لاستشهاد الامام الهادي ع
☘«»«»«♕»«»«»
للهادي خل انروح نبچي بحضرته
بسم الچبد ممرود معروفه علته
--------------------------
نعازي حكيمه اليوم مييت وليهه
حتى الوحوش اتنوح بالبر عليهه
ظلت تون عل راح تصفگ بديهه
زرگه وتذوب الروح متفطره شفته...
✍☘ام فراس الساعدي
☘✦════◐•⊰•❉•⊱•◑════✦
تصفگ الراح ابراح اختك يغالي
تنوج بگلب مقهور مدمعها هالي
امعزب الضيف الشال ديوانه خالي
مصابه يهد الحيل تبجي اعله قصته
✍🏻#ام_مرتضى_الخزرجي✦════◐•⊰•❉•⊱•◑════✦
خلينه نمشي هناك ننصب عزيه
ونون عالمسموم ويه الزچيه
والعسكري نعازيه بهاي الرزيه
نلطم لطم ثكلات نبجي الغربته
ام مهدي الفرطوسي
✦════◐•⊰•❉•⊱•◑════✦
ويه الزچية نروح ونون لَوَّنها
محنية جت هاليوم تبچي اعله ابنها
يمصايب الأولاد ذبلن جفنها
تتنطر الموعود وشوكت طَلته
✍🏻#ولائـية_وافتـخر (دعاء العامري)
✦════◐•⊰•❉•⊱•◑════✦
ملايه زهـرة تصير تــقره المصابه
ويه ام ضلع مكسور نصرخ يايابه
مواجه الـحرة تريد وون ونحابه
وصرخه على المسموم آه ياجمرته
✍️ وعد الڪفيل
❀●❀━━━━•❀•━━━━❀●❀
بالعاشر المعصوم غدرو نواصب
لمن يجي الموعود بدمه يطالب
و نبجي على لمظلوم بدمع ساجب
اتگطعت بالسم ويلي جبدته
ام مصطفى الاسدي
❀●❀━━━━•❀•━━━━❀●❀
تمت باقلام شاعرات رابطة كفيل زينب ع
https://t.center/alkfoofalskea
