لطميه لسان حال مولاتنا زينب عليها السلام تشكي لامها الزهراء سلام الله عليها عن ماحدث لها من دخول الاعداء الى ضريحها المقدس
الوزن / المجرشه
🖤🖤🖤🖤 يازهره اخبرج بالجرى نفس الظلم لاگيته
يمه الدخل دارج غصب هالجاي الي حسيته
🏴🏴🏴🏴🏴🏴🏴🏴الحرگ بابج فاطمه لافي يهــدّم بابي
وانه وحيده بغربتي محد الي من احبابي
گوم اللي كسرولچ ضلع جايين يم اعتابي
زواري ماكوا بحظرتي وحشه الصحن مليته
✍️الشاعره ام محمد الساري
🏴🏴🏴🏴🏴🏴🏴يايمــه زينب حضرتچ رب العرش حـــــاميها
زوّار مابيهه لچن امــلاك تحرس بيـــــــها
انصار وكت الموزمه من كــل كتر تلفيـــــها
لجلچ قريت الفاتحـــه والكافلج نخيته
✍️الشاعره شيماء ام نور
🏴🏴🏴🏴🏴🏴🏴🏴يايمه وحشه حضرتي مابيــــه ظلت زوار
لاشيعي يمي لا محب حايطه بيه الأشرار
بس ابگه احشم بالدمع وندب ابوي الكرار
عباس اتاني جيته يلفي الأخو تانيته
*
✍️الشاعر فالح العامري*
🏴🏴🏴🏴🏴🏴🏴🏴لجلچ قريت الفاتحه وهليت دمعات العين
محد يزينب يوصلچ يايمـــــه لا تهتميــن
تروح وترد زوار الچ وتجيب عطر من حسين
ياأخت عباس البطل يخاف العدو من صيته
✍️ الشاعره ام نور الباقر المالكي
🏴🏴🏴🏴🏴🏴🏴🏴ایام وحشه الي تمر ابكربله تذکرنی
هجمو عليّ اهل الرده وبت حيدره ماچني
ذاک الشمر چنه رجع يطرب النوحي ووني
ياهلي بحماكم انه كافي المرار الشفته
✍🏻الشاعره ام حسین عبدالعالی
🏴🏴🏴🏴🏴🏴🏴🏴مقسوم الج يم الخدر بالغرب تگضيها اهات
وعندي علم بلي جره والسبي وحرك الخيمات
ويعود الج ادري شمر مهجومه كون الشامات
طارش الج من كربلاء يحمج اجه وديته
✍️الشاعره ام روكان الشمري
🏴🏴🏴🏴🏴🏴🏴🏴https://t.center/alzahraa56852
