اليله من الــعقيله خاليه الـدار مشت يم الحسين اليله خطار ──────⊱◈◈◈⊰─── تلاگها الـحسين وفـتح ذرعـانه وگلها شبيج يـختي اجـيتي نـحلانه تـگله هـذا الـحال الفارگ اخوانه ومـاتدري ابـغيابك شنهي الــصار ✍️ام محمد التميميه ──────⊱◈◈◈⊰─── تنشدني اشصار بغمضت عيونك ومن توضت الكاع بدمك ولونك شبوها الخيام وردت انه متونك واسمع مني شنهي بعد هالنار ام حسين المحمداويه ──────⊱◈◈◈⊰── وشفت النار وجوها بالخيام وانا واكفه أعلى التل يبن ضرغام الحومه تزلزلت يوم الشمر حام وشفتك منذبح وضل دمعي مدرار ✍️ام سيد حسن ──────⊱◈◈◈⊰── درب الي مشيته حيل اذاني وحگ حرگت اخيامي وفرگه اخواني عدوكم كل رحم مابيه وسباني شتم حته الزچيه وحيدر الكرار ام مهدي الفرطوسي ──────⊱◈◈◈⊰─ للكوفه دخلنه امچتفه ايدينه ومصفوفه والوادم تنضر اعلينه متشمته الاعادي بكتل والينه لاهل الشام منه وصلت اخبار ✍️ ام مرتضى الخزرجي ──────⊱◈◈◈⊰── گبل موتك اجيتك باربعينك گتلك خويه اگعد وفكلي عينك ونيني ماگطع بموتي انت وينك ويتاماكم عفته وكلهم ازغار ✍️ام مصطفى الاسدي «»«»»«»««««« تمت باقلام شاعرات رابطة الكفيل https://t.center/alkfoofalskea