السلام على قطيع الكفين الشاعره ام حسين المحمداويه مع رابطة شاعرات الچفوف السخيه

قال الإمام الحسين(ع): من هوان الدنيا على الله عزّ وجلّ أنّ رأس يحيى بن زكريّا اهدى إلى بغيّ من بغايا بني إسرائيل.

المصدر : بحار الأنوار


*******
#وزن الهجري.....

من هوان الدنيا گبلك راسه اليحيى انكطع

وراسك اعجب يبو الاكبر من على الرمح ارتفع

⚫❁〰️⚫❁〰️⚫❁〰️⚫


عالرمح راسك رَفِعته تبرز النه المستتر

تكشف الدين المزيف البسوا الدين الستر

هتكوا احكام الشريعه وللشرع انته الفكر

ملهم انت للغياره يمن للذل ما خضع


✍🏻نبضي حسين

⚫❁〰️⚫❁〰️⚫❁〰️⚫

راسك اعجب ياابو اليمه يقرا بسورة كهف
ودمك على الحق يوالي سال باالطف ونزف
من العطش يبست لهاتك لسانك الضامي نشف
ابدم بجت ارض اوسمه والنبي واله انفجع


ام ✍️مرتضى الخزرجي

⚫❁〰️⚫❁〰️⚫❁〰️⚫

الرمح شالك فوك راسه
بيك متباهي الرمح

مو مذله ولا مهانه بزغ من وجهك صبح

العمر كله يبو الأكبر ابكلب هالشيعه جرح

يبقه ذاك الثار بينه اليوم قائمنه طلع


ام رحمه الگاظميه

⚫❁〰️⚫❁〰️⚫❁〰️⚫

وي ابوصالح ننادي كلنه نمشي بهل النهج

ننتضر ياخذ بثارك
ندعي كل يوم الفرج

الك نفدي الروح نلعن كل معاند لو خرج

يلي اسمك ياحسين دوم للمذنب شفع

✍️☘️ام فراس الساعدي ☘️

⚫❁〰️⚫❁〰️⚫❁〰️⚫

هيبه راسك يافخرنه اله تاريخه لشهد
منكتب بللوح طفك القصه صارت بالمهد
والوحي الصورة يوضح هذا من ربي عهد

اسمك بكل صوره واضح منو عنك ماسمع


✍🏻ام سجاد الشهيد

⚫❁〰️⚫❁〰️⚫❁〰️⚫

راسك المنگطع نحره صار للدنيا شمس
تضوي للعالم بأسره ومنها يتعلم درس
ترفض الظالم ونهجه تعيد صرخات الأمس

والمشه بدربك يعرفه بقه ثابت ما رجع

خادمة الموعود الغزي

«»««»«»«»»


https://t.center/alkfoofalskea