گلاره
دِ دآرِ دنــیا دِ قِشَنــگی سَری
گَشتَه وِ دُورِت گَلّ ِ حُور و پری
خیالِ مِه عمریَه وآ تو گَشتَه
دِ سِیلِ تو، آو دِ سَرم گذشتَه
چَشمَه گِریوِس دِ رَیآ دیرِ تو
قطره وِ قــطره رَتَه دِ ویرِ تو
اُور بئـیَه بالِــشِ نرمِ خــاوِت
گُل وِ سَرِ گُــل بئیَه رَختِخاوِت
سئی مَسِم ئو حرفِم همیشه رآسَه
عاشـِـقتِم ، هِناسَـــه وِ هِناسَـــه
دِرمَنِمَه وآ دلِ بی دَصِلات
پامِ جِگا کو دِ بَنِ اَنگِلات
و...
ماهِ مِنی مینِ گَلّی اَسارَه
بی تو نِمِئینِم کَسینِه گِلارَه
#داود_سالاری_حسنوند#گلاره#شعر_خرم_آباد@JAYEDENJ