#تلحين القصائدالحسينيه@

مولد لعيد الغدير الاغر


عيد الله هذا اليوم   فرحة فرحة
وتفرح المهموم    فرحة فرحة
يا رب علينا ادوم  فرحة فرحة
===================
الليلة عيد الله الچبير الليلة
بفرحة الامام المهدي انهنيلة
يا ربي عجل بالفرج ندعيلة
وعيد الغدير بكل سنة نحييلة

عيدك مامش مثلة
ياحيدر نهتفلة
والبيعة انجددلة
وفرحانة.. وفرحانة.. وفرحانة هاليوم الشيعة
==================
فرحانة بي جن وانس فرحانة
والي يحبنة خل يگول ويانة
انبايع علي ليوم الحشر مولانة
عيد الولاية ابخم ثبت عنوانة

نعمة من الله اطانة
والينة ومولانة
ابعيدة الكل فرحانة
والينة .. والينة.. والينة حيدر للمحشر
===================
فاز التمسك بيك الف هنيالة
والشيعي هاليوم الفرح يحلالة
شموع الفرح حيدر علي جبنالة
وخلها تموت من الحقد عذالة

فاز الحبك حيدر
والي يبغضك يخسر
يا سقاي الكوثر
تروينة .. تروينة .. تروينة من ماي الكوثر
====================
خلها النواصب خل تبغضك خلها
وتقذف سموم اعلينا وتأولها
هاي القضية والله يصعب حلها
غــــير الولاية الله المـــنزلها

الله اختارك والي
غالي وحبك غالي
ابحبك لا منبالي
خليها.. خليها.. خليها تبغض عدوانة
======================
اسالكم الدعاء رائد الاسدي




@HxzEU1

#قناه_نشر_القصائد_المنبريه

قصيده لتتويج الامام الحجه عج…


اليوم افراح وأماني …… للولي انقدم تهاني
ابيوم تتويجه فرحنه
ازهـر ونـور صبـــحنه
للولي انقدم تهاني
"""""""""""'

اليوم عيــد وفرحه مرت بيــنه
اليوم يوسف فاطمه امتوجينه
انبـارك الحــــيدر علي وهادينه
وكلنه نفرح وي فرح مهــــدينه

انشارك الفرحه سويه …… وي علي اوي الزچيه
نفرح وننسه جرحنه
ازهر ونـور صبــحنه
للولي انقدم تهاني
"""""""""""""

باقـت اورود وشـمع جبناله
ومحـفل ابتتويجه سويناله
غالــي وبيات الشعر تحلاله
ابكل مقام وكل وزن نقراله

اليوم نشفنه المدامع …… وزينه علگنه الجوامع
يحله للمهدي شعرنه
ازهـر ونــور صبحنه
للولي انقدم تهاني
""""""""''''''''"

المهدي محبوبي وصرت مجنونه
دايــخ ابحسنه وجمـــال اعيـونه
بأســـمه اذوبن لمن ايذكــــــرونه
الشيعه دكتــــــور الهوه ايسمونه

بالگلب ثابت مكانه …… هوه حبنه ومبتغانه
نفخر بهذا عشگنه
ازهر ونور صبحنه
للولي انقدم تهاني
""""""""""""""

بينه عايش ما نحس بغيابه
وبوجه خطـاره ما سـد بابه
المهدي مايتخله عن احبابه
اسمه بلسم للشديد اصوابه

ابكل وكت مهدينه حاظر …… لچن متشوقه النواظر
بالگلب شفناه احنه
ازهر ونور صبـحنه
للولي انقدم تهاني
"""""""""""""""

نضحــــك انريد ونعلگ زيــنه
انريد ننسه اجروحنه التاذينه
كافي مـــن ثوب الحزن ملينه
هل فرح صــار اشكثر ناسينه

اليوم حاطتنه السعاده …… وكل محب بدل سواده
حب ابوصالح جمعنه
ازهر ونور صبــــحنه
للولي انقدم تهاني
""""""'''''''"''

        الخادم
    كامل السعيدي





@HxzEU1

#قناه_نشر_القصائد_المنبريه

ثارات هواي    تنطرك مولاي
بين السم والذبح 
بيك يلجم ياجرح
يبن العسكري   يبن العسكري
٠٠٠٠ ٠٠ ٠٠٠٠
يالمعاشر دموع العين
يالماينتهي حزنك
عمرك بالحزن متعوب
الليالي هموم راونك
جمرات الخيم والنوك
بكل غروب يجونك
وغريبات المشن للشام
الثار الثار نادنك

يل كاضي العمر متعوب يامولاي
شماتعطش تطيح ادموعك عله الماي
غريب وعايش بهاي الجروح شلون
شتنسه من المصايب ذيج تطلع هاي

كل يوم الروح  للطف تروح
تبجي الك عين الصبح
بيك يلجم ياجرح
يبن العسكري
٠٠٠٠ ٠٠ ٠٠٠٠
اعذرنه عله التقصير
اخافن يوم ناسينك
عشت متعوب كل عمرك
وأحنه أكثر متعبينك
مانسال عليك شلون
بغربه مخلص اسنينك
هنياله الكعد وياك
وبردانه مسح عينك

وين انته ذبحنه الشوك يالموعود
يل حزنك ولامثله حزن موجود
يل وحدك غريب بيامجان تعيش
يفاتحتك جبيره وماتكضها حدود

كل هذا الكون  بعشكك مجنون
بنور وجهك لا تشح
بيك يلجم ياجرح
يبن العسكري
٠٠٠٠ ٠٠ ٠٠٠٠
بيمن سيدي انواسيك
محتار الفكر محتار
مصايبكم تطلع الروح
الله يعينك عله الصار
ابوك بعز شبابه يروح
تسمه زمرت الكفار
رادو مايظل منكم
نسل يابزرت الكرار

لاجن خضرت هالدار بوجودك
يزودك من علي الماينگطع زودك
هذا اكبر شرف لوصرنه الك خدام
شكبر حضنه اذا تحسبنه بجنودك

ونعيش وياك   ونشيل الواك
شوفت عيونك ربح
بيك يلجم ياجرح
يبن العسكري
٠٠٠٠ ٠٠ ٠٠٠٠
عمرك عالمصاب ازغير
وبوك السم اكل جبده
يلوج من الالم ويصيح
يمهدي شدتك شده
يتيم اتصير والعدوان
عليك سيوف متحشده
اليفگدله شخص غالي
الناس بشدته تسنده

وأنته البيك كل الناس شمتانه
الدهر كل يوم بيك يجدد أحزانه
عزيز عله الكلب و يمنه دوم تعيش
يل بهاي المجالس حاضر ويانه

شماصحنه حسين   تذكر جفين
بالوفه صارن ملح
بيك يلجم ياجرح
يبن العسكري
٠٠٠٠ ٠٠ ٠٠٠٠
نكول مصاب ابوك يهون
تغسل جسمه وتشيع
وجبده السم يگطع بيه
مو بالخيل يتگطع
وماعنده بنات بليل
بصهيل الخيل تتروع
الهضيمه عمتك مولاي
مابين الغرب تطلع

طلعت عمتك وشلون طلعتها
يتامه حسين المجلبه بعبايتها
نتصورهه أحنه والگلوب اتذوب
الله يعينك بكليوم شايفها

شايفه شلون  متغيره ام عون
خوهه راسه  عالرمح
بيك يلجم ياجرح
يبن العسكري
يبن العسكري
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي





@HxzEU1

#قناه_نشر_القصائد_المنبريه

الإمام العسكري مخاطباً
الحجة القائم عليهما السلام




يبني اوصيِّـتِي /  ساعة دفنـِـتِي
تذكر عمِّــــتِي ...  زينب
ماتت آلام  /  من ضيم الشام ...  زينب

ــــــــــــــــــــــــــــــــــــــــــــــــــــــــ

ساعة تلقيني / وغسلي وتكفيني
أنعه وبچيني / لعمتي العلويه

بعد الكفلوها / طلعت شافوها
بالصوط آذوها / حرمه وموليه

مچتوفه ايديها / وهزله امرچبيها
شمر اليحديها / وراحت مسبيه

بت اشرف نبي /  تمشي اويه اجنبي
محروگة عبي ...   زينب
مصيوبه اسهام  /   من ضيم الشام ... زينب

ــــــــــــــــــــــــــــــــــــــــــــــــــــــــ

المحد شافاها / ولحد سمعاها
فگدت ولياها / وظلت محتاره

حامي اصواوينه / لوتسئل وينه
مگطوعه ايمينه / ومگطوعه ايساره

وي طيحت جوده /  وسهمه وعاموده
وصلوها احدوده /  وسحگوها ازغاره

من طاح العلم /  ماظلت خيم
واتچوت جدم ...  زينب
مچويه اجدام   /   من ضيم الشام  ... زينب

ــــــــــــــــــــــــــــــــــــــــــــــــــــــــ

صورتها ابـالي / ابتوديع الغالي
دمعتها اتلالي / وتشم بالمنحر

ساعه وميمونه /  رد خالي ابدونه
گالتله شلونه /  گاللها اموذر

والعشر اخيوله /   لعبت بي جوله
باگن من طوله / وعافنه امطشر

حزو منحره / گطعو خنصره
واتسلب تره ...  زينب
گربت لـ ايام   /  من ضيم الشام  ... زينب

ــــــــــــــــــــــــــــــــــــــــــــــــــــــــ

يلـغايب هيه /  اول علويه
تطلع مسبيه   من ديره لديره

للشام وكوفه / راحت مچتوفه
والكل ملهوفه /  تنظرها  ايسيره

راس الكفلاها / يبره لـممشاها
تعثر و وياها / يتحرك غيره

سهمه امن الدمع /  خضر چن زرع
وسفه ابهلـ وضع  ...  زينب
بي نار اخيام /  من ضيم الشام ... زينب

ــــــــــــــــــــــــــــــــــــــــــــــــــــــــ

يلمهدي اونيني / لا ما يكفيني
لو كل اسنيني /  زينب ابچيها

ابذكره استشهادي /  يا زينب نادي
خل حزنك بادي /   بالسادي اعليها

جرد بتارك / جهز انصارك
الها اطلب ثارك / طلعه انتانيها

اطلب يا ذخر  / ثارات الخدر
يلجيتك تسر ... زينب
ثار الايتام / من ضيم الشام ... زينب

ــــــــــــــــــــــــــــــــــــــــــــــــــــــــ
سيد علي عبدالزهره الناجي





@HxzEU1

#قناه_نشر_القصائد_المنبريه

قصيدة لاستشهاد الامام العسكري ع


بداية غيبتك بيهه ابتدت رحلة غيابي
بأمان الله رحت وانه اكتبت قصه عذابي

اعله دهري شكد اعاتب.
انه الفاكد كواكب

………

ماظال كلشي من الدمع. ياوالدي وروحيتي
بينك وبين الطف كضت. من ضيمي كل عافيتي
بسامره ذبحولي حلم. وبكربله امنيتي
اعله كبوركم صحت بهضم . يادنيتي شخليتي

طواريك تهد خيل واحس بيهه بضلوعي
وماي دموعي خلص وبدمه تنزل دموعي.

انه الشابع مصايب. انه الفاكد كواكب

……..

ياهو الغريب بدنيته. مثلي ومثل احزاني
لا والد ولاعندي اخو. هيج الوكت خلاني
البكّاء من كثر البچي. والدنيا دار احزاني
من مثلي عماته انسبن. ومتغيرات الواني

انه العرفو اسم عمته وحبل خلو بديهه
انه ابن العايله الحركو خيم عزهن عليهه

صرت من ضيمي شايب. انه الفاكد كواكب

……..

يابيت اهلنه بلا ابو. ولاصوت للحنيه
هالليله ميتلي وطن. ودعت الانسانيه
خليتني بعمر الورد. بس الله يدري شبيه
نعشك احس هودج سبي. وروحي المشت مسبيه

كضو اهل الله والباقي انه وغربة زماني
مناره بديره مهجوره ومنو اليسمع اذاني

اعيش بلا حبايب. انه الفاكد كواكب
………

فوك الجتاف جنازتك. وكل خطوه عثره بدربي
مااحس حفرولك كبر. يحفرون احس بكلبي
جوه الترب صار الضوه. والهوه الچان بگربي
صحت ان وعد الله حق. يادمعه بالخد كتبي

انه وعمري ووجع روحي وعشرتي وذكرياتي
الثامن من ربيع اول. حضر موت امنياتي

شفت بيه العجايب. انه الفاكد كواكب

……..

الدنيا شكبرهه والبشر. يابويه ادري هوايه
هل من مناصر لو صحت. ياهو اليشيل الرايه
محد يجاوب صرختي. بس اسمع اني حچايه
لبيك يامهدي اعتله. صوت الخدم وفايه

صبراً ياخدم راجع واعيد الغاضريه
وعله الرايه اخط بدمعي. ياثار الزچيه

مع الوقت المناسب. انه الفاكد كواكب

………

نسألكم الدعاء
حسين صادق العقابي





@HxzEU1

#قناه_نشر_القصائد_المنبريه

كثرت بهاي المسيه جروحك
شيعيت العسكري لو روحك
:::::
شايل جنازة ومشه    والدمع عالخد نزل
الليله ابو صالح ينوح    مضيع وفاكد اهل
انقتل بسم امام        هذا ابن خير العمل
كاتب بفكدك حزين     وبرحيلك مستهل
ينسمع ظل يا ابو صالح نوحك
&&&&
الليله روحك جاي اشوف    حيل بالهم راحله
ساعه بسامره انته          وساعه تمشي لكربله
  هاي دمعاتك تسيل          واعله خدك  نازله
ياهو مثلك يا امام              بالمدن ضيع هله
انته سر وياهو كلي يبوحك
&&&&
شيعيت الوالد انته              ونزليته اعله الكبر
اهموم كاضيها الحياة      بس حزن كاضي العمر
تصبر اعله النايبات          تعبت حتى الصبر
شمر واحد بالطفوف        اليوم اكثر من شمر
ذنوب عدنه وما كدرنه نلوحك
&&&&
الليله بسامره تنزل            نازل ودمعك جره
بيك ثار وشيل سيفك    نار احس متوجره
كوم يا بن حيدر انهض      سوي يوم الاخره
شيل ذو الفقار بيدك         كلها يمك حايره
عاليه مولاي حيل سفوحك
&&&&
تعبينه سنين عمرك     فوك ما عندك تعب
واليجرحك بالذنوب   بعد ميفيد العتب
الذهب لمن تشوف    احجي اكباله بذهب
تنجرح مولاي اكيد     تذكر حسين نسلب
هذا دمعك نازل المذبوحك
&&&&
علي جبار الكعبي





@HxzEU1

#قناه_نشر_القصائد_المنبريه

استشهاد الرضا ع

هذا موتك يالرضا يمك حظر
بس اشوف الكربله درت النظر
من تذكرت الضلع انحصر بعيونك دمع
****
شنهو مر بخاطرك / ونته موت امجاورك
بينك وبين المنيه دمعه وحده
هذا چبدك بالطشت / ونته للطف تلتفت
انسيت جرحك والحزن فوگك تبده
تريد تنحب يالرضا / عله ضلوع مكسره
وعله الثلموها ابسهم مرتين چبده

بجرحك اوتقره الزياره امن البعد
ياسلام الله اعله نحره والچبد
تقره بس ما تنسمع انحصر بعيونك دمع
****
يا غريب بلا وطن / رموش عينك حدبن
دمعة الغربه ثجيله وبيها حرگه
شاغلك چنه الضعن / الزينبيات انسبن
هايه ينرادلها يالمسموم شهگه
حرمه ما بين الغرب / وسفه عمتك تنضرب
متون زينب من ضربهم لسه زرگه

بچبدتك ما فكرت لا غربتك
بس شغل بالك سبيها عمتك
امصابها ما ينجرع انحصر بعيونك دمع
****
هذا مو موتك اضِن / العرّگ اجبينك حزن
كل مصايب كربله بگلبك جرحهن
دمعك الينزل حمر / يرسم بعينك نحر
گطره گطره اتطيح عالخد وتلمهن
شما كثر بيك الالم / اگبالك اتصير الخيم
تشوف چم طفله وطفل يسحگ جمرهن

تبچي وگبالك شفت منهو العثر
تركض وتوگع رقيه اعله الحجر
ظل جدمها بي طبع انحصر بعيونك دمع
****
يالعميت امن البچي / إبلهاتك غص حچي
يبن موسى اتريد تذكر يافجيعه
صبت اجبينك نهر / چنك اذكرت الگمر
ويلي عالعباس وچفوفه گطيعه
عينه صكاها السهم / وطاح من عنده العلم
وتالي وي جوده تبده اعله الشريعه

سكنه يم خيمتها ضلت تنتضر
ما اجه العباس بس جاها الشمر
وسفه سكنه تندفع انحصر بعيونك دمع
****
بعد تنضر ياجرح / راس جدك عالرمح
وللرمل مكشوف ظل حسين نحره
رحمة الحافر شمر / والجرح ما يستقر
العشره فزعن ونمرد عالغبره صدره
كل مكان بكربله / بيها طاحت وصله اله
وبالعبايه اتعنت اتلمهن الزهره

يالرضا جدك تسلب ونسحگ
والترف صدره على ضهره انطبگ
ونگطع منه صبع انحصر بيعونك دمع
****

الشاعر اياد الديراوي





@HxzEU1

#قناه_نشر_القصائد_المنبريه

قصيدة تقراء ثكَيل ونزال للنبي


امودع الله وياك ياهاديــــــنة
خيم الهم من مشيت علينة
----------------------------------------
اظلم الكون وعلى مصابك حزن
ويندب القرآن يالهادي ويـون
مكَابل المحراب ودموعة جـرن
ايتام من بعد النبي ظليـــنة
--------------------------------------------
العدل والتوحيد بيك اتصـوبن
النبوة والامامة اشـــــــكَد بچن
وبسمك الميعاد صاح وكَلبة حن
تنوح اصول الدين وتواســينة
-------------------------------------------
ذن فروع الدين جنك لاطـمات
ينوح اجاك الصوم وتنوح الصــــلاة
الخمس يندب واجة الحج والزكاة
ياهو بعدك يالنــــــــــبي يحــيينة
-------------------------------------------
الامر بالمــــعروف وياه الـجهاد
ونهي المنكر رفعوا اعلام الحداد
والموالات بحزن لبست سواد
والتبري لجلك اتـــــهل عـينة
-------------------------------------------
بعدك الاسلام ظل ابلا مــــــــعين
يامحمد يندب الدين وحــــــزين
تلطم اعلى الراس كل المسلين
بعدك الاســلام ﷲ ايعـــينة
-------------------------------------------
نزلت الاملاك تذرفلك دمــــع
وبالسماوات السبع ون ينسمع
والارض صاحت دليلي منفجع
فراكَك بسهم الحزن راميــنة
-------------------------------------------
اظلم الكون وحزن حتى الهـوة
من الكَمر والشمس محجوب الظوة
والانس والجن عليه ناحوا سـوة
اعلى النبي ثوب الحزن غاطينة
----------------------------------------
انبياء الله حظـــــــــرت بالعـزاء
تواسي اهل الارض بالون والبكاء
وترفع اصوات العزة لهل السمــاء
اه من يومة شكــثر ياذينــــــــــة
-----------------------------------------
أسألكم الدعاء    رائــــــد الاسدي





@HxzEU1

#قناه_نشر_القصائد_المنبريه

بعد فراق الزهراء لابيها المصطفى.

القصيده على لحن. ردتك بدهري.
للمرحوم ياسين الرميثي.
............................................

عفت الحبيبه . بيد المصيبه..

وي روحك يريت الموت روحي خذاهه .
.........................................

انه العزيزه اشلون تتركني وحدي .
بعدك يبويه النوح مشواره يبدي.
ابنيلي بيت احزان هالدنيه ضدي
لجلك يظل للموت دمعي اعله خدي.

ما يهده نوحي . . بويه انت روحي

وزهرت عمرك الزهراء موتك لواهه
............................................

غير انه روحك ليش رحت وعفتني.
ودعته فرحي اوياك من ودعتني .
بس فرهداك الموت ناسك اجتني .
يصرخ (وآن)علباب .بويه وشتمني .

الجانوا صحابه .. صاروا عصابه.

عن مبدأ ضغينه وثار دارك اجاهه.
..............................................

بين الحطب والنار بين الشتيمه.
يم داري اجت انذال مابيهه شيمه.
يدفع بله أستئذان باب اليتيمه .
طلعي علي يصيحون .هاي الهظيمه.

وحامي الحميه ... تلزمه الوصيه

لو ما نص وصيتك جان سيفه ولاهه.
.............................................

ياوالدي من الخوف سديته بابي .
لجل الستر والدين لذت بحجابي .
لكن حقوده الناس رادت عذابي.
واشكيلك من فلان يجهل خطابي .

صحبة مصالح ... . مابيها صالح.

ما تنظف خبيثه ارواح تمطر كراهه
............................................

حركوا الدار بنار واسمك اللفضه.
ياوالدي المختار والكَلبي نبضه .
شيخ الصحابه يشوف وبضربي يرضه.
وانه العلي ماصيح اصرخ يفضه.

بنتك وضعها . كسروا ضلعها.

والظالم سطر هالعين بويه وعماهه.

......................................

✍ ابو منتظر الحجامي





@HxzEU1

#قناه_نشر_القصائد_المنبريه

وداع الزهراء لابيها رسول الله (ص)
................... . .....

ياضوه اعيوني.
ياضوه اعيوني.

ظلام الدنيه بعدك . ياضوه اعيوني .
...........................................

وصل يوم الافراك افراك روحين .
تريد اتروح عن الزهره لا وين .
احس عينك تسولف بويه امرين.
امر موتك وموتي وتبجي العين .

بعدي يالزهره .
بعدي يالزهره.

انتي اول شهيده. بعدي يالزهره
...........................................

حزينه وظلمه صارت بويه الايام .
وجبت جفك وامسح بي على الهام.
بجيت اكَبال عينك بجيّت ايتام.
يبو الزهره الزمن لبنيتك اشضام.

تكبر اجروحي .
تكبر اجروحي.

يتيمه ولوعفتني .تكبر أجروحي
..........................................

بدت غصة الموت اتزاحم الروح .
صدكَ عن العزيزه ناوي اتروح .
احس كَلبي تكَطع وانمله اجروح .
حضنتك والانفاس بشهكت النوح.

لاتخليني .
لا تخليني .

احلّفك بالزجيه . . لاتخليني.
.............................................

يبويه ارجوك جاوبني امنحاجيك.
صدك عايف الروح البين جنبيك.
لّون تسمع بعد صوتي اليناديك .
هذني اجفوف بويه انطيني جفيك.

انطيني جفينك.
انطيني جفينك.

وأتّجه اعله متني. .انطيني جفينك.

.............................................

اجاني الوصي محني بدمعه وآهات .
اخذني وصاح يالزهره الابو مات.
بعد راح النبي ومايرد هيهات.
وخل.. نتحزم احزام المعانات.

مايرد لينه .
مايرد لينه.

رسول الله يفاطم..مايرد لينه .
.............................................

✍ ابو منتظر الحجامي ..





@HxzEU1

#قناه_نشر_القصائد_المنبريه

وزن القصيده . الميمر.
استشهاد الرسول (ص)
......... .......................


حين الدنت ساعة وفاة المخــتـــار
وسدة ابحضنه وهمل دمعه الكرار
والحـــزن خيّم والفلك لجله انـــدار.

واعتلت صرخة واهـات صوت الوحي يتـــلاها
...........................................

صوت الوحي صاح انفكد طــه اليوم
والدنيه تجري الدمع لمصابه ادمـوم
والــزهرة يم الجسد بالونه اتحــــوم

دار الرسول بهل يوم روج الحزن حاطـــاها
........................................

ودع احبابه وانكطع منه الظــــن
وارتفع صوت النايحة وصوت الون
واتعنه حيدر بالنـعـــش للمـدفـــن.

هال اعله جسمه التربان ودمعت.وداع اجــراهـا

............................................

وي الوصي ناحت جميع الاكوان
والعرش ناح الفكد نور الايـــمان
وندفن وي جثة حبيب الرحــمـان

روح الوصي والزهراء .لمّن ( علي) واراهــــا

.............................................

غاب وصفت حدر الوطية انواره
والدمع من حيدر جمر يتجــــاره
راح اللي عالامة انخفت اسرارة

وانطوت صفحة امجــــاد جف الغدر اطــــواها

...........................................

ظلت الامة الفكَد هاديها اتـــنــــوح
لمصابه جبريل بحــزن ظـل ايلوح
فكد النبي جم كلب صاب وجم روح

فكد الرســول المختار جن وانس بًجــــــاهـا
***
✍ أبو منتظر الحجامي





@HxzEU1

#قناه_نشر_القصائد_المنبريه

ستشهاد النبي

يادفان جد حسين  ريض خل يودعونه

الله يعين حيدر منكسر ضهره
برمشت عين منه يروح ابوالزهره
النازل رحمه باجر ينزل ابكَبره

وتتعثر دمعته  ابطارف اعيونه
يادفان جد حسين  ريض خل يودعونه
،،،،،،،،،،،،،،،،،،،،،،،،
الزهره يهل دمعها وتمشي محنيه
صاحت بويه ترجع حيل مابيه
يادفان فدوه اتريض اشويه

زينب والحسن  وحسين يردونه
يادفان جد حسين  ريض خل يودعونه
،،،،،،،،،،،،،،،،،،،،،،،،
شلون حسين حاله ودمعته تجرحه
ليل الهجر ماطر عالكَلب صبحه
الغدرو جده وادم باجر اتذبحه

الغدرو جده  باجر مايرحمونه
يادفان جد حسين  ريض خل يودعونه
،،،،،،،،،،،،،،،،،،،،،،،،
ويلي الحسن يبجي وروحه تتوازه
جنازه ويهل دمعه  فوكَ الجنازه
ليش الكَلب غفله اتسافر اعزازه

كَوه يشيل روحه   ومنخطف لونه
يادفان جد حسين  ريض خل يودعونه
،،،،،،،،،،،،،،،،،،،،،،،،
مات النبي وزينب تلطم الهامه
راح الجان حلوه وياهم ايامه
تشوف حسين حزم للضمه حزامه

عطر الورد يبقه  اشما يدفنونه
يادفان جد حسين  ريض خل يودعونه

ابوفايز الرافضي





@HxzEU1

#قناه_نشر_القصائد_المنبريه

استشهاد الرسول (ص)


رايح.. يا فرحت روحي. وبلسم لجروحي.
وكل احلامي
رايح.. ياشمعة عيني.. بغربه تخليني.
هواي الامي
عني من تغيب
جرحك مايطيب
.....................

الزهره اني . والله بويه. موسهل هذا البُعد
بگلبي يجرح. واني ادري. بعد ليه ماترد

عفت بنتك فاطمه بدنية اذيه
بويه گلبي ينعصر كل مغربيه
منهو يستأذن يدك بابي عليه
الناس ماترحمني ياسيد البريه

بويه.. غمضت عيونك.. كبالي ايشيعونك
يابو الزهره
بويه.. حاجيني مروتك.. خل اسمع صوتك
گلبي تكسره
بنص روحي اللهيب
جرحك مايطيب
........................

نور وجهك.. غاب عني.. ونفتح باب الحزن
شلون اودعك.. بيمن ابدي.. وروحي لعيونك تحن

انته شاهد بويه لجروحي وعذابي
نار گلبي تصير باجر نار بابي
كلهه شمات ويفرحون بمصابي
مايراعون النبي وحرمة حجابي

داري.. منهه يحرموني.. ابجي يمنعوني
وذايب جبدي
داري..بنار ايحركونه.. وضلعي يكسرونه
وسطره بخدي
تعيشني بنحيب
جرحك مايطيب
...........................

شوف حيدر.. بويه حاله.. تغير وحيله انهدم
عله فراكك.. كوه يمشي.. وجدم يعثر بالجدم

الليله بفراكك علي الله اليعينه
قالع احصون الكفر ترجف يمينه
ماكطع نوحه ولا بطل ونينه
حزام ضهرك ضل غريب وتجري عينه

ذابل.. بغيابك ذابل.. يابويه وناحل
قالع خيبر
ذابل.. ومتغير لونه.. وكوه يكومونه
لامايكدر
ينده يالحبيب
جرحك مايطيب
.......................

حسين هذا.. ايسيل دمعه.. وشابج العشره بقهر
منهو غيرك.. بعد بويه.. ايشمه ويبوس النحر

يالحنين وبعد شيعوضه حنانك
بكل گلب يابويه ضل خالي مكانك
بكل مكان وكل وكت سيد زمانك
اذن اذان الحزن من راح امانك

روحي.. منك محرومه.. وضلت ملجومه..
غيابك حيره
روحي.. اذاهه مصابك.. ودعت احبابك
ضلمه الديره
يالنورك عجيب
جرحك مايطيب
..................

بكسر گلبه.. ينوح يمك.. والعيون شكد بجن
اينادي جدي.. رد عليه.. جبدي ذاب انه الحسن

اهل بيتك هاي حالتنه برحيلك
يامحمد هدلت امتون التشيلك
جنازتك مهيوبه يالماصح مثيلك
تلتقي هليله يالغالي بخليلك

ليلة.. موتك موسهله.. ياگلب يحمله.
اوداع الغالي
ليلة.. حزني ودمعاتي.. ووني وحسراتي
وهضمة حالي
بدلالي يصيب
جرحك مايطيب


محمد هادي العقابي





@HxzEU1

#قناه_نشر_القصائد_المنبريه

شميتني بنحري وعفتني... آيجدي
تدري اليصير وودعتني... آيجدي
بوساتك الفوك النحر
لامايضل منهن اثر
...................

نعشك من طلع ياجدي بالحسره
وصدري بالمغيسل خنكته العبره
شفت حيدر ابوي ومنحني ضهره
كلنه أيتام موبس فاطمه الزهره

من سولفت لمي عليه... آيجدي
وصبت مدامعها الزجيه... آيجدي
اول علامه امن الخطر
لا ما يضل منهن اثر
...................

ماترحمني هاي الدنيه من هسه
عله مصابك اضل بحزني ما انسه
جنت صدري تشمه وبيدك تلمسه
من بعدك تصير بكلبي جم رفسه

بعيني الدروب تصير عثره...آيجدي
الحافر يجي الضلعي ويكسره... آيجدي
ولخيامي مشبوح النضر
لا ما يضل منهن اثر
................

منك اني وانته المني كايلها
عله السانك وحي من ربنه نزلها
هل كلمه العظيمه الناس تجهلها
وباجر عالرمح ياجدي تحملها

راسي تشيله السمهريه... آيجدي
ويكطر دمه فوك الوطيه... آيجدي
انته الكلت هذا الخبر
لامايضل منهن اثر
...................

من نزفي وجراحي ينخطف لوني
وانه ابنك ولاجنهم يعرفوني
حيلي ايموت بسهام اليصيبوني
بعشر خياله ياجدي يسحكوني

وضلوعي من ثكل السحكهن...آيجدي
من بُعد تسمع صوت طكهن... آيجدي
وهذا الجسم يصبح وذر
لا ما يضل منهن اثر
..............

عطشان واشوف النهر كدامي
وجمره بنص دليلي والجبد ضامي
تتغير يجدي هناك ايامي
عيني ايصب دمعها الفركت اخيامي

زينب تضل وحدهه حيره....آيجدي
ماسامع بعلويه أسيره... آيجدي
الغربتها احس ضهري نكسر
لا ما يضل منهن خبر
................

ادي الجنت اشبكك بيهن امن اتمر
من جفهن يحز الضالم الخنصر
لجل دينك يجدي عالاذيه اصبر
سبي عيالي وغربتي بعينك وتنضر

بدموعي اودعك هل مسيه... آيجدي
مهضوم ياسيد البريه... آيجدي
كلبي مثل كلبك صبر
لا ما يضل منهن اثر


محمد هادي العقابي





@HxzEU1

#قناه_نشر_القصائد_المنبريه

( يامُحمد)
قائد الأُمـة    يانبي الرحمة
يامُحـمد  ...   يامُحـمد
      ***
يارسول الله محمد يانبينه
دوم ذكرك يبقه عايش والله بينه
جينه نذكرهه وفاتك مانسينه
للنجف زوار كل احنه اجينه
يامُحمد  ...   يامُحمد
      **
نعزي ابن عمك علي فحل الفحول
نذرف الدمعات ونواسي البتول
بعد مانِحمل غيابك يالرسول
أمّتك ورده وصفت حال الذبول
يامُحمد  ...   يامُحمد
          **
يامُحـمد صاحبَ الخُلقِ العظيم
ياحبيب الله وصراطه المُستقيم
انت والد كل فقير وكل يتيم
ياعطوف وياكريم ويارحيم
يامُحمد  ...   يامُحمد
         **
يامُحـمد من رحت ذيج المسيه
حلت اعلينه مصيبه وهم رِزيه
كون تاخذنه أبدّالك هالمنيـه
بعـدك اتيتمنه ياسيـد البريـه
يامُحمد  ...   يامُحمد
  
   **
كون نرويلك مصايب هالسنين
هم فقر  والنوب كيد الظالمين
صرنه من بعدك يتامه وضايعين
واحنه نتمنى الشفاعة وصابرين
يامُحمد  ...   يامُحمد
      **
كون نحضر يمك انقيم العزاء
تبجي ويانه ملائكة السماء
احنه خدامك يخاتم الانبياء
سيدي اليوم نجدد هالولاء
يامُحمد  ...   يامُحمد


خادم الرسول المصطفى(ص)
السيد حيدر الحيدري





@HxzEU1

#قناه_نشر_القصائد_المنبريه

عظَّمَ اللهُ لكَ الأجرَ علي
عظَّمَ اللهُ لكَ الأجرَ علي

.................................

عظم الله اجرك يحماي الحمه
ابــ سيد الكونين والد فاطمه
حگك اتنوح ويصب دمعك دمه
وانت بيدك غسّلت ثامن سمه

ثوبك اسود والحزن ما ينجلي
عظَّمَ اللهُ لكَ الأجرَ علي

.................................

ايعينك الله وموقفك كلش صعب
وانته فوگ المصطفى اتهيل الترب
ابدارك وتشعر على افراگه ابغرب
چان گلبك عگبه صرت ابلا گلب

دمعتك تجري ونحيبك يعتلي
عظَّمَ اللهُ لكَ الأجرَ علي

.................................

لــ ام حسن رديت من بعد الدفن
وبيك الف يعگوب متهدل يون
تبچي كلك ياعلي وصاير جفن
اثنينكم لبسيتو جلباب الحزن

وابغزاره ادموعكم حمره اتهلي
عظَّمَ اللهُ لكَ الأجرَ علي

.................................

ابـليلة الوحشه الحزينه المظلمه
چنك اتگلها المصايب قادمه
لعصرة الباب استعدي فاطمه
ودعي محسن گبل جيّت ظالمه

للمصايب چن تگلها اتحملي
عظَّمَ اللهُ لكَ الأجرَ علي

.................................

انتي اول آيه علـ خد تنسطُر
وانه اول أسد ينگاد ابـ أسُر
انتي بالبسمار يدمولچ صدُر
وانه گلبي لكسر ضلعچ ينكسُر

دمّي من عدوانچ ايظل يغتلي
عظَّمَ اللهُ لكَ الأجرَ علي

.................................

بعد ابوچ ، الـچنتي بيه امدللـه
انتي اول عترته اتهاجر أله
بس تروحيله ودمعتچ سايله
انتي يلـيومچ مصغّـر كربله

وبـغيابچ وحدي اظل محد الي
عظَّمَ اللهُ لكَ الأجرَ علي

.................................
سيد علي عبدالزهره الناجي





@HxzEU1

#قناه_نشر_القصائد_المنبريه