قناة 🔥بركان الغيرة🔥

#اللهم_عجل__لوليك_الفرج_
#الشاعرة_ام_ذو_الفقار_إسراء_اللامي_
#حصرياً 🟢🟢
#ثگيلة_للرسول_


كإني بمولاتنا الزهراء ع تخاطب حاملين نعش رسول الله ص


ارد احاچي الشايلينه. يرجعونه
ازماطنه وماعندنه والي غير ابونه

نزلو التابوت الي
خلني احچي وي الولي

غير ابونه ........غير ابونه


غير ابونه تعطلونه وخل نحاچيه
غيره ماعدنه ولي من نعتب اعليه
ليش نايم بالنعش وامدد ايديه

بنومته كلبي نخمش
مو اله نوم النعش

غير ابونه .......غير ابونه



ارد احاچي النايم وبلكت يفزلي
غيره ماعندي ولي وبس هوه اهلي
كوم يمدللني بله وشوف حملي

حملي طايح يالشهم
حيلي وياك انهدم

غير ابونه ............غير ابونه


حملي طايح والوجه بين هضمته
والگلب مجروح والهجران علته
ليش نايم بالنعش حيلي هدمته
عوف تابوت الهجر
كلبي يابويه انفطر

غير. ابونه .............غير ابونه



عوف تابوت الهجر والموت فدوه
ليش نايم بالنعش يبو المروه
ياحنين وعشرتك يابوي حلوه

بويه حلوه عشرتك
عذبتني بنومتك

غير ابونه ...........غير ابونه




بويه جنازك مشه وشلون بيه
جا بعد منهو يمرلي بمغربيه
ايست منك بعد ماجيت ليه

عيني عالباب ارتجي
بلگت الوالي. يجي

غير. ابونه .........غير. ابونه




تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))



https://t.center/UMdufekar

#اللهم_عجل__لوليك_الفرج_

#الشاعرة_ام_ذو_الفقار_إسراء_اللامي_

#حصرياً 🟢🔥🔥🔥🔥🟢

#ثگيلة_للاربعين_ 🟢


كأني بمولاتنا تخاطب الامام الحسين ع وابا الفضل ع عندما رجعت الى القبور. بليلة الاربعين 💔😭





عمة ابنك اجت للغاضريه

جابت رؤسكم يهل الحميه


نومه شلون الاسباع
جنتو لزينب اشراع



عمة ابنك اجت للغاضريه



ردت رؤسهم والحيل تعبان
مشتاگه العقيله اتريد الاخوان
خليه اضعونها ومابيها وليان

بس نوگ وهزيله
عليل ومات حيله

عمة ابنك اجت للغاضريه





عالناگه الهزيله ردت اليوم
ومن شمس السبي متغيره الارسوم
ليش ابن امي نايم مارضى يگوم

غير يكوم الحسين
ويمسح دمعة العين

عمة ابنك اجت للغاضريه




غير يكوم ابن امي من احاجيه
اعرفنه حنين واعتب اعليه
تلملم ضيم گلبي ويمه احچيه

حاجيني من احاجيك
گلبي امفرفح اعليك

عمة ابنك اجت للغاضريه



طبيت وكثر وني وحنيني
منكم رايده واحد يجيني
يمر بناگتي ويمسحلي عيني

محد نزلاني
وين الواعداني

عمة ابنك اجت للغاضريه




ياعباس وسفه جوه الاتراب
بگلب اختك جرح ليهسه ماطاب
لاتختاض لو كثرت العتاب

گوم وعوف الگبور
وعلي هالگلب مكسور

عمة ابنك اجت للغاضريه



تمت بعون الله وتوفيقه 🧿

#✍️ام ذو الفقار إسراء اللامي
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))



https://t.center/UMdufekar

#اللهم_عجل__لوليك_الفرج_

#الشاعرة_ام_ذو_الفقار_إسراء_اللامي_

#حصرياً 💔🔥🔥🔥🔥

#ثگيلة_للاربعين_


🏴🏴🏴💔🏴🏴🏴

يالجايه.....للمگبره لوليانج
يالجايه....روحج تحن لخوانج

ايسي مايگعدون
الماتو مايرجعون

يالجايه ..........يالجايه

🏴🏴🏴💔🏴🏴🏴

يالجايه لخوانج وگلبج خذاج
گاعده وتحچين يم گبر الجفاج
افراكهم يالفاگده شكد عذباج
براضه هنانه يم عون
الماتو مايرجعون


يالجايه .......يالجايه

🏴🏴🏴💔🏴🏴🏴

براضه عتبي يالعقيله اعليهم
احنان اخوتج والعتب ياذيهم
ادري گلبج هوه اليحاجيهم

گلبج عله اليحنون
الماتو مايرجعون

يالجايه .......يالجايه

🏴🏴🏴💔🏴🏴🏴

گلبج يفرفح محنه الليله
وكاعده يم الگبور نحيله
اه يافراگ الاهل شيشيله
يفگس فص العيون
الماتو مايرجعون


يالجايه.....يالجايه

🏴🏴🏴💔🏴🏴🏴

عيونج افراگ الاهل عاميها
كون بيبان المگابر بيها
جان شفنه احبابنه نحاجيها

واكلهم ضمي شلون
الماتو مايرجعون

يالجايه...........يالجايه


🏴🏴🏴💔🏴🏴🏴

افتحو گبوركم يهلي شجاكم
نوم المگبره كلش كضاكم
شوفو اكلوبنه شسوت وراكم

كضت عالماينشدون
الماتو مايرجعون

يالجاية......يالجايه




🏴🏴🏴💔🏴🏴🏴

تمت بعون الله وتوفيقه 🧿

#بقلم ام ذو الفقار إسراء اللامي 🔥
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))




https://t.center/UMdufekar

#اللهم_عجل__لوليك_الفرج_

#الشاعرة_ام_ذو_الفقار_إسراء_اللامي_

#حصرياً 🔥🔥🔥🔥💔

#قصيدة_ثگيلة_للحسن_ع_

🏴🏴🏴💔🏴🏴🏴

كاني بمولاتنا زينب ع تشكي من آلم الفراق. فراق اخيها الحسن ع 💔😭💔



لتمر بنزلنه ابعد يالافراگ
حنينة گلوبنه وكلساع تشتاگ

خال ابني دخليه
ازماط ونفتخر بيه

لتمر بنزلنه .......لتمر بنزلنه

🏴🏴🏴💔🏴🏴🏴

هنا يفراگ دبعد عن نزلنه
وخلي اخوانه البيهم محنه
وين نروح من يكثر هضمنه
واحنه افارگنه ماخذ زلمنه

مر وماخذ الزين
شايل وين الحنين

لتمر بنزلنه ...........لتمر بنزلنه

🏴🏴🏴💔🏴🏴🏴

مر افراكهم يمه وچواني
مسدود النزل كلش عماني
يم ابيوتهم اگعد واتاني
هالبت بالاخو يرجع زماني

بابك خويه شفنا
مسدود وجهبنا

لتمر بنزلنه ........لتمر بنزلنه

🏴🏴🏴💔🏴🏴🏴

جهبنه الدار بالعتبه كعدنه
وصحنه بصوت وين الجابته امنه
علينه اهموم ولدارك كصدنه

بيدك ردنه تمسح كل دمعنه

خواتك جايه اليوم
كلبها امحمل اهموم

لتمر بنزلنه .......لتمر بنزلنه

🏴🏴🏴💔🏴🏴🏴

عمت ابنك بچت بالباب ياحيد
تعبانه اجت من درب البعيد
فز من نومتك واكعد يصنديد
الحرمه بشاربك يبن الاجاويد

الحرمه تريد والي
يگلها اهلا تعالي

لتمر بنزلنه..........لتمر بنزلنه

🏴🏴🏴💔🏴🏴🏴


حنان انتم واجينه نمر عليكم
يالزينين ياليعجب حچيكم
خوال ابني ويحن هالگلب ليكم
هنا يزماطنه النتباهه بيكم


بينه شكد توصون
ريضو ولا ترحلون


لتمر بنزلنه. .......لتمر بنزلنه

🏴🏴🏴💔🏴🏴🏴

تمت بعون الله وتوفيقه 🧿

#بقلم ام ذو الفقار إسراء اللامي 🔥
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))




https://t.center/UMdufekar

#اللهم_عجل__لوليك_الفرج_
#الشاعرة_ام_ذو_الفقار_إسراء_اللامي_

#نعي مولاتنا زينب ع. على جنازة بنت اخيها


يالنايمه بتابوت ردي
وويه خواتج گومي گعدي
مگطع عليج اليوم چبدي


ردي يعمه ويانه ياريت
زغيرة يعمه اعله التوابيت
اشهگ واون اعليج ظليت


مايرضون عمه يغسلونج
سوده من الضرب صارت امتونج
مو مالت دفن عمه عيونج


ناديت عمه يارقيه
سلهمتي عينج للمنيه
يمج اون ردي عليه



ياموت لاتاخذ ابنيات
ازغار ليش عله التربات
ترفات هنه امدلالات


بالجفن لفوها الگصايب
گلبي عله البنوات ذايب
وخدوهن جوه الترايب

اعليج. ياعمه حسرتي...



تمت بعون الله وتوفيقه 🧿

#بقلم ام ذو الفقار إسراء اللامي 🔥
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))




https://t.center/UMdufekar

#اللهم_عجل__لوليك_الفرج_

#الشاعرة_ام_ذو_الفقار_إسراء_اللامي_


#قصيدة #ثگيلة
#للسيدة #رقيه ع
#حصريا🔥🔥🔥🔥🔥🔥


لسان الحال عن مولاتنا. زينب ع عندما هدأت انفاس الطفله رقيه ع على منحر اباها الحسين ع💔💔💔💔😭

💔💔💔💔💔💔💔💔

عمه افتحي عيونج الحلوه البريئه
منيين تابوت عله گدج بله اجيبه

فتحي عينج خل اكلج
ماكو تابوت اعله گدج

عمه عمه. .....يارقيه
عمه ياعمه ....يارقيه
💔💔💔💔💔💔💔💔

فتحي عينج خل نسولف يارقيه
وينج ووين الگبر اه يالابنيه
يم سوالف دافيه ردي عليه

گومي خن ندلل ولينه
ضيف عمه وجاي لينه

عمه عمه .....يارقيه
عمه عمه .....يارقيه

💔💔💔💔💔💔💔💔

گومي خن ندلل ولينه ونحجي وياه
ونمسح ادمومه يعمه من ثناياه
وننكت اتراب البشعره ونگعد احذاه


اگبالنه نخلي ضمدنه
ونحچي وياه بهضمنه

عمه عمه .....يارقيه
عمه عمه .....يارقيه

💔💔💔💔💔💔💔💔

احجي وياج وعلي نشفت لهاتي

فدوه عوفي الموت ياعمه بغلاتي
وگومي خل نفرش عباتج وي عباتي

عمه خل نفرش عبينه
بساط للمچبل علينه

عمه عمه .....يارقيه
عمه عمه .....يارقيه


💔💔💔💔💔💔💔💔


رحمي گلبي اشويه المگطع دليله
شلون اشيلج والجدم بالگوه اشيله
عمه يالحلوه صفاتج يالاصيله

گومي يالحلوه صفاتج
عليج مهضومه خواتج


عمه عمه .......يارقيه
عمه عمه........يارقيه

💔💔💔💔💔💔💔💔

عمت عيني عليج عمه وياكسرتج

شابگه راس العزيز وبيضه شفتج

الموتاج العتب عمه وجاس گلبج

گوه شلتج يالزغيره
كسرتج عمه چبيره


عمه. عمه. .....يارقيه
عمه. عمه.......يارقيه

💔💔💔💔💔💔💔💔




تمت بعون الله وتوفيقه 🧿

#بقلم ام ذو الفقار إسراء اللامي 🔥
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))




https://t.center/UMdufekar

#اللهم_عجل_لوليك_الفرج_
#حصرياً #
#جنوبيه 🔥🔥🔥🔥🔥



#كأني بمولاتنا زينب ع تخاطب حاملين نعش⚰️ الامام السجاد ع. من ضمن الحاملين ابا الفضل ع

#النعي….

يالسجاد هود ونتك فدوه
ترا التابوت بيد الاخوته حلوه
جنازك اكحيل وصاحب امروه


#النزلة……

عمك بالنعش ريض بالونين
يمك بالجنازه جيش الحسين

((عمك عاضه//ريض بالون))




جيش حسين بالحومه يسمونه
اجاك املثم وتجري دمه عيونه
مهيب وشال تابوتك على امتونه
((اعله امتونه//تابوتك مر))


مر تابوت شخصك يبن الهيابه
والباقر اسمعه يصيح يايابه
يالسجاد يومك يكتل اصوابه
((الوهامه//يرهب يايوم))



يالگلكم هيابه وموتكم نگبه
مسموم واجينه ثارك نطلبه
وعمك بالنعش ون محترگ گلبه
((عباس توزر//للعيله))


توزر للطلابه وهوه اليحلها
هله بفخر العقيله وهله بكافلها
غدرو ببن اخييك ها يراعدها
((دخن راسه //للثار يون ))


مايهضم العيله ولا يماشيها
هله بصگارها والمايثنيها
عمك بالمعارك هوه راعيها
((العيله اعله الحگ//مر بيها))



تمت بعون الله وتوفيقه 🧿

#بقلم ام ذو الفقار إسراء اللامي 🔥
غير مبري الذمة من ينسب الكلام له. خصيمة العباس ع

اهدي عملي هذا صدقة جارية لسلامة الإمام المنتظر ((عج))




https://t.center/UMdufekar

#اللهم_عجل_لوليك_الفرج

#_الشاعرة_أم_ذو_الفقار_

#جديد. #جنوبي🔥

#لموسى_أبن_جعفر_

ــــــــــ❋❋❋ ـــــــــــ

رف بالكاظميه. بيرغ الساده
عالكاظم حزن ومبين احداده
ــــــــــ❋❋❋ ـــــــــــ

رف بالكاظميه وواصل الغيمه
ترهب ياخلك هيبه تصاميمه
محزن عالسبع وضحت مفاهيمه
((البيرغ كدر//بحزانه))

ــــــــــ❋❋❋ ـــــــــــ


يمشي وي النعش بيرغ الخياله
هزه بكل فخر وبنوح شياله
ترا الشايل سبع والونه تحلاله
((الون للكاظم//يحلاله))
ــــــــــ❋❋❋ ـــــــــــ

مُهيبه ورفعت الليله بيارغكم
حزنت كل الولايه لمصيبتكم
لسبع بغداد ذبوها عمايمكم
((يالسادة//امغرب جدكم))

ــــــــــ❋❋❋ ـــــــــــ

ذبوها العمايم عالجسر يمه
كون من اللطم ياصدرك تهدمه
عالشايل غريب ورايح بهمه
((اطلب ثاره//مغدور الشال))

ــــــــــ❋❋❋ ـــــــــــ

تطلعلك عراضه اليوم سادتنه
نارك يالشلت تسعر وجوتنه
عليك اليوم ماتنشف يدمعتنه
((انشيع نعشك//بهيابه))

ــــــــــ❋❋❋ ـــــــــــ
تمت بعون الله وتوفيقه

بقلم خادمة أهل البيت ع
🚩أم ذو الفقار أسراء اللامي 🚩

غير مبري الذمه من يحذف الأسم او يتلاعب في الكلمات او ينسبها لغير شاعرة مشكول الذمه


https://t.center/UMdufekar

#اللهم_عجل_لوليك_الفرج

#_الشاعرة_أم_ذو_الفقار_

#نزلة حيدرية. للتشيع
#لموسى_أبن_جعفر_

ــــــــــ❋❋❋ ـــــــــــ
هذا نعش الراهب يسمونه
وينها الخياله خيشيعونه
ــــــــــ❋❋❋ ـــــــــــ

وينها ذيج الزلم اهل الحرب
تشيع المسموم والمدمع يصب
وترفع الرايات وتسد الدرب
طرشوا للعباس خل يندهونه

ــــــــــ❋❋❋ ـــــــــــ

ندهو عباس گلوله الخبر
وينها ازلام الملاعب والفخر
مادروا موسى ينايم عالجسر
وين بيرغ هاشم يحضرونه

ــــــــــ❋❋❋ ـــــــــــ
حضروا ذيج البيارغ للسبع
مات موسى بالدليل المنگطع
من سمع عباس صاح ومنفجع
جاي عباس اليغمض اعيونه

ــــــــــ❋❋❋ ـــــــــــ
تحزم العباس شد اعمامته
راج بغداد وگلبها بطبته
هله بليث المرجله وبفزعته
ليث وبحيدر علي يشبهونه

ــــــــــ❋❋❋ ـــــــــــ
بيرغ اخضر للنعش بيدينه
صاح عباس وحلف بحسينه
اليوم اخليها دمه لرجلينه
سيفي مايشبع دمه تعرفونه
ــــــــــ❋❋❋ ـــــــــــ

تمت بعون الله وتوفيقه

بقلم خادمة أهل البيت ع
🚩أم ذو الفقار أسراء اللامي 🚩

غير مبري الذمه من يحذف الأسم او يتلاعب في الكلمات او ينسبها لغير شاعرة مشكول الذمه


https://t.center/UMdufekar

#اللهم_عجل_لوليك_الفرج

#_الشاعرة_أم_ذو_الفقار_

#نزلة حيدرية. للتشيع
#لموسى_أبن_جعفر_

ــــــــــ❋❋❋ ـــــــــــ
هذا نعش الراهب يسمونه
وينها الخياله خيشيعونه
ــــــــــ❋❋❋ ـــــــــــ

وينها ذيج الزلم اهل الحرب
تشيع المسموم والمدمع يصب
وترفع الرايات وتسد الدرب
طرشوا للعباس خل يندهونه

ــــــــــ❋❋❋ ـــــــــــ

ندهو عباس گلوله الخبر
وينها ازلام الملاعب والفخر
مادروا موسى ينايم عالجسر
وين بيرغ هاشم يحضرونه

ــــــــــ❋❋❋ ـــــــــــ
حضروا ذيج البيارغ للسبع
مات موسى بالدليل المنگطع
من سمع عباس صاح ومنفجع
جاي عباس اليغمض اعيونه

ــــــــــ❋❋❋ ـــــــــــ
تحزم العباس شد اعمامته
راج بغداد وگلبها بطبته
هله بليث المرجله وبفزعته
ليث وبحيدر علي يشبهونه

ــــــــــ❋❋❋ ـــــــــــ
بيرغ اخضر للنعش بيدينه
صاح عباس وحلف بحسينه
اليوم اخليها دمه لرجلينه
سيفي مايشبع دمه تعرفونه
ــــــــــ❋❋❋ ـــــــــــ

تمت بعون الله وتوفيقه

بقلم-أم ذو الفقار اسراء اللامي


غير مبري الذمة من ياخذ المفردات ويحورها وينسبها لنفسه خصيمه ابا الفضل العباس ع


العمل مهدات لصاحب الزمان عج


https://t.center/UMdufekar

#اللهم_عجل_لوليك_الفرج

#_الشاعرة_أم_ذو_الفقار_

#جديد. #جنوبي🔥

#لموسى_أبن_جعفر_

ــــــــــ❋❋❋ ـــــــــــ

رف بالكاظميه. بيرغ الساده
عالكاظم حزن ومبين احداده
ــــــــــ❋❋❋ ـــــــــــ

رف بالكاظميه وواصل الغيمه
ترهب ياخلك هيبه تصاميمه
محزن عالسبع وضحت مفاهيمه
((البيرغ كدر//بحزانه))

ــــــــــ❋❋❋ ـــــــــــ


يمشي وي النعش بيرغ الخياله
هزه بكل فخر وبنوح شياله
ترا الشايل سبع والونه تحلاله
((الون للكاظم//يحلاله))
ــــــــــ❋❋❋ ـــــــــــ

مُهيبه ورفعت الليله بيارغكم
حزنت كل الولايه لمصيبتكم
لسبع بغداد ذبوها عمايمكم
((يالسادة//امغرب جدكم))

ــــــــــ❋❋❋ ـــــــــــ

ذبوها العمايم عالجسر يمه
كون من اللطم ياصدرك تهدمه
عالشايل غريب ورايح بهمه
((اطلب ثاره//مغدور الشال))

ــــــــــ❋❋❋ ـــــــــــ

تطلعلك عراضه اليوم سادتنه
نارك يالشلت تسعر وجوتنه
عليك اليوم ماتنشف يدمعتنه
((انشيع نعشك//بهيابه))

ــــــــــ❋❋❋ ـــــــــــ
تمت بعون الله وتوفيقه🧿


بقلم اسراء اللامي ام ذو الفقار


غير مبري الذمة من ياخذ المفردات ويحورها وينسبها لنفسه خصيمه ابا الفضل العباس ع


العمل مهدات لصاحب الزمان عج


https://t.center/UMdufekar