Saidjalol Hasanov

"Dod deb yuboradigan darajadagi qaysi kitobni o‘qishni tavsiya qilgan bo‘lardingiz?" deya savol berilibdi. "Har kim o‘zining Nomai a’molini o‘qisin", degim keldi.

©Salim Ayyubiy

Xulosa o'zingizdan

"Haa men o'qishni bilamanku" deb o'zingizni aldamang. Tarixda dunyoni larzaga solgan Jahongirlarimiz hofizi Qur'on bo'lishgan.

Fikr yuritishga arziydigan so’zlar…

So’nggi paytlarda odamlarning qo’l telefoniga mukkasidan ketib qolayotganini ko’ryapsizmi? Ertalab ham, kechqurun ham, namozdan oldin ham, namozdan keyin ham, uyqudan oldin ham, uyqudan keyin ham qo’llarida telefon.
Solih salaflarimiz ham xuddi shunday mashg’ul bo’lishgan, faqat QUR’ON bilan.(2788)

Humanity still alive

Ассалому алайкум аҳли Косонсой!

Яқинда Косонсой туғруқхонасида, 3-фарзандини дунёга келтириш арафасида бевақт вафот этган муслима аёл тўғрисида деярли ҳамманинг хабари бўлди.

Ҳаттоки, бу ҳолат ижтимоий тармоқларда кўпгина муҳокама ҳам бўлди. Ҳозир бу постни қўйишдан мақсадимиз, орамизда бўлган ҳомиладор аёллар бу вазиятдан қўрқиб яшамаслигини, ўша туғруқ комплексида ишлайдиганларни кўзи мошдай очилганини сизларга билдириб қўйиш.

Бу ҳолатга республика соғлиқни сақлаш вазирлиги аралашган. Ҳозирда айни ҳолатни ўрганиш учун катта ишчи гуруҳ Косонсой туманида бўлиб турибди. Биз адолат учун курашаётган бир пайтда, СИЗ азизларга ҳақ-ҳуқуқингизни яхшироқ билишингизни эслатиб ўтмоқчимиз:

1. Ишингиз тушиб қандайдир анализ топширасизми, ҳомиладор аёллар скрининг марказига бориб апаратга тушасизми, ўша хизматлар БEПУЛ эканлигини билинг.

2. Янги чақалоқ дунёга келса суюнганингиздан айтилган "доля" сини беришга мажбур эмассиз. Уларнинг хизмати ҳам БEПУЛ. Давлат уларга катта-катта ойлик беришини билинг. Суюнганингиздан беришингиз керак бўлган пулни масжидларга эхсон қилинг, мактабларга бориб, мухтож, оёқ кийими йўқлиги учун мактабга бормаётган ўқувчига ёрдам беринг.

Қачонки барчамиз шу холатларни яхши тушунсак, ҳамма нарса пулга боғлиқ эмаслигини билсак, оқ халат кийиб олганларга "қора ишлар" ни бажаришига йўл қўймасак, юқоридаги каби холатларни олди олинади. Онаизор болам деб бўзлаб қолмайди, ёстиқдошининг ярим ёстиғи бўш бўлиб қолмайди, орқасида қолган зурриёдлари "онам қаерда" деган саволларни бериб, юракларни парчаламайди.

Кимдир сиздан нохақ пул талаб қилса, пул бермаганингиз учун касалингизга яхши қарамаса Соғлиқни сақлаш вазирлигининг 1003 ишонч рақамига қўрқмай алоқага чиқинг ва огоҳлантиринг!

Унутманг, республикамизда она ва бола саломатлигига эътибор ҳукумат даражасида олиб борилади, сизнинг ҳақ-ҳуқуқларингиз қонун билан ҳимояланган!

© Сарвархон Пўлатов

@KOSONSOY

Kasb bayramimiz o’tib ketgan bo’lsa-da, o’quvchilarimiz qalbidagi mehr-muruvvat va hurmat tuyg’usi ishimga bo’lgan rag’batimni oshirdi…

​​Inna lillahi va inna ilayhi rojiun.

Kechadan men uchun og‘ir kunlar boshlandi. Ikki farzandimizning onasi uchinchisini dunyoga keltirish vaqtida vafot etdilar. Alloh bandalariga toqatlari ko'tara olmaydigan darajada sinov bermaydi, albatta. Sinovlar - o'zi suyganlari uchun beriladi, InshaaAlloh. Ayolimni dafn qilish taraddudi ketayotgan, janoza namoziga esa 1 soat ham qolmagan bir paytda shifoxonadagilardan xabar keldi, "Tez yetib keling, kichkintoy ham og'irlashib qoldi". Shifokorlar(Alloh rozi bo'lsin) rosa harakat qilishdi, lekin yangi tug'ilgan Abdulloh - onasi dafn etilmay turib Haqqa qovushdi.

Har kecha soat 2 va 3lar oralig'ida ikkinchi o'g'limiz hali kichik bo'lganligi sabab holidan xabar olish uchun turar, keyin ibodatni ado etardilar. Bu tun shu ishni onam va men qilmoqchi bo'ldik, uyqusiragan Muhammadsodiq: "Onam keldilarmi..." deb so'radi. Ichim uzildi...

Ey pok Parvardigor! Ey rahmati g‘azabidan g‘olib bo'lgan Zot!
Bir muslima va norasida bandalaring huzuringga borayotir..
Hayoti davomida menga - o'z juftiga tik qaramagan, ovozini ko'tarmagan joriyangni O'zing rahmatingga burka! Uni Jannatdagi bu kabi sobiralarga va’da etilgan sabr qasringga joyla!
Men undan roziman, O'zing undan rozi bo'l, Robbim!
Yillar davomida oilamiz uchun qilgan yaxshiliklari va farzandlarimiz tarbiyasidagi chekkan mashaqqatlarini gunohlariga kafforat qilib, Firdavs jannatingda abadiy hayot ber!

Bu yolg‘on dunyoda qolgan biz noshudlarning ham oqibatimizni xayrli qil!
Omin.

Sizlar ham haqlariga duoda bo'ling, azizlar.

Taqdiringizdan rozi boʻling.

Yaxshilab oʻylab koʻrsangiz, nima boʻlgan boʻlsa ham, hammasi yaxshilikka boʻlgan.

Masalan:
- Qiyin kunlar berildi – sabr qilishni oʻrgandingiz...
- Dard keldi – hamdardlikni oʻrgandingiz...
- Sitamlar keldi - bardoshingiz tarbiyalandi...
- Yomonlar atrofingizda bisyor boʻldi, imoningiz charxlandi...
- Toshbagʻirlarga roʻbaroʻ boʻlib mehr berishni oʻrgandingiz...
- Kasal boʻlib - sogʻliqni qadrini bildingiz...
- Musofir boʻlib - yurtingizni va yaqinlaringizni sogʻinishni oʻrgandingiz...
- Yoshlikda uqimay - ulgʻaygach ilmni qadrini oʻrgandingiz...

Faqat sizdan iltimos:
Yetim boʻlmasdan ota - onani, qarilik kelishidan oldin yoshlikni, kasal boʻlishdan oldin sogʻlikni qadrlashni va umr tugamasdan har lahzangizni qadriga ertaroq yetishga xarakat qiling! Chunki bularni qadrini bilganingizda kech bo'ladi.

When you're driving in your car, there's giant window in front of you, the dash right? But then there's also this really small mirror called the rear-view mirror. The dash shows you what's in front of you. The rear-view mirror shows you what's behind you. But what would happen if you stop looking forward? You're gonna crash. The mirror that shows you what's behind you is only for reference. In other words, you look at it quickly, you get an idea of what's behind you, you learn from it, but you better keep your eyes on the road. So this is something we always have to remember about our past. We can reference it, we can learn from it, but we can't live there, and we can't get stuck there. It is a place of reference, but it can never, ever be a place of residence.

Assalomu alaykum, Azizlar!
Qurbon hayiti muborak bo’lsin!

Бўёқчи ва қайиқдаги тешик

Бир одам бўёқчидан қайиғини бўяб беришини илтимос қилди. Ишчи бўёқ ва чўткаларини олиб келди ва эгаси сўраганидек қайиқни оч қизил рангда бўяй бошлади. Соҳилда майин шабада эсар. Бўёқчи эса ҳафсала билан, шошмасдан ўз ишини бажарар эди. Иш пайтида у қайиқнинг бир жойидаги кичик тешикни кўриб қолди. Бўёқларини четга қўйиб, аввал ўша тешикни ямаб, ўз ҳолига келтириб қўйди. Ниҳоят ишини тугатиб, ваъда қилинган иш ҳақини олди-ю, уйига
кетди.

Эртаси куни қайиқ эгаси бўёқчининг олдига келиб, аввал берганидан бир неча
баробар кўп пул узатди. Бўёқчи: «Сиз менга ишим учун аллақачон пул тўлаган эдингиз, яна нимага пул бермоқчисиз?» – деди таажжуб билан.  Қайиқ эгаси бунга
жавобан: «Лекин бу бўяганингиз учун эмас, қайиқдаги тешикни тузатиб қўйганингиз учун ҳақ», – деди

«Э, қўявермайсизми, ахир бу майда иш эдику. Бунақа иш учун бунчалик кўп пул бериш тўғри эмас», – хижолат бўлди бўёқчи.

«Йўқ, ҳеч ҳам майда иш эмас. Нима бўлганини айтиб берай: Мен сиздан қайиқни бўяшингизни сўраганимда, бу тешик ҳақида айтишни унутган эканман. Қайиқнинг бўёғи қуриши биланоқ болаларим қайиққа миниб балиқ овига кетиб қолишибди. Улар кемада тешик борлигини билишмаган. Ўша пайтда мен ҳам уйда бўлмаганман. Мен уйга қайтиб, болаларимнинг қайиқни олиб кетишганини билганимда мени қўрқув ва хавотир чулғаб олди. Ахир мен қайиқда тешик борлигини билар эдим-да!
Мен уларнинг соғ-саломат балиқ овидан қайтганларини кўриб, қандай енгиллик ва қувончни ҳис қилганимни билсангиз эди... Кейин мен қайиқни текшириб чиқдим ва сиз тешикни тузатиб қўйганингизни кўрдим! Қандай эзгу иш қилганингизни биляпсизми? Сиз менинг болаларимнинг ҳаётини сақлаб қолдингиз! Сизнинг ўша “кичкина, майда” ишингиз учун ҳақ тўлашга менинг пулларим етмайди».

...Ким, қачон ва қандай бўлишидан қатъи назар, барчага ёрдам беришни, қўллаб-қувватлашни, диққат билан тинглашни ва яхшилик қилишни давом эттиринг. Сизнинг назарингизда арзимас бўлган иш кимнингдир ҳаётини ўзгартириб юборадиган даражада муҳим бўлиши мумкин.

Йўл-йўлакай, сиз қанча одамларнинг ҳаётини сақлаб қолганингизни билмаёқ неча-неча инсонларнинг «тешилган қайиқларни» таъмирлаган бўлишингиз мумкин...

#ибрат

ЯПОН РИВОЯТИ

Дзен устози ўз ўқувчисини ўқ узишга ўргатаётган эди. Ўқувчи камонни ва иккита ўқни олиб, машқ бажаришга шайланди. Бироқ, устоз унинг олдига бориб, ундан ўқнинг бирини олиб қўйди.
– Нима учун иккинчи ўқимни олиб қўйдингиз? – сўради ўқувчи.
– Мен сендан иккинчи ўқингнимас, биринчи ўқингни олиб қўйдим. Чунки, биринчи ўқинг барибир нишонга тегмас эди.
– Аммо нима учун?.. – ҳайрат билан сўради ўқувчи.
– Чунки, ўқ узаётганда сен заҳирада яна битта уриниш борлигини англаб турган бўлар эдинг. Мана шу хотиржамлик инсоннинг энг катта душманидир! – деди устоз.

Суданнинг Нил штатидаги мактабда ўқитувчилардан бири ўқувчилардан имтиҳон олишга қарор қилади. Энг яхши натижа учун мотивация бўлсин деб янги пойафзал совға этилишини айтади.

Болалар хурсанд бўлиб, қунт билан ёзишни бошлашади.
Ярим соат ичида ҳамма ўз ишларини топширишади ва деярли барчаси мукаммал жавоб беришади. Ўқитувчи барчага ажойиб натижа учун, саъй-ҳаракатлари учун миннатдорчилик билдиради. Лекин ўқитувчи совғани кимга беришни ўйланиб қолади.

Шундай бўлса-да, у муносиб ечимни топади. Ҳаммаси чин бўлиши учун у ҳар кимдан ўз исмини бир вараққа ёзиб, уни буклаб, бир қутича ичига солишларини ва бу қутичадан ўқитувчи биттасини олиб, номи чиққан ўқувчи ҳақиқий ғолибга айланишини эълон қилади. Дарҳақиқат, ўқитувчи қутичанинг ичидан бир қоғозни чиқариб, ўқувчининг исмини ўқийди. "Вафаа Aбдел Карим" мукофот соҳиби. Қиз Вафаа ўқитувчи ва барча болаларнинг қарсаклари остида кўз ёшлари билан олдинга қадам қўяди.

У барчага миннатдорчилик билдиради ва ўқитувчисидан ўзи учун жуда зарур бўлган ушбу ажойиб совғани қабул қилиб олади. У эски пойафзал кийишдан чарчаган, ота-онаси эса жуда камбағаллиги сабабли янгисини сотиб олиб беришолмаган.

Ўқитувчи мамнуният билан уйига қайтади ва бу воқеани эрига йиғлаб айтиб беради. Эри бундай воқеани хотинидан эшитганидан жуда хурсанд эди. Aммо кўз ёшларининг боисини тушунолмай хотинидан сўраганида шундай жавоб қилди:
— Қутини очиб қарасам, не кўз билан кўрайки, ҳамма унинг исмини ёзган экан. Ҳар бир қоғоз варағида "Вафаа Aбдул Карим" номи бор эди. Барча болалар унинг аҳволини пайқашган эди ва бу қизнинг фойдасига ўқувчилар совғадан воз кечишди.

@konspektor

"Дунё ишлари чала қолади!" - деб, Роббингни тарк этма. Зеро мозорлар, ишлари чала қолганлар билан тўладир.

Жалолиддин Румий

Barchamizga Ramazon hayiti muborak bo'lsin!
Allohim jannatining Rayyon darvozasidan kiritishlik bilan mukofotlasin!