ديوان آنين الحائرات

حديث دفن السيده الزهراء "ع"* 

*لا حول و لا قوة ألا بالله العلي العظيم*
    🏴 *أنا لله و أنا إليه راجعون* 🏴

◾️ بعد أن فرغَ سيدي و مولاي أمير المؤمنين "ع" من تغسيل و تكفين الزهراء "ع" صلّى على الجنازة مع جماعه من محبيه.. فلمّا هدأت الأصوات ونامت العيون ومضى شطر من الليل تقدّم
أمير المؤمنين والعباس والفضل بن العباس و رابع يحملون ذلك الجسد النحيف ، وشيّعها الحسن والحسين وعقيل وسلمان وأبو ذر والمقداد وبريدة وعمار.
ونزل عليّ (ع) إلى القبر، واستلم بضعة رسول الله (ص) وأضجعها في لحدها وقال:
" يا أرض أستودعك وديعتي ، هذه بنت رسول الله ، بسم الله الرحمن الرحيم، بسم الله وبالله وعلى ملّة رسول الله محمد بن عبدالله ، سلمتكِ أيتها الصدّيقة إلى من هو أولى بكِ منّي، ورضيت لكِ بما رضي الله تعالى لكِ "
ثم قرأ منها خلقناكم وفيها نعيدكم ومنها
نخرجكم تارة اُخرى ، ثم خرج من القبر، وتقدّم الحاضرون وأهالوا التراب على
تلك الدرّة النبويّة ، وسوّى عليّ عليه السلام قبرها.
انتهت مراسم الدفن بسرعة خوفاً من انكشاف أمرهم ، فلمّا نفض الإمام يده من تراب القبر هاج به الحزن لفقد بضعة الرسول وزوجته الودود التي عاشت معه الصفاء و تضحية وايثار ، وتحمّلت من أجله الأهوال والصعاب ، فحوّل وجهه إلى قبر رسول الله (ص) و دموعه جاريه على خديه و قال:
" السلام عليك يا رسول الله عنّي، والسلام عليك عن ابنتك وحبيبتك وقرّة عينك وزائرتك والبائنة في الثرى ببقعتك، والمختار الله لها سرعة اللحاق بك ،  فأنّا لله وإنّا اليه راجعون، قد استرجعت الوديعة ،  أمّا حزني فسرمد ، وأمّا ليلي
فمسهّد، لا يبرح الحزن من قلبي أو يختار الله دارك التي أنت فيها مقيم ، وستنبئك ابنتك بتضافر اُمّتك عليَّ، وعليها، فكم من غليل معتلج بصدرها لم تجد إلى بثه سبيلاً و الى الله المشتكى..
والسلام عليك يا رسول الله و عليها  ورحمه و بركاته ...
◾️ ويروى أنه (ع) كان يأتي إلى قبر السيدة فاطمة (ع) ليلا ويجلس عند قبرها وينادي وا حبيبتاه يا حبيبة قلباه فلم يجبه أحد فلما كان بعد ستة أشهر اشتد شوقه جدا فبكى وجعل يقول:
مالي وقفتُ على القبور مسلما 
قـبر الحبيب فلم يردَّ جوابي
أحـبيبُ  مالك لا تردُّ جوابنا  
أنـسيت  بعدي خُلَّةَ الأحباب

وكان (ع) يجلس عند قبرها ليلا فيقرأ القرآن بناء على وصيتها وفي ليلة من الليالي قرأ شيئا من القرآن ثم غفا قليلا وإذا بالزهراء (ع) تقول له في الرؤيا: شكر الله سعيك يا ابن العم لقد نفذت الوصية يا أبا الحسن ثم قالت: ارجع يا أبا الحسن إلى البيت لأن زينب جلست من نومها ونظرت إلى مكاني فرأته خاليا فأخذت بالبكاء ....

🏴  *نعي طور المجرد* ...

فلما سمع الإمام (ع) كلامها رجع إلى البيت مسرعاً فوجد زينب (ع) جالسة وهي تنظر إلى مكان أمها الزهراء وعيونها تتحادر بالدموع...

آآآه فلما وقع بصرها على أمير المؤمنين صاحت وااا أماااه وااا فاطمتاااه...

الصوت خاص
🔴بالنساء فقط🔴يرحمكم الله
القصيدة النسائية.. أداء خادمة الحسين
بقلم الشاعر والرادود
مرتضى سرمد العزاوي

الله يامولاتي يازينب كم تحملتي من مصائب💔🌿

قصيدة بحق مولاتي المظلومة 
فاطمة الزهراء {عليها السلام}
على طور .. بين أطفال وبين العيلة
للرادود...أبو بشير النجفي
تابع لديوان آنين الزهراء [ع]
للشاعر والرادود//مرتضى العزاوي

《》♤《》♤《》♤《》♤《》♤《》
                 بين الباب وبين البسمار
                   زينب وجر كلبها بنار
           جا وين أمها .......... تسمع همها
                   زينب وجر كلبها بنار
《》♤《》♤《》♤《》♤《》♤《》
يايمة شحجيلج أنه//أخذي الهموم العندي
من رحتي ماكلتي شعجب//بالضيم أعوفن ولدي
تمنيت أموتن عالنعش//وياج أحضر لحدي
حاجيتج ودمعي يهل// بشوفتج يبرد جبدي
               ياهو اليجي ويحمل همي
                طفلة زغيرة وماتت أمي
         حني أعليه ......... وشوفي اشبيه
                  زينب وجر كلبها بنار
《》♤《》♤《》♤《》♤《》♤《》
كلبي خلص من شكوتج//وروحي تره تعبانة
زينب أنه يافاطمة//ومن فركتج نحلانة
أرتاحيتي بجنات العلى//وأكتاري طاحت أنة
غبتي وطفيتي شمعتج//ودار الأهل حزنانة
              ظليت أبجي وأظلم داري
             وأدعي بحركة الرب الباري
     ظليت أدعي ............ وأمسح دمعي
               زينب وجر كلبها بنار
《》♤《》♤《》♤《》♤《》♤《》
ماأدري وين أنطي الوجه//يايمة عفتي الخطار
وأيتامج تتباجه بحزن//واحدهم شكد محتار
يندبون يمة فاطمة//وضلعج مصيوب ابسمار
بهاليوم تصرخ شيعتج// آه يالمحسن آه يالدار
                    شنو ذنبه هذا الطفل
                   برجليه يرفسها النذل
          بنت النبي ................ وماتنحمي
                   زينب وجر كلبها بنار
《》♤《》♤《》♤《》♤《》♤《》
من دفعوا الباب أعليها//صاحت ياحيدر وينك
لحجابي أبد ماقدروا//وأنه أستمع لونينك
ماحشموا موت النبي//تجرء علي ويهينك
ماأرضى أنه ياسلوتي//وأيامي كلها اسنينك
                    كدامي يشتم بالنبي
                    والنار شبت يالولي
          كسروا ضلعي ......... وغضبوا ربي
                   زينب وجر كلبها بنار
《》♤《》♤《》♤《》♤《》♤《》
يايمة عكبج أنسبي//وتتخربط كل الأحوال
أوكف أنه بين الغرب//ومجتفة بالسلسال
بين النار وبين الخيم//أركض أحامي الأطفال
وأبنيتج يافاطمة//يمشي وياها الجتال
               يازهرة وحركوها أخيامج
               بنفس النار الحركت دارج
         سوة أحنة ............... بهاي المحنة
                   زينب وجر كلبها بنار
《》♤《》♤《》♤《》♤《》♤《》
أحزان بيت آل النبي//تتجدد كل ساعة وعام
وأعله الزجية أبنيته//خلونه نرفع الأعلام
لامرحم بيها الدهر//طبوا عليها الضلام
لأجل المصيبة والجره// جيناج أحنه الخدام
                   شأني يتعلة بخدمتج
                   يايوم أشوفن مرقدج
           وبخدمتنة ............... نطب الجنة
                     زينب وجر كلبها بنار
《》♤《》♤《》♤《》♤《》♤《》
خلوني أكلكم فاطمة//شنجازي اليلطم لينة
مااخانوا عهد المصطفى//عرفو كدر والينة
بكل فاجعة يبجي بهضم//وبدمعتة يواسينة
رافع أيدة الرب العلى//عجل فرج مهدينة
                 ياخذ ثاري وثار حسين
                  ويجازي دمع العينين
        اليبجي اعلينة .............. نمسح عينه
                   زينب وجر كلبها بنار
《》♤《》♤《》♤《》♤《》♤《》

تمت بعون الله
بقلم الشاعر/ ملة مرتضى سرمد العزاوي🎤📖
نسألكم الدعاء
لا يجوز حذف أسم الشاعر وينسب القصيدة لهُ

قصيدة فزاعي جنوبي لفاطمة الزهراء (ع)

زينب بس تون
ما نايمة اليلة

على الشالت حزينة وضالة نحيلة
ترى فراك الحنينة مالنه حيله
ركض موت الأجاهة وشنسويلة
تبجي. اتريد ابوهة شصار تحجيلة

وينك يا عزيزي بساعة العصرة
يبوية اخلاف عينك سطروا الزهرة
ما تنراد فركتهة صدگ مرة
يزهرة اخلاف عينج تنحب العيلة

ييمه شلون ترحين وتخلينه
أنه والحسن وحسين ونينه
ذكرنه أيام گعداتج وحنينة
بعد بيتج ييمه شلون نلفيلة

راحت يا حسافه ايامنه الحلوة
رد امنه علينه يا زمن فدوة
هاي الوالدة البيهة العزم يگوة
ترى اوداع المشت ما نگدر انشيلة

عمت عين الزمان البيج صوبني
دولاب الوكت يا ناس دولبني
اخذ مني العزيزة وحيل عذبني
ضلت بس تون والمدمع اتسيلة

الناشر / مرتضى العزاوي

شعندة المرتضى ناصب عزية
يريد اليوم لطمة حيدرية

《》♤《》♤《》♤《》♤《》♤《》

يون اليوم محد بكة وياه
مايحمل بواجي فراك وال أه
وتصوب ياعلي وبلبت أحشاه
الزمان اليوم وين أردود رداه

ينعه فاطمة الزهرة الزجية

《》♤《》♤《》♤《》♤《》♤《》

يون بونين حاير جنه وشلون
يبجي ومنفجع ومورمة الجفون
حبيبتة الزجية أغمضت العيون
أداوي ياجرح يالي تجرحون

مولانا علي شيحمل رزية

《》♤《》♤《》♤《》♤《》♤《》

بحيرة شلون من يلزم جفنها
شيرد الضلع لو سئل عنها
وهيه بالكبر مسموع ونها
نسمعها تون لفراك أبنها

محسن ياخلك مو مال أذية

《》♤《》♤《》♤《》♤《》♤《》

أويلي من دفع هالظالم الباب
صاحت ياعلي جا وين الأطياب
حرموني البجي يابويه الأحزاب
يكتل ياالولي يفراك الأحباب

كسرها أضلوعي واتجرء علية

  《》♤《》♤《》♤《》♤《》♤《》

كعد يمها يصبرها بونينه
لمن عايناها ادمعت عينه
كتالج تره  أكدر اهينه
وصية والدج واجب علينه

وتالي الزهرة ماتت بين أدية

《》♤《》♤《》♤《》♤《》♤《》

تمت بعون الله
بقلم الشاعر/ ملة مرتضى سرمد العزاوي🎤📖
نسألكم الدعاء
لا يجوز حذف أسم الشاعر وينسب القصيدة لهُ

https://t.center/alzawymrtdy686

وفي اليوم الوطني العراقي 🇮🇶
اللهم أني أستودعتك وطني العراق من شماله الى جنوبه ومن شرقه الى غربه ، وأرضه وسماءه واستودعك كل ذرة تراب فيه
اللهم احفظ العراق وأهله

سَيَظل اسمُك يا عِراق مُمجداً
‏ما دامَ اسمُ اللهِ فيكَ يُمجّدُ .

كل عام والخير ينمو بداخلكم تجاه هالبلد ، كل عام ومهد الاديان والحضارات بعز وبخير🇮🇶.

شعندة المرتضى ناصب عزية
يريد اليوم لطمة حيدرية

《》♤《》♤《》♤《》♤《》♤《》

يون اليوم محد بكة وياه
مايحمل بواجي فراك وال أه
وتصوب ياعلي وبلبت أحشاه
الزمان اليوم وين أردود رداه

ينعه فاطمة الزهرة الزجية

《》♤《》♤《》♤《》♤《》♤《》

يون بونين حاير جنه وشلون
يبجي ومنفجع ومورمة الجفون
حبيبتة الزجية أغمضت العيون
أداوي ياجرح يالي تجرحون

مولانا علي شيحمل رزية

《》♤《》♤《》♤《》♤《》♤《》

بحيرة شلون من يلزم جفنها
شيرد الضلع لو سئل عنها
وهيه بالكبر مسموع ونها
نسمعها تون لفراك أبنها

محسن ياخلك مو مال أذية

《》♤《》♤《》♤《》♤《》♤《》

أويلي من دفع هالظالم الباب
صاحت ياعلي جا وين الأطياب
حرموني البجي يابويه الأحزاب
يكتل ياالولي يفراك الأحباب

كسرها أضلوعي واتجرء علية

  《》♤《》♤《》♤《》♤《》♤《》

كعد يمها يصبرها بونينه
لمن عايناها ادمعت عينه
كتالج تره  أكدر اهينه
وصية والدج واجب علينه

وتالي الزهرة ماتت بين أدية

《》♤《》♤《》♤《》♤《》♤《》

تمت بعون الله
بقلم الشاعر/ ملة مرتضى سرمد العزاوي🎤📖
نسألكم الدعاء
لا يجوز حذف أسم الشاعر وينسب القصيدة لهُ

https://t.center/alzawymrtdy686

الزهرة انه ألطمو وياية
للمصطفى خلي نسوي قراية

آه يابوية يابوية آه يابوية يابوية



خلو عزاية ينتشر وخل تعرف املاك السمة
وجبريل صوته يرتعد والحزن غيم عالمة
تبجي يتامك وتون يالمصطفى ومألمة
لتنام فدوه نروح الك بالفلة اظلن هايمة

عكبك ترا نيران تاكل داري
آه يا محمد تدري شنهو اخباري

وعكبك تراها صرختي علاية


دارك يون آه يالنبي كلهم اجوي اصحابك
بيهم اليبجي شكد صدك وبيهم اليكسر بابك
ماميزت بيهم ابد وما اكدر اعله اعتابك
فجعوني حتى بوالدي شكد سهراني مصابك

غصبولي حقي وارضك أحتلوها
وضلوعي عكبك كلهن يكسروها

وي محسن ابني نون حزن بهداية


يابوية وصيت بتعب ماصدكو حتى بعلي
نيران بديارك تشب لا حسبو بنت النبي
الحسن وحسين انسبوا جلبو بطراف العبي
وزينب دمعها مابطل متكوم آه يالهادي الي

آه يارسول الله آه ياوالي
ولية ولوني وبهذلوا احوالي

ولكبرك انه اعتني شكاية


اليوم دمعي دم يهل لأجل النبي الهادي
الزهرة ماسكتت ابد وزينب حزينة تنادي
يا جدي بعدك انسبي ومحد الي يبرالي
وامي الزجية تنعصر ظل ينعه ليك الحادي

ياجدي نفس النار تحرك بيتك
شكد صرخت ياجدي حركو خيمتك

عكبك تره اني مصيبتي هم جاية



الزهرة انه الطمو وياية
للمصطفى خلي نسوي قراية

آه يابوية يابوية آه يابوية يابوية

●●●●●●●●●●●●●●●●●●●●●

تمت بعون الله
بقلم الشاعر/ ملة مرتضى سرمد العزاوي🎤📖
نسألكم الدعاء
لا يجوز حذف أسم الشاعر وينسب القصيدة لهُ

https://t.center/alzawymrtdy686

فزاعية للأمام الرضا (عليه السلام)

ارد انخا الرضا هاليوم
وادري الحاجة يكضيها



همي يالرضا جايد
هظمي لاجرة وصامد
وحزني بلكلب حاقد

ويمك حاجتي اكضيها



الك كل عبرتي وني
نادبتك انه ولني
ودمعي ماخطة وجني

والك دمعاتي اجريها



المعصومة نواسيها
اليوم بفقد واليها
بالطمة دعينيها

احلفها بأخوها الشدة فرجيها



اتمنى زيارتك مولاي
ياروحي وبعد عيناي
تقسمها/تسجلها اليه هاي

تسجل للمحب والطلبة تجليها



اريدن منك بشارة
بجاه حسين وانصاره
دموع عيوني تجاره

وللمرضه تشافيها



خادمتك انه وانخاك
وبالزهره انه اترجاك
تكضي حاجتي بيمناك

واطبن حضرتك ودموعي اجريها


بكلمات الوالدة
خادمة الحسين
أمي أم مرتضى
لايجوز حذف الأسم شرعآ

الوداع يارسول الله الوداع
........
موحشه الليله صفت كل المدينه
ظلمه دارك يارسول الله ونبينه
تلطم الزهره يبو القاسم حزينه
شالت الاملاك نعشك ياولينه
........
بالعرش يالهادي نصبولك عزيه
عجبه مثل الناس تلفيك المنيه
الليله بالمعراج ونجوم الثريه
تنحب الاملاك كل صبح ومسيه
........
الليله صوت الدنيا ناده بلهفته
وحته جبرائل تنزف دمعته
واكف اسرافيل تنحب عبرته
نزلت املاك السماء اتلكته
.......
صاحت الزهره يبويه اموجره
ترظه يالهادي اظل امكدره
ريت اموت ولاتنام ابمكبره
بعدك الزهره تظل امحيره
.......
الليله يالهادي شمسنه مظلمه
تنحب الاملاك تصرخ بالسمه
نصبت الليله العزيه فاطمه
يجرن اعليك المحاجرمن دمه
..........
لبست الزهره حزنهه ونادتك
شالو اعله الروس بويه جنازتك
الليله وحشه من تنام بحفرتك
رايح وبعيوني تبقه صورتك
........
ياحبيب الله وفرحتي وسلوتي
ياهو بغيابك ينشف دمعتي
تكسر الخاطر يطاهه حالتي
وحشه من بعدك عليه دنيتي
......
راح اودعك بالدموع مجتفه
وياهو بغيابك دمعنه اينشفه
جرحي يالهادي اكيدا تعرفه
ياخليل الله وحبيبه المصطفه
.......
ياكلب يكدريودعك لوغبت
وانه للجناز تانيني صحت
اركظت للباب ملهوفه وطحت
بويه ماكتلي اروحن من رحت
........
علي الحاج الصبيحاوي

استشهاد الرسول صلى الله عليه وآله وسلم
مرتضى العزاوي

ياهو اليوديني أنه لأرض المدينة
وأزور المصطفى وأنعى نبينه
ووديلة علم من عباس وياي
كمر زينب أهو حامي الضعينه
ليالي المصطفى كربت صاح جبريل
محمد راح والزهره بهضيمه
أكعد يامحمد شوف هالناس
موجنها أمتك هجمت علينه!!

ومضى شهر محرم الحرام
وقتل الحسين والعباس والأنصار
في عاشوراء
وسبيت عيال الحسين وفجعت زينب
وماتت خولة ورقية وشريفة
في درب السبي
وجفت عيون السجاد وزينب من البكاء
ورجعت السبايا إلى كربلاء لتجديد
الحزن على الحسين وأهل بيتة
ومضى الأربعين ولقد زحفت الزوار
مشيآ على الأقدام نحو حفيد رسول الله
صلى الله عليه وآله وسلم
ومضت الزيارة........
#ويبقى الحسين

✨️✨️وصية لنفسي وللزائرين الكرام ✨️✨️

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

بالأربعينيه ☆☆☆ بحاله حُسينيه

هذا الولاء إنترجمه بأيام قدسيه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

هاي البيوت إلّي إذن يرفعها رافع
بيها نسبح للذي للبلوه مانع
وإلما شبه صنعه أبد مصنوع صانع
توصلها كونك بالدمع وبقلب خاشع

بنفحه سماويه ☆☆☆ بحاله حُسينيه

هذا الولاء إنترجمه بأيام قدسيه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

أنته على أعتاب الذي ضحى أبنينه
وإنطى حياته ومهجته من أجل دينه
وانته الذي بمحضر گمر ثابت يقينه
ضحى بيساره ويمنته و نطاها عينه

صاح بولائيه ☆☆☆ بحاله حُسينيه

هذا الولاء إنترجمه بأيام قدسيه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

إعرف مقامك يالتجي و تتسمى زائر
وإعرف مقام التضحيه لأجل الشعائر
لمن تشاهد من بعد نور المنائر
كونك تخر بسجده للمنان شاكر

للباري يوميه ☆☆☆ بحاله حُسينيه

هذا الولاء إنترجمه بأيام قدسيه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

بالك تبيع إبن النبي و حبك تخربه
خلك ذكي زور بوعي وإمشي على دربه
إسال شنو إنطى وصبح قبلة محبه
الله يحب إحسين و يحب اليحبه

حِبه بحِسن نيه ☆☆☆ بحاله حُسينيه

هذا الولاء إنترجمه بأيام قدسيه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

لتحاول تقلل شأن أعظم مسيره
حتى اذا مو عن قصد كلش خطيره
حاول تركز بالهدف و إحيي الشعيره
إنشر مناقب مذهبك وإمشي إبصيره

حجات الك ميه ☆☆☆ بحاله حُسينيه

هذا الولاء إنترجمه بأيام قدسيه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

إلمعنى لو عنك بعد حاول تجيبه
إتصور گبالك مشت زينب غريبه
وحسينك بذاك الظهر جثه سليبه
آيا مصيبه الما مثلها أي مصيبه

وإبچیله حنيه ☆☆☆ بحاله حُسينيه

هذا الولاء إنترجمه بأيام قدسيه

☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆۰☆

✨️يهدى ثواب هذه القصيدة الى أرواح ✨️
✨️جميع من مضى لتبقى شعائر الحسين✨️
✨️ وألى روح من أحياها✨️
✨️ مع الفاتحه والصلوات✨️

خادم شعائر الحسين ع
[[جهاد ألبصيراوي]]

قلدناكم الدعاء والزيارة والخطوات يا زوار الأربعين😭

رُوحِي تِحِنِّ لْكَرْبَلَه مِشْتَاگَه لِلْحَضْرَه
هَجْرَكْ صَعُبْ مَا يِنْحِمِلْ يَا مُهْجَةِ الزَّهْرَه
مَالِي غِيرَكْ....مَالِي غِيرَكْ

يَالْعَايِشِ بْگَلْبِي جَرِحْ وَدِّينِي يَمْ بَابَكْ
مِشْتَاگَ ازُورَكْ وِالْگَلُبْ ذَايِبْ عَلَى غْيَابَكْ
مِثْلِ الْعَلِيلَه أَنْتِظِرْ وَاتْنَطَّرِ جْوَابَكْ
يَمْتَه أَصُبَّنْ دَمْعِتِي وَاشْوَاگِي بَاعْتَابَكْ
إِعْطِفْ تَصَدَّقْ سَيِّدِي عَالْعَاشِگِ بْنَظْرَه
هَجْرَكْ صَعُبْ مَا يِنْحِمِلْ يَا مُهْجَةِ الزَّهْرَه
مَالِي غِيرَكْ....مَالِي غِيرَكْ

هَاذَه ارْبَعِينَكْ يِقْتِرِبْ وِايْهَدِّمِ بْصَبْرِي
خَايِفْ يَبُو الْيِمَّه انْحُرُمْ مَا أَحْتِمِلْ تِدْرِي
لُو تِمْشِي جَدْمِي لْكَرْبَلَه لُو تِعْتِنِي لْگَبْرِي
دُونَكْ فَلَا رِيدِ الْعُمُرْ يَا أَغْلَى مِنْ عُمْرِي
حَلَّفْتَكِ بْرَاعِي الْعَلَمْ وِبْزِينَبِ الْكُبْرَى
هَجْرَكْ صَعُبْ مَا يِنْحِمِلْ يَا مُهْجَةِ الزَّهْرَه
مَالِي غِيرَكْ....مَالِي غِيرَكْ

مَعْقُولَه مَا أَمْشِي إِلَكْ وَاحْزَانِي تِحْدِينِي
وِمْنِ الطُّفُولَه لْخِدْمِتَكْ نَاذِرْهِنِ سْنِينِي
صُوتِ الْمَوَاكِبْ وِالْخَدَمْ أَسْمَعْ يِنَادِينِي
تِرْضَاهَه كَسْرَةْ خَاطِرِي يَا قِبْلِتِي وْدِينِي
مَا ظَنِّي تِتْرِكْنِي تَرَه لِلْوَنَّه وِالْحَسْرَه
هَجْرَكْ صَعُبْ مَا يِنْحِمِلْ يَا مُهْجَةِ الزَّهْرَه
مَالِي غِيرَكْ....مَالِي غِيرَكْ

يَبْنِ الزِچِيَّه فَاطِمَه يُومِيَّه أَتْحَسَّرْ
وِابَّالِي مَا لَحْظَه أَبَدْ فَارَگْنِي هَالْمَنْظَرْ
وَاگُفْ عَلَى بَابِ الصَّحَنْ يَمَّكْ يَبُو الْأَكْبَرْ
أَبْچِي وْدُمُوعِي هَامِلَه وَاسْتَقْبِلِ الْخِدَّرْ
مَحْلَه السُّجُودِ بْعَتْبِتَكْ مِنْ تِطْفَحِ الْعَبْرَه
هَجْرَكْ صَعُبْ مَا يِنْحِمِلْ يَا مُهْجَةِ الزَّهْرَه
مَالِي غِيرَكْ....مَالِي غِيرَكْ