قناة قُربان الله

لون المغرب

ثقيله للزهراء عليها السلام


فاطم  ٠٠ من الالطاف
فاطم....من الالطاف

يلون المغرب ايبجــــي يشبه صطره اعيونج
يبت اشرف بشر بالكون وسفه اعداج يولونج

فاطم..من الالطاف

◆━━━━◆━━━━◆

يفاطم حسره الشيعه  يمن گبرج يريدونـــه
مو قصد الاجر لو جوج امان وحب يزورونه
يمن حبج زرع بالروح  جــــايمته يحصدونه
ذكــرج بالسم الاوجــــاع حكهم لو يحـبونــه

يتعنون من كل صوب كل موسم يشيعونج
لون المغرب يبجي يشبه صطره اعيونج

نسلا من الاشراف
فاطم...من الالطاف

✍طالبةالزهراء

◆━━━━◆━━━━◆

كل موسم تجي الشيعه لحضره حيدر محبين
يازهراء كلنه نصيح ننادي يم حسن وحسين
القلم يكتب الج مجروح مولاتي بمداد العين
نشيل الرايه اونهتف ودمعنه مجرح الخدين


الج هوسات بالتشييع بمدامع آه  يبجونج
لون المغرب ايبجي يشبه صطره اعيونج

نبض...من الاعراف
فاطم..من الالطاف

✍🏻 #_ بنت العباس ع ام منتظر الجابري

◆━━━━◆━━━━◆

يا لون الغروب احزان يشبه عينج الحــــمره
الج وسط الضلع جانون يسعر يوجر  بجمره
كل ما نوصل الكرار يــــم راسه نجـــر حسره
ننشده بيا كتر مولاي يحيدر دافـــــن الزهره

يهضمتنه الگبر  مخفي والشيعه ينادونج
يلون المغرب يبجي يشبه صطرة عيونج

فاطم..من الالطاف

✍️العلويه الاء.                                                                         
◆━━━━◆━━━━◆  
         
يذكرنه بدماج السال وچم لوعه حملتيها
چـــــم ونت ألــــم بالليل بالخـفـيــه تونيها
واكثر ونـــــچ لزينب لانــــــه زغيره عفتيها
يأمنه وحگه لمنه الروح تنوح وتنحب عليها

والازيد ما الج گبه ولا حضــــره يتعنولج
يلون المغرب يبچي يشبه صطرة عيونچ
كنف ..من الاكناف
فاطم ..من الالطاف

✍️العلويه الاء                                                                        ◆━━━━◆━━━━◆
      
  البينه مرار وضيم وضلعج حيــــــــل  بجانه
ذخرنه بمجلسج الدموع جفج صايــــر افيانه
لحد مرقد ابو الحسنين  نشيعج يشهد احمانه

لحيدر تعتني الارواح احبابج يگصدونج
يلون المعرب يبجي يشبه صطرة عيونچ
نجم...من الآلآف
فاطم..من الالطاف

✍️العلويه الاء 

◆━━━━◆━━━━◆

تمت القصيده باقلام شاعرات رابطه قرابين الطف
لا نجيز حذف الاسماء
اللهم عجل لوليك الفرج

ونين الفاكد اهله
رحنا ووردينه بتعبنه
وغير البواجي ما حصدنه
ومجروح كلمن سمع ونه
على ضيم يابويه يايابه
✍طالبةالزهراء

ياخو العافيه
كاني بزينب عليها السلام تتحدث مع روح اخيها الحسين عليه السلام
يوم *العاشر** من محرم
تقراء ثقيله ومربعه

ليش نايم كوم ياخو العافية
حسين من يوم الرحت ماغافية
_&_&__
نايم انت واني بأيتامك حرت
لا أكل لانوم من يوم الرحت
باقية المن كون وياكم متت

بعازتك يابو السوالف دافية
_&_&__
صاحلي بصوت الشماتة حرملة
طلعي للحومة بعجل يمدللة
شوفي اخيج ضل صريع بكربله

واركضت بالهيمة ادورك حافية
✍ضحى البلوشي
&_&___
اركضت بس الخوف مااشوفك بعد
وانه كل خطوه سنه لو ردت اعد
خويه منظر شفت لكليبي مرد

شفت تحت الخيل عينك طافيه
✍طالبةالزهراء
&_&___
بركضت التل حيلي من عندي گضى
واخذ العمر الجاي وي الي مضى
اشلون گلبك خوي بفراكي رضى
والتموت اعزازه ونته الخافيه
✍️العلويه الاء
_&_&__
نوب اطيحن نوب اكوم من الوجل
جدمي باد وبلعجل لاماوصل
صدك ياشيخ العشيره تنجتل

چانه المن گلي خويه لافيه
✍ام عباس السكيني
&_&___
خويه من بعدك تره خنكه الهوه
ونته يابلسم لكل عله الدوه
انه اعيش اللوعه وكليبي انجوه

خويه ودعنه اليالي الصافيه
✍طالبةالزهراء
&_&____
تمت القصيده باقلام شاعرات رابطه
#الطفوف
#منتدى_القلم_ الفاطمي
اللهم عجل لوليك الفرج

..
.....

الصبر نتيجه الايمان
ان #الله_مع الصابرين
يالجمال الرفقه
#طالبة_الزهراء

ممكن دعم للقناه اشتركوا على حب صاحب الزمان

اختكم الشاعره
#طالبة_الزهراء

قصيده ثقيله في مظلومه فاطمه الزهراء عليها السلام

يا فاطمه يا فاطمه
ابكل وكت مظلومه

ابكسر الضلع/صار الوضع/ماينحجي

سوط بظهر/مر الدهر/كتم البجي

يا فاطمه يا فاطمه
*****
من حكها تبجي اعل الابو...بس السقيفه ما رضت
اتحزموا حزمة اخو..انفوسهم باطل مضت
اصدورهم غيض الحمو.احقادهم لا ما كضت
حكو الباطل بالطمع
الكرسي كل همهم طلع

يا فاطمه الملجومه
ابكل وكت مظلومه
يا فاطمه
يا فاطمه
**
طاح الغصن فوك الترب من عنده ممرود الثمر
المرده بجفوف الغرب اتحدو لهذا الامر
ناموسهم وشله شرب طاحت ولا طفت جمر

اهل الكفر زادو حطب
اليل ضل يعصف غضب

يا فاطمه المحرمومه
ابكل وكت مظلومه

يا فاطمه يا فاطمه
✍طالبةالزهراء
**
بصدورهم دفنوا حقد بغضنا لحماي الحمه
امكشره النياب وتهد وحوش عالبابج فاطمه
بالعار والذله ترد اهل الصحيفه المضلمه

تجدح اعيون اهل الكفر
ابثار صفين وبدر

يا فاطمة المهظومه
ابكل وكت مظلوم

يا فاطمه يا فاطمة
✍️العلويه الاء
**
بس ما طبگ جفن النبي اهل الضغينه تحاشدوا
هجموا على دار الوحي ويا مسعى باطل بي سعوا
تاريخهم ما ينمحي نار لجهنم هل صفوا

الي لرضاها الله رضا
اصوابهم بيها مضا

يا فاطمه المهمومه
ابكل وكت مظلومه

يا فاطمه يا فاطمه
✍️العلويه الاء
****
عصروها بالباب ام الحسن
وبالعصرة لن محسن وكع
وخلوها عالحايط تون
وبسمار نابت بالضلع
وصاحت بيوية بكل حزن
كونك تشاهد هالوضع

هاي الصحابة الظالمة
كسرو ظلع من فاطمة

يافاطمة المعصومة
بكل وكت مظلومة
يافاطمة يافاطمة

✍ضحى البلوشي
**
تمت القصيده باقلام شاعرات رابطه
#الطفوف #منتدى_القلم الفاطمي
اللهم عجل لوليك الفرج

https://t.center/maisyaltfoof

اريد ابجي وهل العين لجلاك
يمن وصلت حوافر خيل لجلاك
الشمر لو يدري شنهو انته لجلاك
ويقبل تراب جدمينك سويه

✍طالبةالزهراء
يا عامي عيوني يا أبا عبد الله

ماگلك تعال انخاك نخوت زلمه لوليده....
ولا گلك علي اشتاگیت ابوك اينوح كض ايده...
علي يابويه لو تدري شنو معني ابنك اتريده...
وحگك ضيعت دربي صرت سعفه ابهوا البيده...


ايهزني ريح.... گوم تچیلي علي مو راح اطیح
اصرخ واصیح.... یمته اوصل یمك ابرد وستريح

التعباني افراگ وجهك وانته تدري....
آنه ابنك مدري ابني والله مدري....
آخ بويه اوياك خلص توا صبري....


(علي بويه...علي بويه)

____
ادور بل تراب الحار اشم بل گاع و تلفت....
صحت بویه و طلع دخان روحي ابیاعلي احترگت...
ادور وین ترس الگاع البابا ابکل جدم عثرت...
اشعجب ماعاتبت نفسك هيبت والدي انكسرت...



گلبي انکسر.... ماتگوم احسین گدامک عثر...
راح البصر.... راد یوصلك ابوك اوماگدر....


هسه شیوصلني یمك يا هواي...
راح اغمض عيني وسكت گلي جاي...
راح ادیر اعیوني وامشی ارکض وراي....


علي بویه.... علي بویه

___
لگیتك بس درت وجهي و گلت مو هوا لا هوا....
گبل لاتوصله یحسین موت الدنیا ما تسوا....
علي ابکل یا علي اتمناك گوم اندارلك فدوا...
افراگ وجهك وحده بلوا  وكلشي بعدك صار بلوا....


بلوا ابتليت... آخ لو ادريك ميت ما اجيت....
المن لفيت.... وانه فاگدلي ولد یسواله بیت....


وادعتك بل گوا واگف ونتهیت...
گوم امسح دمعي ترضاها بچیت...
علي بویه  اگبال عینك حدبيت....


علي بويه.... علي بويه

___
الموت الماخذك مني اخذ مني الهوا الينشم....
اخذ كلشي الالك بي لون گوم اویاي خل نلتم....
گلبي المدري عایش لیش ابکلمة یاعلي امثلم....
علیك البويه گوم اویاي  انسه الموت وانسه الدم....



انسه الرماح.... گوم شوف احسین ابوك اشلون طاح..
اوليدي راح.... يافراگک سهم نابت بل صفاح...


آخ ياشيبت لحيتي الفرهدوك....
اشلون اشيلك وانته كلش گطعوك...
وداعتك بس الله يدري اشلونه ابوك...


علي بويه... علي بويه

_

خالد السویطي

نتمنى الانظمام لقناه شاعرات مدرسه الحسنه الجاريه لرابطه قرابين الطف مع اروع الاقلام الحسينيه
القصيده كدامكم
وانتم احكموا

يمه يازهره
يمه يا زهره
كلبي يون ومنفطر يمه يازهره
كلبي شيصبره
كلبي شيصبره
****
شلتي يايمه من وكت يمي الحنينه
اصغار عفتينه نون شنهو البدينه
بسمار نابت بالضلع مخفي علينه
من غسلاج المرتضى حن وبجينه

وبليله ظلمه
حيدر يحطها اعلى الجتف..وبليله ظلمه
وبالكلب ثلمه
يمشي ومحني من الظهر... وبالكلب ثلمه

يمه يا زهره
يمه يا زهره
✍طالبةالزهراء
~~~~
شلتي وخليتي النزل موحش عليه
ازغيره آنه أعله الهظم يمي الزچيه
چاليش رحتي للگبر عفتي البنيه
يايمه من غيرچ ضعت رحتي منديه

يالرحتي لبعيد
چانون بگليبي دوه...يالرحتي لبعيد
وبوني ماهيد
يالسافرت عن النزل... وبوني ماهيد
يمه يا زهره
يمه يا زهره
✍ام علي المالكي
~~~~
الشوك سابيني وصحت يايمة ردي
يتراوه شخصج ناظري ابليلي وحدي
عكبج صفة الهم والحزن بيامي يحدي
وياج اشيلن للگبر يحبيبة ودي

ماتطفى ناري
ليلة اون وانتحب ماتطفة ناري

ضيمي ومراري
عكبج بعد وين اشتكي ضيمي ومراري
يمة يازهرة
يمة يازهرة
✍ضحى البلوشي
~~~~
رحتي وعفتينه بحزن والهم تعبنه

نعتب عليمن يم حسن من بعد امنه

جار ازمان بغيبتج حيل وهضمنه

من بعد عينج يم حسن محد يمرنه

والكلب ذايب نحاجيج يازهره بحزن
والكلب ذايب
شفنه العجايب. لوعات من هذا الزمن شفنه العجايب
يمه يا زهره
يمه يا زهره
✍ام خضير المهدويه
~~~

من زغر سني والدهر منچ حرمني
وصواب ضلعج بالگلب لاح وجرحن
من رحتي بس حضن الابو عگبج يضمني
يحبيبه اخاف بغيبتج وكتي يهضمني

ذكره المصيبه
للباب عيني من تصد،،ذكره المصيبه
ليله رهيبه
احاه اصيحن يم حسن ،،ليله رهيبه
يمه يازهره
يمه يازهره
✍علويه آلاء
~~~
تمت القصيده باقلام ربطت قرابين الطف لا نجيز حب الاسماء
https://t.center/oo775

عن یاماي تحچولي... نشفت ابطیحت العباس/
تخوفوني ابگطع راسي... اصلا ما اشیل الراس/
شتریدون یله اخذو... ضلت عندي بس انفاس/
وگع عباس لو گلبي.... لو ماتو جمیع الناس/


هاذ آنه  اوذاك اهوا  ولفرگه  جرح....
من شفته اي والله حسیت ابرمح...
معقوله یل وادم فارگت الصبح...
مایبرد دلالي  بس من انذبح...

طاح هیبت بیتي.... اوحید اضل تالیتي

___
توني امودع اعیوني... جفیت الدنیا والبیها/
فارگت الهوا والماي... والعشره اولیالیها/
یل عباس اخوك انخاك.... ماتسمعني تاليها/
عزيزت گلبك ابنيتى... گوم الحگ تراچیها/


گوم اگعد شوف اختك تابعها الشمر....
اخ زينب يا زينب واليها الزجر....
لوميت چا خویه لیش آنه انتظر؟....
گوم اگعد یاحیلي  یا لذت العمر....

طاح هیبت بیتي...  اوحید اضل تالیتي

__
سمعت الصیحو یحسین... وحدك المن اتكابر/
هسه الوحدك محتار.... بعد عباس شتناطر؟ /
ابشرك من طحت عباس... صاحو جاهز الحافر /
نسحگ صدرك المخنوگ.... ونشیل الرمح باچر/



بفراگك شافوني اوحيد او حدبت...
ياخويه لو تدري بل خوا متت....
ياحيلي يحزامي  خويه اتحيرت...
ايي والله بفراگك حيل اتعذبت...


طاح هيبت بيتي... اوحید اضل تالیتي

__
هسه آنه ابطرگ روحي.... يمن خليتني اتمناك/
عليك الخويه ياخويه.... علیك احسين شيل الواك/
عفتني الناس ماهم ناس... صاحو ها مشه اوعافاك/
بقيت الوحدك يحسين... راح الچان جیش اویاك/



ماضلي حيل اوگف وفراگك سهم....
يا گلبي  وج خويه من نار الخيم...
كل حيلي ودعته  من طاح العلم...
تقبلها يل كافل بحسين انهضم....

طاح هيبت بيتي... اوحيد اضل تاليتي

___
خالد السويطي

لسان حال جبل الصبر عل امها الزهراء


اميره على الحزن دهري ولاني
الوجع ناهب ضوه عيني ولاني
لاني اكدر على الفركه ولاني
ميته ولا تضل الروح بيه

الظلم من السقيفه بدر لمنه
طشرنا وبعد هيهات لمنه
تره النكرو ضلعها حيل لمنه
وفضيحه وعار تلحكهم سويه

✍طالبة الزهراء

https://t.center/sakiAtashi

ظل الحسين وحيد ابلا زلم
يدري عباس بعد يرجع حلم
وكض الصفاح  مايرد صاح
*
خويه عباس ضحك شفته الشمر (1)
وحشم الجيش علي من كل كتر
وزينب تصيح بعد ماضل خدر
  بس نساوين يدورن عن ستر
كافلج راح     مايرد صاح
*
ظلوعي الگصار فرد حنيه نحنن( 2)
شفت الخيول على صدره اصعدن
حيلي احس باد والجدام اثكلن
لا علي وياي ولا خوي الحسن
والعدو ارتاح       مايرد صاح
*
الماله خوان يظل بس يلتفت (3)
ادري بي طاح لچن مجبر صحت
بلكت يكوم يرد كبل الوكت
ميت وكون ولا يومك شفت
  من سمع طاح   مايرد صاح
*
فراك العزاز صدك يحني الضهر (4)
شلون لو چان اخو خيته الكمر
مكطع وصار حصص فوك النهر
شفت السهام علي مثل المطر
وصفك الراح     مايرد صاح
*
لحظه والكون تحول كله دم( 5)
بيه حسيت صدك كلبي لجم
يم الجفوف شفت طايح علم
المشكله بعيد علي درب الخيم
بديرة اشباح    مايرد صاح
*
(عاشق العباس حسين حميد )
نسألكم الدعاء…

....