الناشر مصطفى المياحي

السان حال عن مولاتي زينب ع
عندما رجع علي ع من الدفن


وين أمي وين أمي
يابويه راجع خالي
موفطرت دلالي
٠٠٠٠ ٠٠ ٠٠٠٠
زغيره بعدني عله اليتم وضيم اليتم شيحمله
يابويه اطلبنك طلب الباب كون تميله
مسمار كاسرله ضلع وشلون ذيج النبله
والمثلي امه تفارگه بهذا العمر موسهله

بعدني بسن طفوله وشابت عيوني
شفت منظر ذهلني ونخطف لوني
ياجلمت  يتيمه الخضرت بالبيت
اواسي اخوني لوهمه اليواسوني

الدمعات عالخد سالت
زهرة زماني انشالت
وين أمي وين أمي
٠٠٠٠ ٠٠ ٠٠٠٠
ابجي عله حالك ياعلي مدري  ابجي انه الحالي
الجناز ياخذ والگبر مايوم رجع غالي
فراگ الحنينه بكل وكت جتالك وجتالي
شمعت ليالينه نطفت من الدنيه راح هلالي

امي هاي يل ماكو بمحنتها
الله يعين روحي شلون شافتها
طاحت جنه ميته من عصرها الباب
ومحسن طاح من شوغات طيحتها

انشد واصيح شلونك
بويه الدمع بعيونك
وين أمي وين أمي
٠٠٠٠ ٠٠ ٠٠٠٠
شلون گلبك طاوعك بالحد فاطم تنزل
منها الضلوع مكسره الشيل الثره ماتحمل
يل جايني مصوب حجي وعينك وكلبك يهمل
شافوك شمات شكثر وعين الشماته التكتل

بظلام اليل ياحيدر تشيعه
وعن هاي البشر رادت تضيعه
الحارك دارهه وعاصرها عله الباب
تخاف من الحد باجر يطلعه

صاح الحسن بدموعه
زغير وحناها ظلوعه
وين أمي وين أمي
٠٠٠٠ ٠٠ ٠٠٠٠
بويه الورد مو للگبر ابستان كون وينشم
عطر النبي جوه الثره من هالظلم يتألم
وبياذنب من الزغر حسين وحسن يتيتم
بذهانه صورت جمر من عدها ابد مانسلم

دخيل الله ودخيلك بويه ياكرار
بدايتنه ظلع وحايط وبسمار
اخذني للحنينه وشلي بيها الروح
هاي النار باجر بويه نفس النار

باجر أصعب المنظر
اصيح وگلبي يتفطر
وين أمي وين أمي
٠٠٠٠ ٠٠ ٠٠٠٠
هوه الهضمني ياعلي راجع وضهرك محني
محتار من الفاجعه بيا فاجعه اتصبرني
كل خطوه بويه بمشيتك بيوم الطف تذكرني
هم مثلك ابقا الوحدي وخيل العده تعثرني

عله زينب ياعلي يتكرر المشهد
الهيب النار بخيامي حزن يصعد
افر من الخيم وركض الخوي حسين
وشوف حسين بخيول العده مفرهد

لاخنصره ولانحره
واركض واصيح الزهره
وين أمي وين أمي
٠٠٠٠ ٠٠ ٠٠٠٠
خادم اهل البيت ع
فلاح طالب الماجدي

وداعاً حسن نصرالله --------- وداعاً

وداعاْ في امان الله ---------- وداعاً

     تركت ابكـــــل گلب حسره
      تشيعك فــــــاطمه الزهره

         وداعاً ---------- وداعاً

            ------------------
1
وداعاً يابو هادي والگلب  مجروح
لوبيد الـروافض تهدي ليك الـروح
امر الله وجب  مانعصي امــر الله
بس گـلـوبنــه تتـمـنـه لا مـتـروح

      اليحبك منكـسر ضهره
      تشيعك فاطمه الزهره

      وداعاً----------- وداعاً

          -------------------
2

تتمنه الشهاده وتلتقي وي حسين
من كثر انتظارك راح شوف العين
يبن حسين وسفه تروح لا متعود
دلـيـنه الــدرب حتـى ندورك وين

       كسرنه ياهو الـيجبره
      تشيعك فاطمه الزهره

       وداعاً-----------وداعاً

        --------------------
3

الك صورة عشگ بگلوب هاي الناس
چـفـك والحصدته مـــا الـــه مقياس
غيره انته وشجاعه  وفارس وخيال
تعنيت الـخـطـر چـن جــدك العباس


        الگلب بس گلي شيصبره
        تشـيـعك فـاطـمه الزهره

        وداعاً-----------وداعاً

          -------------------
4

رحلت او ودعت بس مانضن اتغيب
كـلمـاتك بـقـت بيهـا الـعـليل يطيب
گـلت النـصر النـه وماخلفـت اوعود
يالـكـــلّك جـبــل مـاهــزك الترهيب

    
        الينطرك سـيدي عذره
        تشيعك فاطمه الزهره

        وداعاً-----------وداعاً

-----------------
الحمد لله والشكر
رحيم الوائلـي
28-9-2024





@HxzEU1

#قناه_نشر_القصائد_المنبريه

لحن(تبجيلج)
بصوت
ملا مرتضى المياحي
بغداد

((تبچيلچ))



تبـچـيلچ همس وراچ
مخنوگه ومشه هواچ
زينب بالصمت تصيح
يـايـمه الـگـلـب بچاچ

ريـض يبـويه بـدلالـي ماتحمل ترب
تاني بـغـرامي الاحـبه ودگات الگلب
امــي الحبيبه العزيزه ماتعرف هجر
يعثر دليلي وسؤالي ودمعاتي تصب

يـــــايـمه شلون
تـــدريني وآنــــه زغيرونه
ومخطوفه اللون
عفتيني بضيمي ومحزونه

يايمه يافاطمه ...

"""""""""""""""""""""""""""""""""""''''''''''''

بيــتي بفرگتچ غريب
رحتي وياگلب يطيب
دمـعـات الـهجر عذاب
وحسراتي بألم تشيب

يــايمه ضـلعـچ خيـالي وساعات الحرگ
وشفت الهجم على داري وبسوطه يدگ
هـيـه الـهـضـيـمه چـبيره مچتوف بحبل
حـيدر ابـونه مـصـيـبه يـجرونـه صــدگ

حـيدر مـچتوف
والدار من الناس محروگه
وبصدره سيوف
خلوهن وأنفـاس مخنوگه

يايمه يافاطمه ...

"""""""""""""""""""""""""""""""""""''''''''''''

يايمه الهـجر مصاب
ودمـعه ونار وعذاب
حـضـنچ يايمه ليش
عافانه وحضن تراب

ودع دلـيـلـي حـبـيـبه وحسيت انذبح
هيه الخساره عظيمه وحسين انـجرح
يبچي ويعصر چفوفه وبدموعه السهر
جـفـن الـموده مـصـابه نـيــشانه القرح

وعيون حسين
يــايمه وباتـت سهرانه
مانعــرف وين
عفتينه وگلوب حيرانه

يايمه يافاطمه ...

"""""""""""""""""""""""""""""""""""''''''''''''

ضـلمه والنـعـش يـفـوت
تشييعچ همس السكوت
يــايـمــه الـحـسن وراچ
چـم موته اضـن يــموت

يــتــلــوه يـمه حـبيبچ بجــدامه إيـعثر
حــيـدر يــيـمه يــگـلـي ودعـــت الـعمر
بـالـگـوه شـايـل دمـعتـه ومـدوهن فـكر
يسولف ابونه ويه روحه ومچوي بجمر

ينومنه بـآه
ويگعد يم الباب يحچيله
يغطبنه بآه
ويـگعد هوه يشم بالشيله

يايمه يافاطمه ...

"""""""""""""""""""""""""""""""""""''''''''''''

چم عين التصب عليچ
و مـچويه بـجمر اديچ
بــخـمـارچ يــيـمه نــار
بســمار ولـسـعــته بيچ

قـنفذ يـيمه يـضـربچ بـعـيـوني شفت
بساعتها گلبي لـچمني شو چني متت
بعينچ زراگ الامامه والعشگ الـصدگ
وآنـه سـبيه هـضـيمه من بعدچ رحت

لــلشام لــلشام
يـــــايـمه وكتي ومشاني
نسوان وإيتام
بالغربه ومذبوحه اخواني

يايمه يافاطمه ...



عبد زينب
محمد الابراهيمي





@HxzEU1

#قناه_نشر_القصائد_المنبريه

عجـل يأبوصالح الك تبجــي الجـوارح
مصيبه جر مصيبه القهر يبدي بملامح

ملامح فرگه بيه ....  ودورك كل عزيه
      يأبــو صالح .....  يأبــو صالح
༺༺༻༻ ** ༺༺༻༻
ترى الفرگه حرام تطول وانا ذنوبي سبب فرگاك
الا من ملگـه يـ الغايـب ودورك وين حتـى الگـاك
تعب گلبي وانه  حاير ابچي العمتك ابچي وياك
يصاحب روحي حاچيني انا المُتعب انا الينخـاك

عـذبنـي حيـل اليــل .... وبيـن غيابـك حيـل
دنيه وحوافر ليش .... خايـف تدوسـك خيل

خايف انـا عالـروح ....  تـطلـع غفــل وتــروح
وماكو دوه المولاي ....  هل دنيه كلها جـروح

الصفار يمر ورگتي العمر ذوب شمعتي
لوان راضـي عليـه تمرني وي دفنتــي

گرب وكت المنيه .... ودورك كل عزيه
       يابــو صالح .....  يابــو صالح
༺༺༻༻ ** ༺༺༻༻
گضه عمري وتعرف الموت ما ينطي البشر فرصه
واذا ما صـارت بدنـياي بخدمتك مـا تصح حصـه
يكون بگبري اشوفك جاي وشـرح حالتـي بغصـه 
وسولفلك على المذبوح وتلجـــم گلبــــك القصـه

غارت وهو مطروح .... وراكت فوگ الجـروح
هنانه الغصه مولاي ....  يحس ما جان مذبوح

ردتـك تضـهـر ويـاي .... ونـاخـذ لصحـن مـاي
نسگي حسين عطشان ...  الضل بحسرة فـياي

يسر حيـرني امـره غيابك سوه جمـره
بگلب كلمن يريدك العشگ لدمعه جره 

بطـه غيابك عليه ....  ودورك كل عزيه
يأبــو صالح  .... يأبــو صالح
༺༺༻༻ ** ༺༺༻༻
وشل صبري وتعب جفي وانه متاني اشوفك جاي
الا ممكن تمرني بطيـف وكولـن كافـي هـذا هـواي
انا العاصـي وانا الندمـان وانا الفاگـد بدونـك رأي
رسائل شوگي بيـه تعيـش اطلعهـا وتعيـش ويـاي

عايـش علـى متاناك .... امنيتـي امـوت ويـاك
شيسوه العمر مـولاي.... لو مـا گضيتـه حــذاك

كـل عـمـري ادور بيـك ... وابقـى بـأمـل الگيــك
لـو امـوتـن انـا ويــاك .... لـو امـوتـن انـا عليـك

اضل انطر اشوفك ازيـد ومـا اعوفـك
وتضل عينك عليه تمد رحمة جفوفك 

حلم نوگف سـويه .....  ودورك كل عزيه
      يأبــو صالح .....  يأبــو صالح
༺༺༻༻ ** ༺༺༻༻ 
كل ليـله الـتمر صــفـنات تــغير بلـــ سـهر لــوني
بيـد الـريـح ادز مـرسال هذا الحــــال وشـلـوني
عايـش بـأسـمك وطـاريـك مجـنونك يســموني
شـلي بعيـشه مـو ويــاك المـن بـاقيـه عـــيوني

سـوالف جروح وشوگ ... تـعبتني يلـ معشـوگ
مـرلي نفــس مـــولاي ... حته الــهوه مخنوگ

يغفـه الـوجع بلـ عين ... واذكـر مصاب حسين
خيـمه وعطش والنار  ... كــافـل بــلا چــفـين

عجال رايد يغايب قبل نوم الترايـب
انا معود مجاس وبواچي ع الغرايب

تــأذي المــغربيه  ....  ودورك كل عزيه
      يأبــو صالح .....  يأبــو صالح
༺༺༻༻ **
عطـر هدمـك متئ يمرني ييوسـف طالـت الغيبــه
احاول بلكي اصير انسان وتـودني ذنوبـي لخيبــه
ذانبت هواي وخدمتي شوي اخافن سببـت شيبـه
وانه الضايـع ضيـاع الحـب يعيش العاشگ مصيبه

كـلمـا يمرني غـروب... ابجي بجي المنهـوب
والدمعه الها حساس... تـاخـذني لـ محبـوب

يالمهدي ساكن ويـن... وشعاش بسواد العين
قصة سبـي وحـبـال... لـو عاشـرك وحسـيـن 

الفرج رايد يمهـدي... محرم توه يبـدي
وفواتحنه بدونـك... بجرح ثاني تعدي

اندبك بصفه نيه،،، ودورك كل عزيه 
يأبـــو صالح..... يأبــــو صالح 
༺༺༻༻**

      اسم القصيده.. عترافات
           (عبد ال محمد)
      منتظر خالد المنصوري

الى روح السيد الشهيد
حسن نصر الله



رافضه وما ننهزم
بينا من الطف عزم
چن حبيب وعابس انلاگي المنيه

ــــــــــــــــــــــــــــــــــــــــ

شيعه من حيدر توارثنا القياده
احلى من طعم العسل عدنا الشهاده
ما نذل علمنا ابو اليمه و جهاده
وابحسن نصر الله مصداق وزياده

اي وحگ راعي الفظل
شبّع اسرائيل ذل
چفّه چف حيدر يعيد الخيبريه

ــــــــــــــــــــــــــــــــــــــــ

موسوي ومن موسى بن جعفر هويته
رافضي ومن مالك الاشتر حميته
جندي عد راعي الامر عاقدها نيته
مخلص وام الحسن رفعتله صيته

غيره كله ومرجله
والشهاده اتلوگ اله
صح وگع بس ابحضن حامي الحميه

ــــــــــــــــــــــــــــــــــــــــ

قائد امحنك واله اتلوگ الزعامه
بالشدد بارد گلب كله ابتسامه
منتصر يدري لأن بالله اعتصامه
هذا هو اليستحق تاج العمامه

كل وكت بي نفتخر
دمّه بوابة نصر
ما يجامل هذا طبع الرافضيه

ــــــــــــــــــــــــــــــــــــــــ

ياحسن نصر الله وفيت ابعهودك
من فلسطين القدس تشكر جهودك
( فِيْ سَبِيلِ اللهِ أفْنَيتَ وجودك )
وكلنه حزنانين هليله اعله مودك

نحيي لمصابك ذكر
يلچنت ثوره وفكر
مختلف واسمك رعب للناصبيه

ــــــــــــــــــــــــــــــــــــــــ

اسأل ابيوم الرحت وادموعي من دم
سيدي اچم حايط اعليك التهدم
اعتقد صدرك مثل جدك تهشم
بس مصاب الطف يظل من كل بلا اعظم

اثيابك انت اعله البدن
والحُسين اتسلبن
انت ما عندك اخت راحت سبيه

ــــــــــــــــــــــــــــــــــــــــ
سيد علي عبدالزهره الناجي





@HxzEU1

#قناه_نشر_القصائد_المنبريه

واويلاه سيد حسن
واويلاه سيد حسن

---------------------------------------

راح الشجاع المنتصر
خل يفرح الليله الشمر
والتعزيه لسيد الامر

عند الآله المؤتمن

-----------------------------

يا فارس اليوم ارتجل
عن صهوته وبان الخلل
هذا الخبر صادم جلل

عيون المقاتل غمضٌن

----------------------------

يا كاسر ظهور الزلم
صحينه ليهسه بحلم
اين الامام المنتقم

مو واحد الرايح وطن



----------------------------

يعمامة العز والشرف
گتالك اليوم اعترف
بالضاحيه سوينه طف

رد القصر رد الضعن

--------------------------


شمسوي بينه بموتتك
لو تدري ناس الحبتك
مولانه تبچي وندهتك

منريد تتغطى بچفن


-------------------------

يمخلي لچمه بكل گلب
يا سيد ايام الحرب
لا مو وكت نوم الترب

وكت الچفوف الما هون

----------------------


الف الصلاة اعله الدمى
يا ابن لجمة فاطمه
يمغرب وتارك ضمى

عايف نواظر بس عمن


تمت -- رعد الفريجي
30/ ايلول / 2024





@HxzEU1

#قناه_نشر_القصائد_المنبريه

مو يومك ترى حزنانه لبنان
وعراق حسين يبچي وبچت كوفان
تستاهل الدمعه اعليك من دم
يا عنوان شيعي وتبقى عنوان

*

يل جنت بخطابك ترجف اسرائيل
يضل صوتك يدوي يل تهد الحيل
ترى الشيعه برحيلك تصيح ياويل
ما متوقعه هذا اليوم منه اتشيل

*

سوينه حداد المات قائد عام
حزب الله يكول اليوم صرنه ايتام
جوه تراب عينك وسفه هسه تنام
نتصر دمك عليهم ذوله ضلام

*


صفت دارك خليه بس دمع بيه
نصر الله بعد لا مايرد ليه
بقى بس الحزن واه طاريه
راح الجان بنوره يضويهه

*


نصر الله نشيعه والجروح هواي
طاح اليوم قائد والعلي وفاي
حزب الله يكول شلون بله بهاي
ربعه دكول بعده تيهينه الراي

*


نحتاجك اليوم شلون عنه تروح
ترست كلوبنه سيدنه كله جروح
مي كفي حزنه ولا يفيد النوح
باب الجنه هسه ألك مفتوح

*

هل ليله الدمع نصر الله يم بابك
وتلطم بل شوارع لجلك اصحابك
يا كسره جبيره هسه لحبابك
صوابك بل گلب ما ينسي صوابك


*


هنيالك شهيد بدرب الحسين
يل ناصر المذهب وناصر الدين
علمت الزلم معنه البطولات
ما لمنه اذا دم تبچي العين

*

يبرالك جدك علي شلون ننساك
شفيعك حيدره وحسين وياك
تضل جمره بگلبنه شما ذكرناك
تبچي عيونه من يمر طرواك

*



حزب الله نصب مئتم يلطمون
ما صدگنه راح سيد يكولون
واحدهم ينوح وكلبه مطعون
يا وسفه نصر الله اليوم مدفون



الخادم حيدر ناجي الدراجي





@HxzEU1

#قناه_نشر_القصائد_المنبريه

لحن(العشگ مرات)
بصوت
ملا علي حسين الدراجي
بغداد

((العشگ مرات))


العشگ مرات لمن تهوى انسان
من دمعك تحني هواي حيطان
اذا مَسكّ غرام الماشـــرب ماي
تتمنى تموت وانــــــته عطشان

غديت من الهوى أتراب
مطـرود وعــلى البـــاب
وأتاني چفـوف الحسين
حنين ويـــــرضا بالـتاب

ماگلك اريد أدموع
ومصيبة زينب بخلگي
مشيني مثل متريد
وأحب أوصلك بعشگي

واويلاه ... حسينآ
"""""""""""""""""""""""""""""""""""''''''''''

أريد أوصل بعشگي كــون مشغول
عقلي وكل حواسي أصيح الخيول
وأفز مــــن نومتي فَزتّ مجـــانين
مذهول وأخلص النـــــوم مذهـول

أخلص النوم مخــنوگ
الطيف براسي محروگ
حبل وزغيــره والسوط
وهذا وعثرةّ النـــــــوگ

الهزله تفــزز الميتين
الخدر مايرهم بعثره
ارسم صورةّ للمچتوف
بهزله وبالك إيفـسره

واويلاه ... حسينا
"""""""""""""""""""""""""""""""""""''''''''''

أَدبّ بالك و مو تمشـــي وتروح
ولتزيد الذبح بالتـــوه مذبــــوح
سبيه وكافي وعــوف التفاصيل
وشعندك دمع ضل للصبح نوح

نوح وبالعشگ ذوب
طبر .. شگگ الثوب
الدمعتك سلم الليل
حتى أتصير محبوب

سولف وي نحر بهداي
فَرآشه وعلى الورده
هذا حسين ياهل الناس
تشمه فاطمه بخده

واويلاه ... حسينا

"""""""""""""""""""""""""""""""""""''''''''''

تشمه الزهره بس تصـيح ياخيل
بصدره الهيل ليش مطَشر الهيل
المثلك ينسلب والخنصر يــروح
حرام أعله النهار الماصـــبح ليل

حرام أعله الهوى يصير
حرام الطيـــر ويطــــير
وخد حســـين بــــتراب
بكل الكـــــون تقـــصير

والمثلث يشچ الروح
اثنعش طگه يطگونه
المهر يتوسل ويبچي
يگلـــــهم لا تذبحونه

واويلاه ... حسينا

"""""""""""""""""""""""""""""""""""''''''''''

المهر هام أعله وجه وسرجه مگلوب
يـــــازينب يصيــــــح حسين منـهوب
خذو ثــــــوبه العليّ يــــاويلي عريان
مــــــــاعندچ (أميه) گــــلبه مشبوب

يــــــزينب طاح مالوم
عليچ إيطيح ويگــــوم
من كل صفحه يرمون
بّحر الگـــــــاع ملچوم

يابـــــس دَمهَ بعروگه
عطشان وغده يرافس
من گد العطش ويلاه
دمه اعله النحر يابس

واويلاه ... حسينا


عبد زينب
محمد الابراهيمي






@HxzEU1

#قناه_نشر_القصائد_المنبريه

.                    گعدة

( لمايجري من مصاب ع الشيعة في لبنان )
.
( قالع خيبر )


.    ياقالع خيبر بجفوفك ومطشر الاحزاب
      مرحب جاي اليوم بجيشه ورايات الارهاب
كل يوم بساحة وميدان .ومانخضع صاحت لبنان
                     **
علي يانهج العدالة.           وسيف تبيانه ولسانه
وياصراط الحق اوشمسه   وحجته وقوة بيانه
ياكهف كل اليتامة.              وياملاذ الله وامانه

                يالبالحرب واحد فرد
             وماينثني العزمك عضد  
                   ويالبترافه جالورد
                وجفك يلمنه بحنانه
              
      يالجفك جامعنه بحبه وحدر افيايه انام
    خيبر  هذا اليوم انعادت  شاهد ياظرغام 
جردها سيوفه الطغيان ….مانخضع صاحت لبنان
                            **
ياعلي وهاليوم رجعت خيبر النه بغير صورة
وهذا مرحبهم تمثل.             بالكيان يعيد دوره
مجد لااسرائيل يبني.         عالدم يشيد قصوره

                 ويدعمه شيطان الغرب
                 وياه گلب حط عالكلب
                وكل يوم يخلقله حرب
               وما يبطل ساعة جوره

     وهاليوم ال لبنان توجه مرحب يطلب ثار
     ما يدري بحزب الله ارجاله احفاد  الكرار
متوهم حيل وغلطان….. ومانخضع صاحت لبنان
                    ***
صامت العالم باسره.         وبسكوته يدين نفسه
والعرب بلعت لسنها.         وماكو واحد طلع حسه
من وره الشاشة تشاهد. نايمة جن نوم نفسة          

                  لعنه اعله حكام  العرب
             من بني سعود اهل الجرب
             العبد الله ولسيسي الطرب
               ناس اهل تطبيع نجسه

     عن اسرائيل بكل قوة وباخلاص يحامون
    ضد لبنان شتطلب منهم وتگول  يسوون
ذوله اليسمون اخوان….. مانخضع صاحت لبنان
                   **
مايضل حزب الله وحده.   ياعلي احنه اوياه كلنه
العراق يموت گبله.            وگبل دمه يطيح دمنه
خلي كلشي يصير بينه       لانخاف  ولايهمنه 

                    اخوانهم احنه الصدگ
                   للخوه طگ بينه عرگ               
                    منعوفهم  لو نحترگ
                وخل يصير الكون ضدنه

      خل تزعل امريكيا ويزعل كل حزب الطاغوت
      مادام السيستاني ارخصنه وي لبنان نموت 
وحبك ياحيدر عنوان … ومانخضع صاحت لبنان
                    *
هذا صوت الشيعة ناده         لليهود  وال امية
حسن نصر الله خالد            بالگلوب الجعفرية 
والف نصر الله يطلع          والشهادة النه هوية  

                    متطيح راية حيدرة
                    من الله هاي مقدرة
              وعدنه الف نصر الله تره
                 يشيل راية الحيدرية

     لا ترگص فرحانه الشام وتضحك اسرائيل
     مو نصر الله واحد عدنه مليون بكل جيل

لايفرح حزب الشيطان… ومانخضع صاحت لبنان
                   **
                      *
.                        المصيبة

معركة دين وعقيدة        لا محال المهدي حاضر
والنصر بأذن الله جاي.      ولوحت كل البشائر
وباجر  التاريخ يكتب.       هالمواقف.   والمأثر

                     ويسجل بلوح المجد
               حزب الله واحد والحشد
                    والشايب ونعم الولد

ضمهم النصرت الشيعة. وذخر بالشدة وفخرها      

سيد اياد الغالبي





@HxzEU1

#قناه_نشر_القصائد_المنبريه

. گعدة… استشهاد السيد نصر الله


( عادة النه الموت )

شدوا ياشيعة حزمكم. عاده النه الموت
والكرامة بالشهادة. وعالمناية نفوت
مانركع بس للواحد… نصر الله ودمة الشاهد
عاده النه الموت
***
انكشف من بدأ الاسلام. ومن شمس فجر الرسالة
احنه مشروع الشهادة. واحنه جيش الله ورجاله
ومن جرحنه بيوم حمزة وجعفر ولوحت نظاله

بموت النبي وظلم الولي
صار الامر واضح جلي
من هاي ياشيعة علي
بدت صفحات البسالة

وكربله للدنية كشفت. احنه خوش ازلام
تقدم الشيعة رگبها. النصرت الاسلام
ومن طف حسين الخالد…ونصر الله ودمه الشاهد
عاد النه الموت
***
احنه تربات الحروب. وعادة صار القتل عدنه
امنه رضعتنه الكرامة. وبالشجاعة اختلط دمنه
وبالمعارك مانتاني. بلكي واحد يفزع النه

مانلتفت وسط الحرب
احنه زلم يوم الصعب
موت احمر نصير ورعب
عاليعادينه. ويضدنه

بالحرب تلگاها بينه. غيرة العباس
لو الف مرة نتوذر. ماندنگ الراس
وبينه ازغر واحد قائد… ونصر الله ودمه الشاهد
. عاده النه الموت
***
احنه من انشد حزمنه. احفاد مرحب يعرفونه
بحرب مانطي ضهرنه وهمه ياما جربونه
لو نعيش براس عالي. لو شهادة. يقلدونه

ونصر الله جم مرة درس
انطاهم بعزة. النفس
وحط رايته فوگ الشمس
شامخ ومايذلونه

خل نحط ايد وي ايد. ونفزع الهالدين
وگفت الكافل. نردها. من وكف لحسين
ونشد ساعد بالساعد…. ونصر الله ودمه الشاهد
عاد النه الموت
***
مانتاني الموته تگعد. وتصحة خرفان العروبة
فصل الهم نتنياهو. ولبس الكل عفن. ثوبه
السيسي يستعرض بجيشه. اعليه يخاف من الرطوبة

وجيش ابن سلمان القرد
وحكام امارات الحقد
همهم. الونسه. والثرد
ودينهم لعبة الطوبة

وغاد بالشام ال امية. طلعوا يرگصون
هم مثل يوم التلگوا. زينب يصفكون
بين كل دوني وحاقد… نصر الله ودمة الشاهد
النه عاده الموت
*
يعين الله كلب زينب. بالصفگ من تلگوها
الشيعة صورة عله الشاشة للرگص ما استحملوها
ثمن كل هاي الشماته. گرب يوم اليدفعوها

المهدي گربت طلعته
شدوا الحزم ياشيعته
خل نستعد النصرته
وصرخة الحگ انشروها

وبجرح نصر الله نطلب. من بني صهيون
وهسه مو باجر نريده. وخلهم يسمعون
وي الحق واهله نجاهد…..نصر الله ودمه الشاهد
النه عادة الموت
***
المصيبة

گربت طلعت المهدي وهالوضع. اكبر علامة.
باجر براية محمد. يطلع وسيف الامامة
يطلب بكل دم شهيد. وعالشر تقوم القيامة

طلعت الغايب گربت
وهاي العلايم اكدت
وين ال امية لواجت

تفر من راية المهدي. وسيفة من يعلن قصاصه

سيد اياد الغالبي





@HxzEU1

#قناه_نشر_القصائد_المنبريه

قصيده گعديه لقرابين المذهب والسيد الشهيد حسن نصر الله طيب الله ثراه وقدس الله نفسه الزكيه




قائــد يتبــع قائد .. منســاوم بالــديـن
هذا النهج الخالد .. من مدرسة حسين
جنـود انضحي قاده
تلوگ ألنـا الشــهاده
منســاوم بالــديـن

*

فگدك اهوايه هضمنه وخلّه بـينا النــار تسعـر
وناح من هاي المصيبه كل غيّور وصوته كبّر
والمسيحي ينوح لجلك والمخالف گلبه منسر

سيد حسن كٓسرت ظهر
جــرح بدليــل المنتظــر
وي جرح محزوز النحـر
ليــا جــــرح دلالــه يسعـــر
يا جرح ابدلاله ينزف بعده ادموم
للرضو اوصـاله للصـار بهـل اليوم
يـدين الله وعمــاده
تلوگ ألنـا الشــهاده
منســاوم بالــديـن

*

مو جديد الموت عدنا الموت لجل الدين عاده
والله كرمنــه أعلـى خلقـه بالولايه وبالشهاده
لمذهب الهادي اوصيه ارواح ننطي وننطي قاده

درب الولايه الصامده
بالـدم طريقــه نعبـده
هاي المسيره الخالده
المــوت بيها أصبــح ولاده
المات من أجل أهدافه.. وما ساوم اشرار
العــالم كلـــه يخــافه .. خط درب الاحرار
الحسين أصبح مراده
تلــوگ ألنــا الشــهاده
منســــاوم بالــــديـن

*

ثــار من خيبر يطلبه ومــرحب يرجعله ثــاره
يوم حيدر طرله هامه وناصفه بحد ذو الفقاره
ظنه مثــل العرب احنه نطبع ونصبح أسُاره

هــاك استمــع يـا عـاذلي
بعـــده عــزمنـــه الأولـي
هل العزم من حيدر علي
وشيعته بدربه وقراره
من حيدر مهيوبه .. مـــا ذلت هيهات
والمــات لمحبوبه .. عايش لا ما مات
نظل احنه السياده
تلوگ ألنـا الشــهاده
منســاوم بالــديـن

*

ابد مو عجبه الاشوفه من الاعراب اهل الدعيه
بفرحه من طاح ألنا فارس ذول تربات ال اميه
هيه نفس الفرحه وسفه من دخل ضعن السبيه

نفس السده ونفس الجره
لــكــن عقيلـــة حيـــدره
گلبــت الشــــام الاخــــره
وعلّــــت ْ الــرايـــه الابيــــه
ما ذلت بت حيدر .. خطــت منهــج ثار
بركـــان ويتفجــر .. صعنت جيل احرار
درب بــارينـــه راده
تلوگ ألنـا الشــهاده
منســاوم بالــديـن

**

الشاعر
موسى البديري





@HxzEU1

#قناه_نشر_القصائد_المنبريه