Туманимиздаги 154-мактаб фаоллар залида “Аёллар дафтари”нинг 6-босқичи бўйича ўқув-семинар ўтказилди. Семинарда Хотин-қизлар муаммоларини тизимли равишда ҳал этиш, уларни ижтимоий қўллаб-қувватлаш бўйича Республика комиссиясининг 2024 йил 14 декабрдаги 1-сонли баёни қарорига асосан Ургут туманига бириктирилган вакил, Ўзбекистон таълим ва фан ходимлари касаба уюшмаси Республика кенгашининг Самарқанд вилояти бўйича масъул ташкилотчиси Ифтихор Раҳимов, туман ҳокими ўринбосари,  оила ва хотин-қизлар бўлими бошлиғи Муҳаббат Қобилова, “Маҳалла” уюшмаси Ургут туман бўлими бошлиғи Шерзод Холиқов, тумандаги секторлар котиблари,  масъул ташкилот ва идоралар раҳбарлари, маҳаллаларнинг еттилик вакиллари иштирок этишди. “Аёллар дафтари”нинг 6-босқичига киритиш учун туманда хатлов ишларини амалга ошириш, ташкилий чора-тадбирлар, ҳамда “Аёллар дафтари”га киритиладиган хотин-қизларнинг индивидуал дастурларини белгиланган тартибда ишлаб чиқиш  бўйича батафсил маълумотлар берилди. #Urgutsadosigazetasi