شاعران لُر sherlori@

د دس فکر پریشون, رو نیام صحرا
و سا داری,بنیشم تا دلم وا با

اومایه و سرت, وا خوت بویی درگیر
بریزی گن و یک ,د آسمو دلگیر

دنگ نی, نال نالش ,حوشک و راقم کرد
گری گوش تکه نام, آزا و ساقم کرد
تزی ون ریشه جونم ,برد د سر هوشم
هنی ,واسام ,دوآره وش بیم گوشم
نشس بن بن سخونم, ریشه ی جونم
چی آورد و سرم, خوم هم ناونم
رتم و ترکو ترکو ,پی دنگ نی
بلایی بی ,دنگی,کرده پسو ری

اجازه گرتمو, وا سر جواو دا
و چش وام حرف میزا, پرسی کجا یا?

د چش چی اور ,پر بارو, دمادم
می رخت خوناوه, اسر داغ ماتم

زوو گرتو دنو, بلبل, قناری
می وارس غم چی روز بی براری

گوتم سیقه دنگ.ت, دس پنجه رنگین
نکیسا سرکشی, بردیم دل و دین?
بنال ناله نی یت,حرف دلمه
دنگت ملهم ,دوای مشکل مه

وریسا ,دار شمشال ,و صناور
مگر نشنفتی یه, تو نوم خاور

دروشه گردنش ,دار وناو بی
ولی لرزش چی بی یه ,لو آو بی

گوت ای: ریوار ,ولم کو ,تون خدا تو
تشم دامونته نیره, بی گنا تو

برشته نوم دلم, د داغ یارم
مه لیلی لیوه یه ,دشت و هومارم
یه مجنون منه ,نی , کرده لیوه ام
رفیق خنه روز, شویا گریوه ام

یه شو کل هوفتمه,آسا بر افتو
یه هم هومرازم ,تا شو روم خاو
یه هومدنگم ,یه جا راز مگومه
یه عشق اول آخر, آو ,رومه

لووش میرم و لو ,و ,یاد یارم
یه لو شیرینمه, دونه ی انارم

یه گووه دل منه,یه کل کسمه
یه هومدنگ دلم,فریا رسمه

قرارمه, د روزیا ,بی قراری
وری لف مه, وری ,وا مه چیاری

وریسا رت و مه ,افتام و زاری
چی تشبرق هرده ای ,د نوم هوماری

خجالت می کشیم ,د ,حال و روزم
چی آس بازی, د لیلاجی بتوزم

تش دل پور نیا, چی تش خاپیر
وریسام تن, ولی دل بی زمی گیر

دنگ زنگ بزی, وا ناله ی نی
میما گوشم, ولی پایام نویی پی,

#رضا_جهانی
#زخمه_نهاوندی
✳️کانال اشعار زخمه نهاوندی

@zakhmea

چش مست, ونم و, هی رو هی رو
بوم و سیقه ی چشیا تو آهو


چی بچه می جووم ,ناخن دس یام
چی لیوه می کنم, چنگ چنگ, د خوم مو

#رضا_جهانی
#مینجایی
✳️کانال اشعار

@zakhmea