ددیان پور پیچین پور پیچینر بکه امه پیرامیمان زمینکو چه وُرمه ئو کوئه خس که نبه کمینکو ای چشمر اسرگ ای چشمر خونِه قداره روزگار سختِ سیسی کو خجالت به کتاره هر جا بلنگی چرخ زندگی ت بیش اجا پا ت پیر نن کارکو برا بیش خردیان را ما نانه وار سرسه پیشی یا بشی دیه بره دوز ای طرفِ کاره گیریش سیا شَوِِ سازیش روز دسر پری را نشی سخته روزان نگیریش بهانه داشته ماقه ترسر نبه سازیش زندگی شاهانه دسر برای فرهم کریش کرگه شت جان آدمیزاد پا سر وندرم از احسن وارم اشترا دسمریزاد دوعا کریم صونداقر همیشه پر پیمان ببو فت فرق نداری اشترا کیجان کامین زایه کامین دت همه رفتار و سکناتر داریسه مرا درس زندگانی بناره بلان پا بن اشته نازینه جان و جوانی دنیا بگردی خومه نبو آلوسن غیر اشته پر بن الخاس دل عشقنن جایی نبو شین غیر اشته بر بن آرزو بدل واجم آخ دد جان هنی ای د من دخوان دنیا جور جفاکو گریزانیم ت بو من مران فلاحی کلور تات خلخال