Төркиядә тау чаңгысы курортында янгында кимендә 66 кеше һәлак булган Янгын Төркиянең төньяк-көнбатышында урнашкан Карталкая тау чаңгысы курортында 12 катлы кунакханәдә чыккан. Бу хакта эчке эшләр министрлыгына сылтанып Hürriyet басмасы хәбәр итте. Яраланучылар саны 50дән арткан. Янгын иртәнге өчләр тирәсендә агач кунакханәнең ашханәсендә башланган. Бу вакытта бинада 237 кеше кунган. Кимендә ике кеше тәрәздән сикереп үлгән. Кайбер кешеләр бүлмәләреннән җәймәләр белән төшәргә тырышкан. Янгын сәбәпләре билгеле түгел. Кунахканә тау битендә урнашканлыктан, янгынны сүндерү дә катлаулы булган. Мәхкәмә һәлакәт урынында матбугат чараларына эшләүне тыйган. Моны тикшерү өчен дәлилләр җыюны тәэмин итү кирәклеге белән аңлаталар.