2025 йил 4 январь, Кармана туманидаги Жалойир маҳалласи, Тоғгузар қишлоғида Ўзбекистон Ёзувчилар уюшмаси аъзоси, моҳир таржимон Вафо Файзуллоҳ хонадонида вилоят ижодкорлари, ўзбек адабиётининг ихлосмандлари йиғилди. Бу анъанавий тарзда ўтказилаётган Кармана гурунги мана тўрт йилдирки барча соғиниб кутадиган воқеаликка айланиб бормоқда. Бу галги сарҳисоб, келгуси фаолиятимиздаги муҳим режалар кун тартибида бўлди. Ҳазрат Алишер Навоийдан тортиб жадид боболаримиз фаолияти, шеърхонликлар ва жаҳон адабиёти дурдоналари тўғрисидаги фикр-мулоҳазалар тадбиримизга файз бағишлади...