AZAMAT KAMOLOV

#муфтий_минбари

📹 УМР САРҲИСОБИ
🎤 Шайх Нуриддин Холиқназар ҳазратлари

 

#Фаластинлик_болалар
#меҳр_абадий
#тинчлик_энг_олий_неъмат

Давлатимиз раҳбарининг ташаббуси билан юртимизга олиб келинган 100 нафар Фаластин фуқароларига даволаниш, стрессдан чиқишлари учун барча шароитлар яратилмоқда.
Вазирлигимиз масъуллари, психолог ва тарбиячилар билан бирга уларнинг боғча, мактаб ёшидаги болалари билан ишламоқдамиз.
Келишгандан кейин иккинчи, учинчи кунларга келиб бу ердаги илиқ муҳит, меҳрли муносабат, қулай, шинам шароитлар ва энг асосийси тинч, хавфсиз жойда эканликларини тўлақонли хис қилган болажонлар барча қўрқув, ғамларни унутиб, яйраб ўйнашмоқда, болалик шўхликларини қилиб, улар билан ишлаётган психологларимиз ва тарбиячиларимизга ўз яқинларидек муносабатда бўлиб, қувончларини бўлишиб, машғулотлар ўтишмоқда.
Жудаям таъсирли манзара, бағрикенг халқимиз, Юртбошимиз доимо соғ ва омон бўлсин.
Юртимиз, бутун дунёда тинчлик бўлиб, бегуноҳ болалар ҳеч қачон ғам-ташвиш кўришмасин.

👉@azamatkamal81👈

Президент Янги Тошкентдаги таълим ва маърифат масканларининг қурилишини кўздан кечирди

Prezident.uz|Facebook|Instagram|YouTube|X

Бугун Президентимиз Янги Тошкент шаҳрида илк иншоотлар қурилишини бориб кўрди.

Шаҳарда Тошкент давлат педагогика университети ҳамда «Янги Ўзбекистон» университети учун замонавий мажмуалар ҳам бунёд этилмоқда. Президентимиз уларнинг қурилиш жараёнини кўздан кечирди.

Ҳозирги кунда Тошкент давлат педагогика университетининг еттита факультети тарқоқ жойлашган. Биноларнинг аксарияти эскирган.

Шу боис университет учун қирқ гектарлик майдонда 20 минг талабага мўлжалланган ўқув бинолари қурилади. Шунингдек, 5 минг ўринли ётоқхона, 300 ўринли боғча, 616 ўринли мактаб, 588 ўринли академик лицей, спорт ва маданият саройлари, амфитеатр ва бошқа иншоотларни ўз ичига олади. Бир сўз билан айтганда, юқори рейтингли хорижий олийгоҳлар тажрибаси асосида «боғча – мактаб – университет» яхлитлигидаги инновацион педагогик кластер ташкил этилади.

Мажмуада педагог ва талабалар учун энг замонавий қулайликлар ҳозирланади. Дарслар бир сменага ўтказилиши, дуал таълим йўлга қўйилиши эвазига ўқиш ва амалиёт сифатида ўсиш бўлади.

Давлатимиз раҳбари ташаббуси билан ташкил этилган «Янги Ўзбекистон» университети олий таълим тизимида янги даража бўлди. Унинг ўқув дастурлари дунё рейтингида юқори ўринда турувчи университетлар профессор-ўқитувчиларини жалб қилган ҳолда, Германия стандартлари асосида ишлаб чиқилган.

Бу ерда ўқиш истагида бўлган ёшлар сони йилдан йилга ортмоқда. Бугунги кунда муассасада минг нафардан ортиқ талаба таълим олмоқда.

Университет учун янги мажмуа қурилиши уч босқичда олиб борилади. Дастлаб ўқув объектлари ва ректорат биноси бунёд этилиши кўзда тутилган.

Якунда ўн минг нафар талабани қамраб оладиган бешта факультет, бир вақтнинг ўзида саккиз минг нафар талабага хизмат кўрсатадиган ректорат биноси қад кўтаради. Кутубхона, музей, кўргазма зали, мультимедиа хонаси, спорт мажмуаси, сузиш ҳавзаси ташкил этилади.

Шунингдек, ўқитувчилар учун 286 ўринли турар жой, талабалар учун 2 минг ўринли ётоқхона қурилиши режалаштирилган.
Давлатимиз раҳбари бу мажмуаларнинг келгусидаги аҳамиятига тўхталиб, ўқув жараёнини оқилона ташкил этиш муҳимлигини таъкидлади.

👉@azamatkamal81👈