ber yangi imkon... Ey Alloh, kechirgin, oʻtgin gunohim Axir sensan har lahza, yolg'iz panohim Duoyim qabul et, eshitgin ohim! Loyiq bo'lmasam-da, bergin yangi bor... Kuzatmoq vajida kelarman har kun Oʻzimni yangi bor azoblash uchun... (Barcha qismlar) @AzizbekZubaydullayev