​​​​ОТАМ ҚУРГАН УЙ Қирқ йилдирки қуёшдан, Бир чеккаси куйган уй. Қуёшдан ҳам кўҳнароқ, Отам қуриб қўйган уй. Улғайсам ҳам, боладай, Бошим силаб, суйган уй. Киндик қоним тўкилган, Отам қуриб қўйган уй. Уч-тўрт кунга бормасам, Қовоғини уйган уй. Бунча азиз бўлмасанг, Отам қуриб қўйган уй. Қайда бўлмай, соғинчим, Дийдасига туйган уй. Деворлари - дийдорим, Отам қуриб қўйган уй. Томидаги тошни ҳам, Яхшиликка йўйган уй. Саройлардан чиройли, Отам қуриб қўйган уй. Дарвозаси - пешона. Не кунларни кўрган уй. Менга азиз кошона, Отам қуриб қўйган уй. Бир шоирни ўстириб, Кўкрагини керган уй. Сенга бир шеър атадим, Отам қуриб берган уй. Ўлмасбек Самарқандий. @Samarqandiy77