​#Фикр Яқинда “Тошкент” телеканалидаги “Сиз нима дейсиз?” кўрсатувида иштирок этдим. Ушбу кўрсатувда аёл-қизларнинг эришган натижалари ва уларнинг лидерлик қобилиятлари ҳақида фикрлар алмашдик. Бугунги кунда аёллар ижтимоий, иқтисодий ва сиёсий соҳаларда фаол иштирок этмоқда. Улар ўз мақсадларига эришиш учун курашмоқда ва бу йўлда бир-бирини қўллаб-қувватлаш муҳим аҳамиятга эга. Натижаларим билан кўрсатувда иштирок этар эканман, аёл-қизларнинг кучи ва қатъияти мени янада илҳомлантирди. Ҳар биримиз ўз орзуларимизни амалга оширишда бир-биримизга ёрдам бера олишимиз мумкинлигини ҳис қилдим. Кўрсатув давомида соҳамда эришган ютуқларим, янги ғояларим ва уларни амалга оширишда қандай қийинчиликларга дуч келганим ҳақида сўзлаб бердим. Ҳар бир қийинчилик менга сабр-тоқат ва қатъиятлиликни ўргатди. Ўз натижаларим билан бошқаларга илҳом бериш, уларни янги чўққиларга эришишга ундаш – бу менинг асосий мақсадларимдан биридир. Кўрсатувда иштирок этган опа-сингилларимга ҳавасим келди. Ажойиб даврада эканлигимни ҳис қилдим ва ичимда шу фикрлар айланди: “Бизнинг кучимиз – бу бизнинг бирлигимизда. Ҳар биримиз ўзимизни лидер сифатида кўришимиз ва бошқаларни ҳам шу йўлга ундашимиз зарур. Бизнинг овозимиз, фикрларимиз ва ҳаракатларимиз жамиятни ўзгартиришга қодир”. Холида Мусурмонова, фотожурналист, документалист #lider #grow #womensupporting