الرحمة تودَع الرحمة ويقره المحسن الختمة ثالث فرع للعصمة على الباب....على الباب ......................................................... من جرح الجرح واول جرح ابـــدي المحسن قبل عمره وينحسب جنــــدي ابتدى سوح الحرب وانه جنت وحدي ابابــــــــي النار وكفت وَكفت امجدي وحك السبعه والسبعه نهر واتصدق بنبعه لحد ما ينكسر ضلعه على الباب....على الباب ....................................................... جريمه يا علي والفاعل اتعرفــه نفسه الوالدي بوصيًته ايوصفــه عصرني وآنه حرمه ياعلي كلفه حرت الزم حجابي الخاطر العفه السقيفه واللي وقعها أمر عالباب يدفعها يحيدر تلكه مطلعها على الباب....على الباب ...................................................... سمع زينب تكلـــــــــــــي خايفه يمه رفسني وسطر خدي وكلشي ما همه ماهمني الذبحني مـــــــــن حجه كلمه المحسن وكــــــــــــع مني سابح بدمه عمره ما بده عمره واسمعه الفاتحه يقره أثر جويه بقت ذكره على الباب....على الباب ....................................................... صحت فضه تجي وتسندني مابيه جمر الباب ضـــــل طابع برجليه بعباتي النار وانه النار بيديــــــــه وينك يا علي والزهره موليــــــــه وصيتي لو وصل صوتي يحيدر واقترب موتي وحدك شيل تابوتي على الباب....على الباب ....................................................... يحيدر كبري من اتحفره الي وسعه اخاف يضيك صدري ويلجم ضلعـه وبعد وسط الكبر اشعل الي شمعـــه المحسن لو بجه يلكي اللذي يسمعه وضيع كبري باوصافه غيرك ما بشر شافه المحسن ثار الي عافه على الباب....على الباب ....................................................... خادم خدمة الحسين الشاعر محمد الموالي
آهاتــــي .... آهاتــــي آه يام حسين آهاتـــي حسراتي .... حسراتي فاركنه البين حسراتي يمفتاح الصبر ولا يسوه العمر حسراتي ................................. يا دمــــع العين من وين الوين جرح أفراك الزهرة أمتاني طيـــــــــر ومذبوح أمن العصره أينوح ومثل أهلال أمشي خلاني من باب الباب عرش ومحراب أرسم صورة باب أحزاني يا ريته....يا ريته يلفيني الموت يا ريته تانيتـــه....تانيتـــه دمعه وتابوت تانيته مثل شمعة أنتضر ولا يسوه العمر حسراتي ............................................... معقوله وجان نار ودخان الخانك ريتي أباب الزهرة واقع لو طيف محراب السيف كدامه أتطيح أسنين العشرة ما هزه الصوت من شاف الموت ياخذ روحه ويجري العبرة بحساسي...بحساسي كل جرحي انشاف بحساسي أنفاســـي...أنفاســـي ديرة وتنعاف أنفاسي جزع مني الصبر ولا يسوه العمر حسراتي ............................................. عشت بلا راي شاطي بلا ماي وشل دمعي وشيب راســـي من شفت النار واباب الدار الجانوا صحبة وجانوا ناسي أيحركون الدار جن عدهم ثار وباكوا حلمي وملح أحساسي بعيوني...بعيوني شفته يسب فاطم بعيوني يدروني...يدروني أموصيني ولازم يدروني بعد هذا الكسر ولا يسوه العمر حسراتي .............................................. ويلي بيا حال فاطم من كال شيخ الزمرة الوأن تسمعها من خلف الباب عفه واحجاب والداني بكل قوته يدفعها بيديها النار وجان البسمار يجويها وكسًر منها أضلعها من طاحت...من طاحت طاح المحسن من طاحت وشصاحت ... وشصاحت وي طبك الجفن وشصاحت والخد المنسطر ولا يسوه العمر حسراتي ............................................. صوت اليا ويل وي صوت الليل شيع نعشي وشيع حلمي أمشي خطوات واعثر مرات وينهد حيلي وينحل جسمي وأسمع لاوين ها يابو حسين بويه أعليك أمي رد أمي أطفالي .... أطفالي جوني يركضون أطفالي والحالي....والحالي كاموا يبجون والحالي وحفر دمعي الكبر ولا يسوه العمر حسراتي ................................................ خادم خدمة الحسين الشاعر محمد الموالي
نتفارك انه وياك بويه هضيمه من عكب ذاك رباك أصبح يتيمه وابقى متيها الرأي لا أم لا أبو وياي بويه هضيمه ................... يبويه العدها وإلي اتعيش مهيوبه وعلى جناح الأمل تتخايل ادروبه اليصلي اعليك بويه تنمحي ذنوبه يباء البسمله يا سورة التوبه صبح ومسه إنعاك واهمل دمتي ولا لحضة بويه انساك واعلك شمعتي جرحك جمره بحشاي لا أم لا أبو وياي بويه هضيمه ....................................... ما بيه وبعد ما أحمل الفركه يبويه وليش كلبي بفكدك اتحركه جنت اغفه واعيش بعالم الشبكه وجنت مثل الهوى ماتعشك الخنكه كل لحضه بويه اشتاك اشتم عبيرك مابيه حيل إفراك ما عندي غيرك انته الهوى والماي لا أم لا أبو وياي بويه هضيمه ......................... يبويه لورحت شينشف الدمعه يالماشي بدرب مابي بعد رجعه أخذ روحي ودليلي أمن الهرش كطعه شلي بدنياي بويه وشلي بالشمعه بعدك يماي العين شلي بحياتي ومثلك اجيب آمنين ساعة مماتي بيدك تمسح بجاي لا أم لا أبو وياي بويه هضيمه ................................
يبويه أكعد وعاين حالتي الليله عليك اعيوني دم المدمع اتسيله عاين حيدر الفكدك هدم حيله انه وياه يتجيلي واتجيله أكعد يبويه وشوف حال الصميده محني وعليك ايطوف جثة عضيده وأنه محيره بهاي لا أم لا أبو وياي بويه هضيمه .............................. يم نعشك يبويه اهنا تكابلنه ننعى وزينب ويه اخوتها تسمعنه مثل ماننعه تنعه ويجري مدمعنه ومثلها حسين شمك وانه اشمنه أذكر كلتلي بيوم بويه اعله حاله ايذبحونه هاي الكوم وتسبي عياله وتبقى بلايا حماي لا أم لا أبو وياي بويه هضيمه .................................... خادم خدمة الحسين الشاعر محمد الموالي
....................................... كلشي فاهي بدنيتي بعدك صفه وآنه بنت الجان أبوها المصطفى لحضة أفراكك ضوه أعيوني أنطفه وأبمصابك حمرة بويه أعيوني ............................... أول أجروحك شفتها صحبتك بعدك أبرزخ مماتك طعنتك أتأمروا نكروا علي واوصيتك وفدك من عدها غصب منعوني .............................. بويه لو تدري شجره بيه وسده بعده كبرك أخضر وجرحي ابتده هجمت أعليه العصابة الحاقده بحرك باب الدار أجوا جازوني ..................................
خلف باب الدار عصروني دفع لحد ما محسن سكط مثل الشمع طحت بويه وانكسر مني الضلع وصحت بويه ويا علي حضروني .............................. فزع حيدر والدمع منه يهل وجان بحروف الوصيه مبتهل جتفوه أصحابك بكيد الحبل وغصب عنه بكل حقد شتموني ............................ جيت شجايه يبويه بدمعتي ومنو غيرك بويه يسمع شكوتي من رحت حيرة يبويه حيرتي جيت محنيه وتغير لوني ............................ خادم خدمة الحسين الشاعر محمد الموالي
ياباالفضل..زينب زينب..درب اليسر ماذيها بسم الذي سبعـــه رفع ضعن السبي لمن طلع جان الشمر يحدينه بسوطه تولانه ضرب مشانــه ما بين الغرب يشتمنه وايسب بينه ياباالفضل..صاحت صاحت..انته الجنت حاميها ..................................................... عكب المحامل والخــــدر مجتوفه امشي وي الشمر وبعينه يذبح طولي ياباالفضل الحـــك صحت من طاحن اجفوفك طحت رفعوهن ورجعولي ياباالفضل..روحي روحي..ياهو اللذي يواسيها ..................................................... عالرمح راسك والذبــح ينزف على طول الرمح من معصبي شديته صعدت الغيره ودخنـــت من سمع طفله أذنـــــــت وبلا وعي تعنيته ياباالفضل..طاحت طاحت..حار الرمل يجويها ............................................................ من مجلس المجلس مشي وبلا محامــــــــل لا عبي افترينه ديوان الفله بين التطيح وتنـــــــــولي وبين التنــــــــادي يا علي رد بينه عمه الكربله ياباالفضل..وينك وينك..كوم اكعد اتلكيها ............................................................. ضعن السبي لمن وصل كلمن على وليــــده سأل وانه اعثر ابممشايه حسين ادوره بيــــــا كتر وهاي الجثث كلهن سمر محتاره خويه بهايه ياباالفضل..وينه وينه..زينب منو يدليها ........................................................... لمن وصلنه المشرعــــــــه صحت انه الي اخوه اربعه بيهم جنت مهيوبه عاينت عالشاطي كمــــــــــر كاتب على اجروف النـــــهر الزينب فده مكتوبه ياباالفضل..زينب زينب..اجفوفك عذر تكفيها ............................................................. خادم خدمة الحسين الشاعر محمد الموالي
عزيزالزهرة قتيل العبرة شهيد العترة يا حسين يا حسين ....................................... أنحنه ضهري وخلص عمري وأنه بعازة حنانك أنذبح حلمي او ولا يمي أخو أيعوض مكانك على الرمله الدمع صلى ورسم لوحة جنانك يبو اليمه لون تدري شعمل بيــــــــه زمانك أجيت الكبرك وكعدت أنتضرك أقبل نحرك يا حسين يا حسين .......................................... مثل شمعه كعدت أنعه ألك يا بــــــــــو الحمية ونزل دمعي وطفه شمعي وبديت أحجي اللي بيه عفت كولشي وجبت كولشي وأجيت بـــــلا رقيه العتب يجرح الهجر يذبح ترى ويصعب عليــه الهجر ماذيني الدمع يجويني يسر تكويني يا حسين يا حسين ......................................................... تره زينب يخو زينب أسيـــــــره وثكلة شالت مشت كوه وأجت كوه وعليها الدنيـــــــا مالت بلا والي ولا كافل يويلـــــــــــي وبيها عالت على الهزله مشت قبله زجــــر والسفره طالت العده تولوها بحجر راموها وبعد شتموها يا حسين يا حسين ............................................... ولو نضره ألي وأقره ملامح سر سكوتـــــــي دمع شوكي ولا بطل مثل دوعة قنوتـــــــي رحت عنك أروح أمشي وأتاني يمته موتـــي يبو الملكه تره الفركه جرح وايلجمه صوتي قريت أحروفك ونسيم أطيوفك عجيبه انعوفك يا حسين يا حسين ................................................... صور راسم ألك دمعي وبقت بعيونــي ذكرة جسد دامي نحر ضامي يويلي وعاري صدره طفل بعده وصبح مهده نبــــــل وأيهزه نحره كمر ليلك هدم حيلك علــــى الشاطي تحضره سبي نسوانك حرك صيوانك وداع أخوانك يا حسين يا حسين ................................................. خادم خدمة الحسين الشاعر محمد الموالي
