#taziya Qoraqalpog‘iston xalq rassomi Barliqbay Aytmuratov vafot etdi Qoraqalpog‘iston xalq rassomi, O‘zbekiston Badiiy ijodkorlar uyushmasi Qoraqalpog‘iston bo‘limi aʼzosi, Berdaq mukofoti sovrindori, Qoraqalpog‘iston Respublikasi sanʼat arbobi, teatr rassomi Aytmuratov Barliqbay Aytmuratovich (1957-2025) vafot etdi. Qoraqalpoq tasviriy sanʼatida o‘ziga xos uslubda ijod qilib, tanilgan B.Aytmuratov o‘zidan sermahsul meros qoldirdi. Rassomning ijodi qoraqalpoq tarixi va adabiyotini keng qamrab olgan bo‘lib, u Berdaq, Ajiniyaz, Ibrayim Yusupov singari adabiyotning yirik darg‘alari portretlarini yaratdi. Ularning asarlariga kompozitsiyalar ishladi, xalq og‘zaki ijodidan olingan dostonlarga bag‘ishlab ko‘plab asarlarni sanʼat ixlosmandlariga havola etdi. Qoraqalpoq xalq dostonlaridan “Qirqqiz”, “To‘maris”, “Shariyar”, “Yernazarbiy” rassomning eng sermahsul ijodiy ishlaridan sanaladi.  O‘zbekiston Badiiy akademiyasi jamoasi atoqli rassom Barliqbay Aytmuratovning vafoti munosabati bilan marhumning oila aʼzolari, yaqinlari va hamkasblariga chuqur taʼziya izhor etadi.