Соғинишдан ўтдим... Кетар йўл, туман- Сенсизлик дунёнинг қучоғи музли. Уйғонмоқ оғир бу йўқлик уйқудан- Ҳамма нур тарк этди кул чўккан кўзни. Соғинчнинг гуллари! Қоп-қора гуллар! Гул эдинг барибир! Гул эдинг ахир! Даҳшат сукунатда чўкди қайғулар Боғларида гули қолмаган тақдир. Қолдирган дунёнгда бўм-бўз кезаман, Ҳечликнинг ичида ҳечман... Ҳечман... Ҳеч... Жунжикиб сезаман, тўниб сезаман- Қуёш ботиб кетди. Қуёш йўқдир. Кеч. Усмон Азим https://t.center/usmon_azim